Најчесто поставувани здравствени прашања на Гугл: Дали може да се затрудни за време на месечен циклус?

Се почесто луѓето одговорите за здравјето ги бараат на Гугл. Токму затоа, новинари на CNN истражиле кои десет прашања поврзани со здравјето најмногу ги интересирале Американците во 2016 година.

Освен вечните прашања (дали може да се затрудни за време на месечниот циклус), во годината во заминување се нашле и прашањата за вирусот Зика, трауматските повреди на мозокот и „cupping“ терапијата.

Што е Зика вирус?

Вирусот Зика е најголемата здравствена тема во 2016 година. Меѓу десетте најпребарувани здравствени прашања на Гугл, две се однесуваат на овој вирус. Шестото најгуглано прашање е „Кои се симптомите за Зика“, додека прашањето „Колку трае Зика вирусот“ се нашло на деветтото место. Инаку, Зика е вирус што се пренесува преку угриз од комарец, преку сексуален однос, трансфузија на крвта и при породување од мајката на детето.

За Зика не постои лек, нити вакцина. Симптомите траат неколку дена, а вклучуваат треска, осип, болка во зглобовите, црвенило во очите, болка во мускулите и главоболка. Кога се пренесува во бременоста, може да предизвика бројни нарушувања, како што е микроцефалија, при што главата на бебето е помала од вообичаено, а во некои случаи го оневозможува целосниот развој на мозокот.

4500 случаи во САД

Вирусот првпат е идентификуван во 1947 година, а во 2015 се забележани 7000 случаи со зараза од вирусот во Бразил, од каде што, во 2016 година, се проширил низ целиот свет.

Во февруари годинава, Светската здравствена организација издала меѓународно предупредување особено до трудниците, советувајќи ги да не патуваат на подрачјата со евидентирана зараза од вирусот. До 21 декември, во САД се забележани 4.756 случаи, од кои 215 се предизвикани со угриз од комарец во САД, а 4.541 случај од угриз на комарец за време на патување. Една зараза се случила во лабораторија. Поголемиот дел од локалните случаи во САД се забележани во јужна Флорида и во Тексас.

„Cupping“ терапија

Меѓу најпребаруваните прашања на Гугл се најде и прашањето „што е ‘cupping’ терапија“. Годината во заминување беше олимписка година, а интересот за оваа терапија го покренаа темните дамки на телата на пливачот Мајкл Фелпс и на гимнастичарот Алекс Надур.

„Cupping“ е древна тераписка практика при што загреани стаклени чаши се ставаат врз болните мускули. Чашите (од отворената страна) предизвикуваат делумен вакуум, за што се верува дека ги стимулира мускулите и го поттикнува крвотокот, па на тој начин ја повлекуваат болката во мускулите. При терапијата, остануваат темни дамки, што наликуваат на љубовен угриз.

Што е TBI?

Четвртото најпоставувано здравствено прашање на Гугл во Америка било „што е TBI“. Тоа е кратенка за Traumatic brain injury (трауматска повреда на мозокот), најчесто предизвикана при спортска повреда, повреди во сообраќајни незгоди, физичко насилство и други ситуации кога ударот во глава остава трајни последици на мозокот.

Симптомите можат да се појават и недела дена после повредата, а вклучуваат главоболки, губење на координацијата, мумлање при говор, пелтечење, губиток на свест и проблеми со будењето.

Како прашање од интерес, TBI се појавил после убиството на Кит Ламонт Скот од страна на полицијата во Шарлот. Сопругата на Скот во видеото што се проширило низ медиумите, ја преупредува полицијата дела Скот има трауматска повреда на мозокот.

Овие се десетте најпоставувани здравствени прашања на Гугл во САД, во 2016 година:

1. Што е „cupping“ терапија?

2. Дали може да се затрудни за време на месечен циклус? (одговорот е ДА)

3. Дали бронхитисот е заразен?

4. Што е TBI?

5. Што го предизвикува воспалението на слузницата?

6. Кои се симптомите на вирусот Зика?

7. Како најбрзо да се ослободиш од херпесот?

8. Колку долго е заразен конјуктивитисот?

9. Колку долго трае вирусот Зика?

10. Дали може да се затрудни на контрацептивни таблети?

(ВИДЕО) Што се ПМ 10 и ПМ 2,5 честички и што можат да му направат на вашето здравје?

ПМ 10 се многу ситни честички со големина до десет микрометри кои содржат канцерогени метали, прав и други опасни материи. ПМ 2,5 честичките се четири пати помали од првите и како такви можат да навлезат и во крвотокот. Каква штета му прават овие честички на организмот, објаснува  Мими Кимовска Христова, педијатар и член на О2 Коалицијата за чист воздух.

Ова е се само не е воздух каков треба да дишеме. Вака доктор Мими Кимовска Христова, ја опишува денешната состојба во главниот град, но таа веќе 4 години постојано алармира и предупредува за зголемената аерозагаденост и штетните последици кои ги чувствуваме сите и на социјалните мрежи и преку еколошките здруженија.

-Ова е се само не е воздух, смог измешан со зголемено ниво на штетните ПМ 10 и ПМ 2,5 честички, изјави д-р Мими Кимовска Христова, педијатар и член на Коалицијата О2 за чист воздух.

Според д-р Кимовска Христова, научни студии докажале дека штетните ПМ честички се причина за сериозни болести меѓу кои и малигни заболувања, предвремени породувања и бебиња родени со мала тежина.

-ПМ 10 се многу ситни честички со големина до десет микрометри кои содржат канцерогени метали, прав и други опасни материи. ПМ 2,5 честичките се четири пати помали од првите и како такви можат да навлезат и во крвотокот, додаде д-р Кимовска Христова.

Трик кој ќе ви помогне да го зачувате здравјето - како да се заштитите од зрачењето на мобилните

Свесни сте дека уредите како што се мобилните телефони, компјутерите и слично, зрачат. Поради тоа не треба константно да сте во нивна близина.

Еве како да се заштитите од штетното зрачење на ваквите уреди:

1.Пред сѐ треба да се користат слушалки. Слушалките со жица се подобри од Bluetooth уредите.

2.Подобро е да испратите текстуална порака отколку да разговарате преку уредот. На тој начин е одалечен уредот од главата а зрачењето е подалеку од мозокот.

3.Наместо наутро да ве буди мобилниот телефон покрај глава- нека ве буди старомоден будилник.

4.Бидејќи зрачењето влијае врз плодноста, не се препорачува држење на мобилните уреди во џеб, како од панталоните така ни во горните џепови од кошулата (поради рак на дојка).

5.Се препорачува користење на футроли, а бројни произведувачи веќе продаваат футроли кои блокираат третина од зрачењето.

Знаци дека имаш недостаток на железо

 Светската здравствена организација предупредува дека 80% од населението во светот страда од недостиг на железо. Ако вие сте дел од останатите 20% – продолжете така. Но, ако сте дел од мнозинството – оваа статија е наменета за вас.

1. Постојано си уморен и немаш енергија – доколку заморот трае подолго од обично, време е да испиташ дали причината е недостаток на железо;

2. Жолтеникав, блед тен – хемоглобинот на твојата крв и дава црвена боја, поради која твојата кожа добива розов тен. Секое опаѓање на хемоглобинот предизвикува бледа кожа;

3. Главоболки и вртоглавици – мозочните артерии често пати потекуваат при недостаток на железо, што предизвикува силни главоболки и мигрени;

4. Неправилно отчукување на срцето – заради забрзаната работа на срцето можни се бројни срцеви проблеми, па затоа при првите нерамномерни отчукувања на срцето, консумирајте храна богата со железо;

5. Јазикот добива чудна боја – покрај тоа што јазикот ја губи старата боја, ниското ниво на железо го намалува количеството на крвни зрнца кои ги одржуваат здрави мускулите на јазикот;

6. Анксиозност и стрес – недостатокот на железо може да доведе до анксиозност. Заради недостатокот на железо срцето чука забрзано, па се чувствуваш напнато дури и кога немаш причина за тоа;

7. Силни менструални болки – изгубеното количество на крв нема целосно да се обнови доколку имаш недостаток на железо, па од тука потекнуваат менструалните болки проследени со замор.

Доколку страдате од еден или повеќе од овие симптоми немојте да ги игнорирате

Популарно