На сметките од патарините во Србија од денес нема да пишува БЈРМ

Македонија веќе цел месец фигурира со ознаката БЈРМ на сметките од патарините во Србија, соопштија за „Мета“ од српското јавно претпријатие „Путеви Србије“.

„Во однос на Вашето прашање, поврзано со натписот на признаницата за наплата на патарина на делница од автопатот кај Прешево, Ве известуваме дека системот за наплата на патарините на наведената делница е пуштен во употреба пред еден месец и сè уште е во фаза на тестирање. За Ваша информација, од утре, 21 јануари 2017 година, на признаницата ќе стои релација Левосоје – Прешево“, соопштија од „Путеви Србије“.

„Oваа недоследност треба веднаш да биде коригирана. Веруваме дека ваквата провокација која ги навредува чувствата на македонските граѓани не е одраз на добрососедство. Несоодветно и срамно е да се именуваме на навредлив начин како соседи“, соопштија вчера од македонското МНР и додадоа дека користењето на референцата и на кратенката од референцата наместо уставното име на Република Македонија e во спротивност со воспоставените дипломатски односи меѓу Македонија и Србија.

На ова, денеска шефоt на српската дипломатија Ивица Дачиќ изјави дека за Србија е навредливо користењето на називот „Република Косово“.

„Ние бараме обостран коректен однос. Ако веќе протестираат поради признаницата за патарина, што би требало ние да направиме поради нивното признавање на Косово и гласањето во УНЕСКО“, изјави Дачиќ за „Вечерње новости“.

Дачиќ, исто така, праша зошто Македонија не ги напушти Обединетите нации, Советот на Европа, ОБСЕ и состаноците со ЕУ, каде фигурира под референцата БЈРМ.

„Зошто седат под тоа име, а сега им е проблем признаницата на која истото го пишува? Србија не го сменила својот став за признавање на Македонија, но и за Србија е навредливо и срамно кога тие велат 'Република Косово'“, рече Дачиќ.

Дачиќ на почетокот од годинава во интервју за новинската агенција „Бета“ рече дека Србија згрешила што ја признала Македонија под уставното име, бидејќи Македонија ја признала независноста на Косово. Дачиќ рече дека во билатералните односи со Скопје ќе го употребува уставното име, но дека мултилатерално ќе ја користи скратеницата БЈРМ, која ја употребуваат ЕУ и ОН.

(ФОТО) Како во хорор филм: Млад Србин чуван во кафез цели 7 години

Како во најстрашните хорор филмови, 34-годишниот Радован М, лице со посебни потреби, со години живее во кафез, заклучен со ланци и катанци зад решетки во својата руинирана куќа во околината на Кикинда, пишуваат српските медиуми.

Кафезот во кој престојува овој несреќен човек е сместен во трошна куќа без бања, паркет и други основни услови за живот. Мајката на Радован се самоубила пред две години кога дознала дека има рак, па во куќата живее Радован со својот татко Милан Ш.

Кафезот за својот син го направил пред седум години сметајќи дека тоа е единствено решение.

– Морав да го направам тоа бидејќи Раша некогаш сака да побегне, а има и агресивни испади. Го пуштам да излезе во текот на денот. Некогаш седиме пред куќата. Но, кога имам работа и излегувам, принуден сум да го држам заклучен за да не се повреди сам или некој друг, изјавил Милан.

Вели дека, бидејќи нема бања, својот син го капе во корито.

– Добивам некоја минимална социјална помош со која го хранам Раша. Но, тоа е малку. Раша нема облека, чевли, а најпотребна ни е бања. Сепак, и покрај се, мојот Раша никогаш не е гладен – рекол Милан.

Зоран скршен, ова е полошо од затвор – му го одземаа старателството над ќерката

Центарот за социјална работа на 10 октомври на Зоран Марјановиќ му го одзело старателството над шестгодишната ќерка Јана.

Старател на Јана сега е психолог од Градскиот центар за социјална работа, а таа е привремено сместена кај нејзиниот чичко Милош Марјановиќ.

-За ќерката на убиената Јелена и нејзиниот сопруг Зоран, кој се сомничи дека ја убил, засега ќе се грижат вработените од центарот за социјални работи. Таа засега ќе живее со Милош, но ако се случи и тој да заврши зад решетки, малата Јана автоматски ќе биде одведена од домот на Марјановиќ. Во тој случај , таа веќе нема да може да живе во куќата со баба и Зорица и дедо и Владимир- рекол извор од истрагата.

Брутална ликвидација-убиен адвокатот кој требало да ги брани Србите на Закинтос!

Познатиот грчки адвокат Махалис Зафирополус, кој пред два дена брутално е убиен во својата канцеларија во Атина, бил еден од адвокатите кој бил препорачан за случајот на убиство на американскиот државјанин Бакариј Хендерсон на Закинтос, за кое се обвинети државјани на Србија.

Убиството на 52 годишниот ја шокираше грчката јавност и поради тоа што се случи во центарот на Атина, во една од пофреквентните населби и поради начинот на кој беше извршено. Според информациите во грчките медиуми, двете лица не биле маскирани, соработникот на адвокатот ги видел и на полицајците им рекол дека станува збор за лица на возраст од 30 и 40 години, кои не говореле чисто грчки јазик, што значи дека веројатно се странци и не ги имал видено до сега. Убиството се случило, најверојатно со оружје со пригушувач, бидејќи не се слушнале истрели, а двајцата убијци успеале да избегаат без никој да ги забележи. Последните информации се дека кон адвокатот било пукано од далечина од само еден до еден и пол метар, а куршумот го погодил Зафиропулос во средниот дел на телото и бил кобен. Она што дополнително ја отежнува работата на грчката позиција во расветлувањето на случајот е тоа што адвокатот, во канцеларијата немал безбедносни камери, нешто што не е исклучена можноста да го знаеле двете непознати лица.

На стари случаи кои ги водел 52 годишниот Зафиропулос и на сведочењето на неговиот соработник се фокусираат грчките полицајци кои ја водат истрагата. Освен што трагаат по сторителите, грчките полицајци ќе треба да најдат одговори на низа прашања околу мотивите. Дали намерата била да го убијат или само да го заплашат адвокатот или пак закажале средба за да преговараат со него? Дали станува збор за платени убијци или пак за обични граѓани кои биле незадоволни од исходот на случај што го водел Зафиропулос? На помалку од 24 часа од убиството во грчките медиуми веќе се појавија информации околу истрагата. Полицајците ги „чешлаат“, мобилниот телефон и компјутерот на адвокатот, ги проверуваат разговорите од изминатите денови, мејловите, смс пораките. Проверуваат дали можеби добивал некакви заканувачки пораки, и покрај тоа што неговото семејство за грчките медиуми тврдело дека воопшто не се плашел, во спротивно ќе имал обезбедување, доколку добивал закани по животот.

Сведочењето на соработникот на Зафиропулос дека двајцата на почетокот „клиенти“, а потоа убијци, не говореле течно и чисто грчки јазик, според медиумите кај јужниот сосед, ја активирало грчката полиција да ја зголеми безбедноста на железничките станици, на аеродромите и на северната Граница на Грција, во случај сторителите да се странци и да се обиделе/обидат да избегаат од земјата. Освен безбедносните камери во околината на адвокатската канцеларија, се проверуваат и безбедносните камери на железничките станици и аеродромите.

Михалис Зафиропулос беше еден од најпознатите грчки адвокати специјализирани за кривично право, неговиот татко, кој почина во 2006та беше исто така познат адвокат, но и пратеник во Неа демократија. 52 годишниот Зафиропулос беше кандидат за претседател на адвокатската комора.

Адвокатите во Грција решија една седмица да отсуствуваат од нивните задолженија во знак на жалост за убиениот адвокат. За бруталното убиство кое ја шокираше Грција, реагираа сите политички партии, а грчкиот премиер веднаш откако беше објавена веста за убиството на Зафиропулос, контактираше со министерот за цивилна заштита и побара што побргу да се расчисти случајот, а сторителите да бидат уапсени.

Популарно