Не е до „Режимот и Демократијата“, „Предавниците и Патриотите“, Заев и Груевски, до НАС Е!

На само неколку часа пред изборниот молк на предвремените парламентарни избори во Македонија, ред е да го напишам мојот последен текст на сагава која по 11ти Декември, нема да заврши, но ќе тргне по друг пат.

Пред 5 дена пишував за изборните капањи и ветувања на двете најголеми македонски политички партии и побарав од лидерите да одговорат на неколку прашања, како би ме убедиле да гласам за нив. Секако, тоа не се случи. Оваа предизборна кампања во 25 години самосталност на државава е најниската според сите критриуми до сега. Секогаш кога ќе помислев дека го допревме дното, уште следниот ден, следниот час некој ме разубедуваше и ми покажуваше дека има уште пониско. Лидерите немаа време да зборуваат за она за што треба, туку одбраа да го оцрнат противникот. Не дека за тоа им требаше многу труд, но сега и обајцата на избори излегуваат „црни“. Прашањето е кој е „поцрн“?

Станува светски тренд, секако негативен, при политичка битка, би рекол дебата, но тоа не е, да се повторуваат одредени фрази и цврсто самобендисано да се игнорира се друго. Па еве на само два дена до изборите и двете партии постојано повторуваат дека ќе победат. Разбирам дека тоа е стратегија, но да бидеме на чисто, НЕ МОЖЕ двете партии да победат. Значи, за два дена едните ќе слават, а другите... би сакал да речам ќе ја честитаат победата, но тоа не е пракса на овој светски тренд. И не ме плаши тоа што Заев и Груевски не убедуваат сите дека ВМРО ДПМНЕ, односно СДСМ, на овие избори ќе искинат, туку тоа што членството им верува. По цели денови на социјалните мрежи читам дека „Режимот ќе падне“ или од другата страна дека „На предавниците ќе им пресуди народот“, е ама не може и двете да се вистина. Искочија мал милион анкети дијаметрално спротивни една на друга. Според едните ВМРО убедливо победува, според другите разликата се топи и на 11ти Декември СДСМ конечно ќе ја превземе предноста. Ок, разбирам, анкетите се нарачани, но зошто ова не го разбираат партиските членови? Дечки, ако верувате дека вашиот противник нарачува анкета, зошто мислите дека оние кои ветуваат ваша победа се точни? Уште кога на ова ќе се додат нелогичностите кои ги следат резултатите во самата анкета. Пред некој ден разгледав една во која прдноста на ВМРО е речиси стопена. Во ред, еве да верувам во тоа. Но, на следното прашање, до македонскиот гласач, „Дали ја подржувате двојазичноста која ја промовира СДСМ“, дури 94 % одговориле негативно! Како сега истите тие својот глас би го дале на Социјал Демократскиот Сојуз?! Сигурен сум дека вакви нелогичности има и во анкетите од другата страна, но одамна престанав да трошам време на истите. Според анкетите не требаше да се случи Брегзит, Трамп требаше да биде поразен, Италија требае да смени устав, но....

Значи не е само кај нас пракса нарачката на анкети, тоа е како што реков дел од светскиот тренд, но што кога ќе ги дознаеме изборните резултати? Дали на таа „анкета“ ќе и веруваат поразените? Во Британија се бараше нов референдум, во САД сеуште се протестира на улица за победата на Трамп, а ние веќе имаме искуство со не признавање на изборни резултати. Всушност, еден таков потег на минатите парламентарни избори не донесе каде што сме сега. Ниту во Британија, ниту во САД, па се покажа дека и кај нас, поразените немаат аргумент на кој се повикуваат, туку не им се допаѓа исходот! Проблемот е што народот на 11ти Декември не може да им угоди на двете страни. Нема нерешено, нема два победника, ниту две држави. И што тогаш?

Ова не го пишувам со цел Заев или Груевски на 11ти да признаат пораз, туку за вас политички активните или барем симпатизери на едната опција. Лидерите можат да кажат што сакаат, но ако вие признаете, прифатите пораз, тогаш сме на прав пат. Доколку слепо и без аргументи повикувате на за вас пожелен исход, ја рушите демократијата и не носите сите во многу опасна иднина.

За крај, до сите кои на било кој начин ќе учествувате во овие избори, дали како дел од организацијата, безбедноста или како гласачи, ве молам за мирни, фер и демократски изборен ден. Македонија со години пропушта премногу, се плашам дека ова ни е последната.

Автор: Пацифист

Јазикот или народот: Што им ветил Заев на Грците?

Два дена Македонија живее во лудило како резултат на преговорите за промена на името со нашиот јужен сосед. „Република Илинденска Македонија“ прифатено од премиерот Заев и врвот на владејачката гарнитура и никој друг, па дури ни од Грција. Два дена сите медиуми и социјалните мрежи пишуваат само за тоа. Напразно сите намерни и ненамерни спинови, кога е името во прашање, нема спин што може да го засени.

Како и секогаш, при секоја гарнитура на власт во Македонија, постои дел од народот што ќе подржи СЕ што тие подржуваат. Така и во овие два дена имаме ликови кои наеднаш почнаа да се крстат во Илинден и новото прекрасно име. Извадија на социјалните мрежи комитски фокти од нивните предци со кои се поистоветуваат, во обид да го престават предлогот прифатен од Заев како победа. Но, победа нема. Всушност, „Илинденска“ не е предлог со кој требаше да се реши спорот, туку да се постигне некаков напредок. Кога во преговори има напредок, тој секогаш е на штета на едната страна. Мене лично грчката не ме интересира, па ќе пишувам само за штетата што ние ја претрпевме со прифаќањето од страна на Заев и лидерите на СДСМ.

Дека „Илинденска“ е далеку од прифатлива опција, посебно за Грција е повеќе од јасно. Се што треба да направите за да го сфатите тоа е да ја погледнете картата на Илинденското Востание и се ќе ви биде јасно. Востанието што требало да го ослободи македоснкиот народ било распространето на многу поголема територија од оваа што денеска и припаѓа на нашата татковина. Да не должам многу, погледнете ја картата сами.

Токму затоа, Бугарија веднаш го прифати како можно решение. Знаејќи дека нема да биде прифатено, Бугарија го искористи моментот да ја изрекламира својата верзија на историјата и воедно одглуми одличен сосед. Ако имаше барем најмала шанса си „Илинденска“ да се реши спорот меѓу Македонија и Грција, Бугарите во моемнтиве ќе вриштеа со закани за ВЕТО секаде каде можат.

Кога веќе е јасно дека „Илинденска Македонија“ не беше опција за крајно решение, што беше целта на овој предлог?

Македонија да покаже подотвенсот за компромис. Нешто што го слушаме толку години, а сме го докаже безброј пати. Од знаме и устав во 90тите, па еве сега до повторно менување на уставот и прифаќање на ново име. Кога толку пати сте направиле компромис, всушност и не станува збор за преговори, туку за  иполнување на секоја желба на соседот.

Премиерот на Македонија прифати „Ерга омнес“, односно име за севкупна употреба и промена на Устав. Заев, кој само пред 3 месеци изјавуваше дека е неприфатливо да менуваме Устав, сега овој пакет ни го преставува како победа.Не дека ваквото однесување на премиерот е ново и за мене чудно, но вреди да се спомене.

„Илинденска“ требаше да ги шармира симпатизерите на ВМРО ДПМНЕ. Иако, опозициската партија во моментиве речиси и да не постои, на сите им е јасно дека на последните парламентарни избори во Македонија во македонското гласачко тело убедливо најмногу гласови освои токму ДПМНЕ. Мицкоски застана на ставот на партијата дека Ерга Омнес не е прифатлива опција, но ниту тој, ниту претседателот Иванов не го искоментираа „Илинденска Македонија“ како можно решение. Немаа коментар. Со тоа оставија простор нивното членство и симпатизери сами да оценат дали Илинденска е всушност она за што цел живот сонувале.

Да го зголеми притисокот врз Грција по одбивањето на овој предлог.

Уште еднаш да го подели народот во Македонија. Предавници и патриоти, либерали и националисти, демократи и конзервативци.... Поделби многу, а толку малку народ.

Предлогот, падна. Падна во Македонија, падна и во Грција, а ако беше сериозен ќе паднеше и во Бугарија. Колку беше несериозен кажува и тоа дека Турција воопшто не се вознемири. Никаква реакција од наследниците на Османлиската империја, кои и ден денеска како малцинство живеат во Македонија. Сепак, го постигна резултатот што „процесот“ го имаше во план. Ерга Омнес веќе не е тема на преговарање. Грција тоа веќе го има. Кое и да биде крајното решение, сега е јасно дека ќе бида за севкупна употреба. Прашањето што сега треба да не мачи е, ако Грција го доби Ерга омнес, кое ќе биде следното нејзино барање на преговорите, кое Заев во знак на компромис ќе го прифати? Дали се на ред името на народот и јазикот? Друго веќе и немаме шато да и дадеме на Грција. Од историјата пред Илинден секако се простивме, што е следно???!!!

Автор: Пацифист

Танушевци повторно под опсада од Хоџа?!

Минатата недела пишував дека на Вла(д)ата на СДСМ не им треба ПР тим, односно СПИН тактика, бидејќи самите си се спин. Од огромниот број на глупости човек не може да се фокусира на една, па глупостите стануваат нормален начин на „функционирање“ на Заев и другарчињата.

Од кога пишувам текстови во вид на колумни, поминаа веќе 4 години. Секоја година во Мај пишувам една за Евросонг, но оваа година нема простор. Не може човек да начека вакум од некоја дебилна постапка на револуционериве. Не дека ми се пишува за нашето преставување пред музичка Европа, всушност целиот тој ивент го хејтам по секој основ, ама да прошарав малку. Искрено, не ни гледав Евровизија, ниту ми беше нешо драма како е облечена нашата преставничка. А како да ми биде, кога во тие моменти Зоки си вработи терорист за советник за безбедност во Влада?

Ликов уште од старт си кажа зошто премиерот го ангажирал: „Се договоривме да го ослободам Танушевци, а Заев да ме вработи во Влада. Па морам и јас од нешто да живеам“! Врв! Штета што не објасни од кого тоа го ослободил Танушевци. Од себе ли? Потерористичка изјава од ова тешко! Но, не е Хоџа било кој, па ако малку се раскопа по неговите ТВ изјави од минатото, има и такви изјави. На пример онаа по „Диво насеље“ кога несудениов советник на Зоки изјавува дека е горд на терористите, бидејќи храбро се бореле и успеале да убијат 8 припадници на Тигрите! Денеска се појави уште една видео изјава, во која ликов на Албанците им порачува дека имаат само две опции. Војна со Македонците или припојување со Албанија! Но, не, ова не беше доволно Заев да ја повлече поканата за советничко место на терористов, па Хоџа мораше сам да ја одбие функцијата. Ок, пак се изглупира, ама од лик ко него што друго да очекувате? Командантот му рекол на премиерот дека ја одбива работата поради реакциите на јавноста и дека си ја сака државата! Која држава?!!!! Албанија ли? Косово? Остана нејасно и тоа дали Хоџа сега пак ќе го заземе Танушевци, бидејќи човекот како што кажа, има фамилија да рани.

Заев, од друга страна, мртов ладен изјави дека Хоџа ја одбил поканата за советничка функција и толку! Чекај бе Зоки. Па нели Хоџа беше многу важен затоа што го знаел теренот околу Танушевци? Што правиме утре ако треба да се берат печурки во регионот? Кој ќе оди? Еве, ако не знаеш, прашај накој од останатите 56 советници. Ваљда ќе знаат нешто на темава.

Него, не ме чуди мене Зоки или некој планински фраер ко Хоџа. Првиов ми стана јасен уште кога кажа дека Бог го црпнал. Се по таа изјава е само потврда за неговиот капацитет како месија од филм на Монти Пајтон. Команаднтов пак е лик што освен пушка и екстремен национализам никогаш и не знаел, ниту ќе знае друго. Такви ликови си има во секоја гора, само што баш овој облече одело и за малку ќе се вселеше во Влада. Она, што мене ме чуди е што сеуште има ликови, кои за себе велат дека и припаѓаат на интелигенцијата во македоснкото општество, а се обидоа да го оправдаат потегот на премирот. Замислете, терористов сфати дека потегот е дебилен, ама овие „стручњациве“, „аналитичариве“, „колумнистиве“ ... не сфатија. За нив баш било фино да се има терорист во Влада, а ако утре дојде до немири, да се искористи неговото знаење! Пошто, нели, ако Хоџа е во влада и утре пукне, он одма ќе застане на страна на Тигрите на кои им се сити за смртта на нивните колеги! Ќе земе пушка и ќе тргне во битка со неговите другари од гората! Или можеби, онака хипотетички, ќе им издава тајни на терористите и сепаратисти? Вас што ви звучи пореално?

Ете од толку глупости на Зеавистиве, немам простор да пишам нешто за сестра и на Катица Јанева, ниту за исечените дрва во Карпош, за зградата во Козле што му се всели во двор на еден скопјанец, за преговорите за името... итн итн.  Јас немам простор, но еден ден сето ова ќе биде запишано во учебниците од кои ќе учат следните генерации. Ќе учат за црпнатиот и терористот, за специјалната и сестра и фризерка, за Петре и зелено Скопје... Ќе учат за Македонија во епизода од Монти Пајтон и „шарените револуционери“ кои станаа советници. Секако, за тоа да се случи, најпрво мора да паднат од власт, а на нивно место да дојдат вистински лидери. Ова со паѓањево е лесно, веќе предвидливо и тоа во скоро време. Вториот дел ме плаши. 27 години немаме ниту еден политичар вреден да се издвои, а под итно ни треба лидер. Ако не го произведеме набрзо, се ќе биде залудно!

Автор: Пацифист

Заев: Го отворивме како пупка!

Последен ден од Април 2018 година, утре е 1ви Мај, меѓународниот ден на трудот, но мојот впечаток е дека сеуште сме заглавени на први Април. Искрено се надевам дека сето ова што ни се случува е шега, затоа што другата опција е трагедија.

Во 11 годишното владеење на ВМРО ДПМНЕ видовме и доживевме многу тешки моменти и грешни одлуки. Но, веројатно она што на крајот ќе се памети како најголема грешка на „режимот“ беа заробените медиуми и ПР машинеријата која секогаш спинуваше се што не им одговараше. Токму од тимот на Груевски научивме што значи спин. Сега секој од нас знае кога оние на власт се обидуваат да го пренасочат вниманието на народот, во нешто што за нив е подобра опција. Поучен од својот преходник и сегашниот премиер си изгради МАСИВЕН ПР тим, па дури и Министерство си склопи,  токму за таа намена и погреши! Не само што народот сега знае кога поранешните твитерџии, сега вработени во Влада, се обидуваат да го пренасочат вниманието од битни теми, па ќе откопаат слон за кој ете уште првиот ден знаат колку е стар, туку и нема потреба! Сериозно НЕМА потреба од сите тие „шерени револуционери“ на платниот список на Владата. На оваа Влада не и треба ПР, не и требаат спин експерти, тие се најдобри во тоа сами. Луѓево кои не водат, прават толку глупости што човек и да сака да се фокусира на една, не е можно!

Само во Април:

- ДУИ се пукаа пред седиштето на партијата, при што загина човек!

- Шилегов си ја укина забраната за паркирање на Водно и воведе скап паркинг

- Љубе Бошкоски стана советник за надворешени инвестиции, при што беше единствениот од пријавените на огласот за позицијата кој ги исполнувал условите! Зарем слаткар бараа?

- Пратениците гледаа фудбал во собрание на седница за интерпелација на владата

- Се донесе против уставен Закон за Јазици без разгледување на амандманите и со гласање на жими мајка, исто како при „изборот“ на тој што сега го викаат претседател на Собрание

- Истиот „претседател“ и типчено кое вели дека Македонија настанала како поклон на Тито си ги вработија дечињата во ЕЛЕМ

- Видовме барем 10 огласи за во јавна администрација во кои се бараше „масер“ за млад референт во министерство и слично

- Владата се задолжи пак и пак и пак

- Се играше чочек во тунел

- Заев најави отварање на уставот при влез во ЕУ, но и ако грчките граѓани имале потреба од гаранции

- Град Скопје ќе собира даноци и за подруми!

- Детено што си игра директор на Агенција за млади и спорт, издаде секси поезија. Беше уредник, ама не беше. Па ја испечати во 5.000 примероци, а сега не може да си ги најде. Тој каишот не знае да си го закопче(има и доказ фотка за тврдењево), ама дироктор е. Срцка!

- Заев изјави дека ние сме само дела од Регионот Македонија! Додаде дека еден дел е во Грција, а друг во Бугарија. Можеби во тој дел во Бугарија живеат луше кои се чувствуваат како Македонци, што е нивно право, додаде премиерот! Но, не излажа. Тоа оддамна не е нивно право! Бугарија не признава малцинство, а со договорот кој тој го потпиша Македонија се откажа од Македонците во Бугарија!

- Заев го отвори како пупка судскиот процес во кој се гони за барање на поткуп. Не било поткуп, тој само го мотивирал човекот да даде пари за изградба на црква! Секако, сето тоа од позиција на моќ, односно како градоначалник на Струмица.

- Баш братучед на премиерот започна милионски бизнис со Канабис во Македонија

Има уште многу, но дури и да се продолжам да набројувам, знам дека нема шанса се да ми текне. Толку се лоши, што станаа одличен СПИН сами на себе! Не може човек да им ги запомни сите глупости, ни за една седмица! Се отворија како пупки и си цветаат! Си грмат, а ние живот си живееме. Сеир си тегнеме и си гледаме како струмичанец не вози во бездна. Еден ден на нашите деца/внуци ќе треба да им објасниме зошто само се смеевме и ништо не превземавме...  Кога станува збор за одговорност, ние сме ненадминливи. Секогаш некој друг е крив. Беше Бранко, па Љубчо, Груевски, сега Заев. Кој ли ги гласа? Кој ли им дава власт? Ај овој „Бог го црпна“, ама претходните?

Математичарон, од „другата“ страна да не го спомнувам, зашто тој реално и не постои. Он е пресметана грешка. Непозната во 183та децимала.

За крај, честит 1ми Мај на сите чесни и трудољубиви.

Автор: Пацифист

Популарно