На сметките од патарините во Србија од денес нема да пишува БЈРМ

Македонија веќе цел месец фигурира со ознаката БЈРМ на сметките од патарините во Србија, соопштија за „Мета“ од српското јавно претпријатие „Путеви Србије“.

„Во однос на Вашето прашање, поврзано со натписот на признаницата за наплата на патарина на делница од автопатот кај Прешево, Ве известуваме дека системот за наплата на патарините на наведената делница е пуштен во употреба пред еден месец и сè уште е во фаза на тестирање. За Ваша информација, од утре, 21 јануари 2017 година, на признаницата ќе стои релација Левосоје – Прешево“, соопштија од „Путеви Србије“.

„Oваа недоследност треба веднаш да биде коригирана. Веруваме дека ваквата провокација која ги навредува чувствата на македонските граѓани не е одраз на добрососедство. Несоодветно и срамно е да се именуваме на навредлив начин како соседи“, соопштија вчера од македонското МНР и додадоа дека користењето на референцата и на кратенката од референцата наместо уставното име на Република Македонија e во спротивност со воспоставените дипломатски односи меѓу Македонија и Србија.

На ова, денеска шефоt на српската дипломатија Ивица Дачиќ изјави дека за Србија е навредливо користењето на називот „Република Косово“.

„Ние бараме обостран коректен однос. Ако веќе протестираат поради признаницата за патарина, што би требало ние да направиме поради нивното признавање на Косово и гласањето во УНЕСКО“, изјави Дачиќ за „Вечерње новости“.

Дачиќ, исто така, праша зошто Македонија не ги напушти Обединетите нации, Советот на Европа, ОБСЕ и состаноците со ЕУ, каде фигурира под референцата БЈРМ.

„Зошто седат под тоа име, а сега им е проблем признаницата на која истото го пишува? Србија не го сменила својот став за признавање на Македонија, но и за Србија е навредливо и срамно кога тие велат 'Република Косово'“, рече Дачиќ.

Дачиќ на почетокот од годинава во интервју за новинската агенција „Бета“ рече дека Србија згрешила што ја признала Македонија под уставното име, бидејќи Македонија ја признала независноста на Косово. Дачиќ рече дека во билатералните односи со Скопје ќе го употребува уставното име, но дека мултилатерално ќе ја користи скратеницата БЈРМ, која ја употребуваат ЕУ и ОН.

Угостителите измислуваат нови начини да ги „соголат“ туристите: Пицерија наплатува поставување маса и сечење пица!

На социјалните мрежи се појави фотографија од ценовник на една пицерија на хрватскиот остров Брач на кој е видливо дека угостителскиот објект наплатува и поставување маса, како и сечење пица.

Така, гостите за поставување маса ќе платат 12 куни (100 денари), а сечење пица 3 куни (25 денари) и тоа по парче.

(ВИДЕО) Чедомир Јовановиќ ,,излуде“ во емисија со историчарот Саша Адамовиќ

Долгогодишниот лидер на ЛДП, Чедомир Јовановиќ, беше гостин во емисија на Пинк телевизија, заедно со историчарот Саша Адамовиќ, кој порано беше челен на Народна партија, создадена од актуелната претседателка на српскиот парламент, Маја Гојковиќ, како резултат на несогласувањето со радикалите на Шешељ, чии членови беа..

Прашањето за Косово, а посебно обидот да се ,,испере“ Слободан Милошевиќ за злосторствата што ги правел, го изреволтираа Јовановиќ, кој излезе од кожа и буквално викаше во студиото, пред збунетата новинарка, која ја изгуби моќта на зборување во тој момент:

Сопственикот на ,,Медикус“ е осуден на 7 години затвор за илегална трансплатација на органи

Љутфи Дервиши, сопственик на клиниката “Медикус” од Косово, е прогласен за виновен и е осуден на седум и пол години затвора за илегална трансплатација и трговија со човечки органи.

Оваа пресуда ја донесе Основниот суд во Приштина, по неколу години судски процес.

,Докажано е дека Љутфи Дервиши, како сопственик и со лично учество на операциите, иако знаел дека прави недозволени дејствија, продолжил во повеќе наврати да регрутира ,,донатори“ на органи и да ги трансплатира во приматели, односно пациенти“-се вели во пресудата.

Дервиши со неговиот ,,тим“, извел најмалку 23 трансплатации на бубрези во 2008 година, така што на сиромашни дарители им плаќал одредени суми пари, а органите потоа ги продавал и транспплатирал на богати клиенти, најмногу од Израел, за 80.000 до 100.000 евра.

Популарно