Најлуд секс скандал во историјата: 10 години го чувала љубовникот на таван, а потоа се случил шок

Родена во далечната 1880. година некаде во Германија, Валбурга "Доли" Кершхел била вмешана во еден од најбизарните секс скандали во светската историја. Имено, се омажила за богат сопственик на успешна фабрика за кецели, но бракот не ја задоволувал. Поради тоа се свртела кон љубовниците.

Бизарната приказна започнува еден есенски ден во 1913. година, кога го замолила својот сопруг, Фред Остерејх, да прати еден негов вработен да ја поправи нејзината машина за шиење. Кога 17-годишниот Ото Санхубер тропнал на вратата, Доли го пречекала практично гола. Машината за шиење останала недопрена, а тој судбоносен ден го означил почетокот на нивната врска, која ќе потрае со децении.

Како што во тоа време пишувал LA Times, на почетокот Ото и Доли се состанувале во хотели во тајност, но наскоро почнале да се состануваат и во брачниот дом на Остерејхови. Висконсин во тоа време бил центар на конзервативното американско општество и соседите почнале да се бунат поради честите посети на непознатото момче кај мажената жена. Доли добила една убава идеја.

Ото ќе даде отказ и ќе се пресели на таванот на Остерајхови, каде ќе може да ужива во предностите на врската без да го гледаат соседите. Ото би морал да се откаже од секаков човечки контакт, освен секојдневните уживања со Доли. Него тоа не му пречело премногу и наскоро почнал да живее на таванот. Во текот на вечерта практично ги голтал книгите кои Доли му ги носела од книжарницата во близина.

Често мечтаел за живот на писател на романи. По пет години таен живот, Ото успеал да објави неколку романи под псевдоним, но Фред Остерејх почнал да тоне во лудило. Слушал неописливи звуци од таванот, цигарите му исчезнувале, и често гледал сенка која минува пред вратата на спалната соба. Во 1918. година решил да се пресели во Лос Анџелес, не знаејќи дека сенката ќе го следи.

Доли прифатила да се преселат, но под услов новата куќа да има таван. Во Лос Анџелес брачниот пар често се расправал, и кога во 1922. година избила жестока расправија, Ото се симнал од таванот и го убил Фред за да ја заштити својата љубовница. Помалку во паника се договориле дека Ото ќе ја заклучи Доли во ормарот и ќе глуми дека некој провалил во домот за да ги ограби и притоа го убил Фред. Полицијата поверувала во таа приказна бидејќи немале причина за сомнеж, бидејќи Доли била заклучена во орманот по убиството. Вдовицата го наследила богатството и добила слобода да ужива во љубовта со Ото. Меѓутоа, продолжила да го чува на таванот, а Ото подоцна рекол дека станал роб на љубовта кон Доли.

Додека претходниот љубовник го чувала на таванот, Доли се свртела кон нови љубовници. Почнала врска со адвокатот Херман Шапиро, но и со Рој Клумб. На Херман по грешка му го подарила часовникот на покојниот Фред, и тоа часовникот чие исчезнување го пријавила по убиството на сопругот. Покрај тоа Рој го замолила да се ослободи од оружјето со кое бил убиен Фред. Во една прилика, при една жестока расправија, Рој одлучил се да и каже на полицијата. Доли на Херман му кажала и дека треба да го нахрани својот брат кој се крие на таванот.

Ото бил пресреќен што за прв пат по речиси десет години разговарал со некој друг човек освен Доли. Херман не бил воопшто задоволен од тоа што Ото е на таванот и веднаш го избркал. Исплашениот Ото побегнал во Канада.

Неколку години подоцна, во 1930. година, Херман и Доли се разделиле во лоши односи, па адвокатот раскажал се во полицијата. Полицијата ја уапсила Доли и ја ставила на обвинителната клупа. На Ото му било судено во отсуство и бил прогласен за виновен, но бидејќи злосторството застарело, продолжил да живее како слободен човек. Доли пронашла нов љубовник, со кој живеела среќно во наредните 30 години.

Закрепнувањето по „скршено срце“ трае три месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.

Популарно