Непозната вирусна инфекција предизвика заболување кај 18 лекари и друг медицински персонал во болницата во Крушевац, Србија.
Како што објави српскиот Блиц, повеќе лекари и медицински сестри имале исти симптоми, температура и осип, а веќе им се направени крвни анализи и се во карантин.
Најмногу заболени има на одделението за хирургија во болницата. Се смета дека ги заразил 37-годишен пациент кој бил хоспитализиран минатата недела.
Сепак она што е најмногу збунавачко е дека лекарот кој прв го прегледал пациентот нема симптоми, како ни возачот кој го возел со Итна помош, но затоа сите останати лекари и сестри имаат.
Пациентот дојде со воспаление на белите дробови. Сепак е чудно како сите кои првично имаа контакт со него не се заболени, а сите останати се, вели извор.
Според српски Курир сеуште се чека на резултатите кои би прецизирале за какво заболување станува збор.