Новинар облечен како сиромав човек просел парче леб во црквии и џамии. Прочитајте што добил

Српскиот новинар Момчило Петровиќ се облекол како сиромашен човек и тргнал од врата на врата во црквите и џамиите низ Белград да бара парче леб. Новинарот раскажува што му се случило и како бил пречекан во верските објекти.

Вели дека можеби би било и неисправно да ги нарече лоши луѓе оние кои што не му ја удоволиле молбата да го нахранат.

„Можеби во нивните очи не сум им бил вреден за милосрдие“, вели Петровиќ.

Од друга страна им се извинил на сите оние добри луѓе кои го нахраниле за неговото лажно претставување.

Во првата католичка црква во „Свети Анте на Ѕвездара“ ја згужвал капата во рацете и чекал да го примети една забрадена жена.Откако го погледнала увидела дека не го познава и продолжила со своите вообичаени активности. Новинарот кој никогаш дотогаш не молел за храна, изговорил дека е гладен и побарал малку храна.

„Не беше зачудена и не бараше дополнително објаснување. Ме однесе во дворот каде што ме пречека една помлада жена, која пак ми одговори дека мора да го праша свештеникот на црквата. Останав пред вратата да чекам, а кога се појави ми подаде најлон со леб, кутија сардини и едно варено јајце.

Неговата наредна станица била црквата „Свети великомаченик Димитрија“.

Монументалната нова изградба воопшто не наликувала на оние градби на храмови од средновековието. Го погледнал мермерниот под, а речиси секаде околу него блескало од злати предмети. Почекал да заврши со броењето на парите на една од жените кои прадавале свеќи. Таа откако го забележала му одговорила дека ова е црква и дека овде нема храна.

„А да го прашам свештеникот?“, прашал Петровиќ.

„Нема никого, сите си заминаа“, му одговорила жената.

Во Црквата Света Петка поминал слично како и на претходното место, останал гладен, откако и жената која што продавала свеќи се однесувала нељубезно кон него, а свештеникот не бил во храмот.

„Бајракло“ џамијата која е единствена во Белград, изградена во XVI век, во последните 12 месеци била претворена како образовна институција на исламската заедница во Србија. Чукнал во една од просториите, а таму начекал тројца мажи кои најпрвин го гледале како малоумен, а потоа му објасниле дека не држат храна и дека не можат да му помогнат, па продолжиле да се смеат веднаш штом ја затворил вратата.

„Работата како просјак брзо се учи“, вели Петровиќ.

Во следната црква „Свети Александар Невскок“, влегол рутински, а таму го пречекал помлад човек со брада и му објаснил дека во близина има добротворна кујна каде што секој може да добие оброк.

Новинарот се помолил говорејќи „Ниту него боже не го заборавај, награди го и него, а со овие другите прави што сакаш. Јас само ти пишувам што тие прават, додека мислат дека не ги гледаш“, пишува Петровиќ

Започнува летото: Најнова детална анализа за ова лето

Утре (четврток) со почеток во 12:07 часот започнува летото.

Според денешните најнови направени анализи нема да се поклопуваат со оние кој ги направивме пред околу еден месец поради тоа што истите претрпеа значителни промени а тоа значи дека лето 2018 ќе биде нешто поврнежливо и посвежо за разлика од изминатото лето 2017 кога имавме екстремно топлотни бранови кој навистина траеја многу долго.

Температурите на воздухот иако ќе бидат во границите на просекот сепак повремено може да очекуваме и под просечни температури на воздухот и свежо време за летниот период но и повеќе врнежи од дожд како и услови за локално НЕВРЕМЕ кое би можело да услови локални поројни поплави и врнежи од град како и силен ветер.

И покрај ова не значи дека не треба да очекуваме барем неколку поизразени топлотни бранови и посуви периоди со многу високи температури на воздухот типични за тој дел од годината.

За подетални информации контактирајте ме на мојот официјален фејсбук профил каде можете да ја погледнете и секоја ново – обновена временска состојба – СЛАВЧО ПОПОСКИ.

(ВИДЕО) Хип-хоп забава во затворот во Идризово со Тони Зен и Пука Козметика

Познатиот македонски рапер Тони Зен заедно со Пука Козметика направија хип хоп забава за затворениците во Казнено поправниот дом Идризово.

Забавата се случила во вторникот, а просторот меѓу ќелиите бил искористен за настапот кој бил одржан со цел да се олесни процесот на ресоцијализација на затворениците.

„Сите сити“ обезбеди 12.500 оброка за социјално загрозени граѓани

Системот за донирање на вишок храна „Сите сити“, кој има за цел вишокот храна, кој сè уште е во добра состојба и безбеден за употреба, да не заврши во депониите, туку да се пренамени онаму каде е реално неопходен, успеа за само два месеци да спаси 4 тона храна и со тоа да обезбеди 10.000 оброка за социјално загрозени граѓани.

Станува збор за големи количества на овошје, зеленчук, житарки, сокови, кондиторски производи, млеко и други видови на храна, која само затоа што е со пократок рок или нема побарувачка за неа на пазарот, со сигурност би завршила на депонија.

Интересот кај бизнисите и хуманитарните организации да се вклучат расте, а дополнително десеттици волонтери се пријавуваат после своето работно време да помогнат во дистрибуцијата на храната до социјално загрозените граѓани.

„Сите сити“ почнува да станува двигател на хуманоста и солидарноста во Македонија. Се надеваме дека овој систем ќе ја постигне зацртаната цел да спаси 60 тони храна и да обезбеди 200.000 оброка до март 2019 година.

Воспоставувањето на првиот систем за донирање на вишок храна во Македонија, „Ајде Македонија“ го создаде со поддршка на Швајцарската амбасада, УСАИД, Мировниот Корпус, Националниот Демократски Институт и Публицис

Популарно