Несторовски замена за Гризман во Атлетико Мадрид!

Илија Несторовски од јуни својата кариера најверојатно ја продолжува во шпанскиот гигант, Атлетико Мадрид, пишува ЕКИПА.

Наспроти бројните шпекулации изминатиов период од страна на италијанските медиуми за преселба во редовите на Наполи, и интерес од Лацио и Севилја, македонскиот голгетер е на добар пат по крајот на сезоната да се пресели во Мадрид.

Според информациите, интересот на Атлетико Мадрид е актуелен неколку месеци, а деновиве е дополнително засилен по новите одлични партии на 26-годишниот Несторовски на дуелите против Наполи и Кротоне. Извонредната форма на Несторовски, и неговите досегашни девет гола во дресот на Палермо во Серија А, е првата препорака раководството на Атлетико Мадрид веќе од сега да активира преговори за осигурување на неговите услуги од јуни.

Како што е познато, во јуни од Мадрид заминуваат офанзивците Антоан Гризман, кој веќе се поизвесно се сели во Манчестер јунајтед, како и Фернандо Торес. Сето тоа носи отворен простор за ангажман на офанзивци. Првиот човек на Палермо, Маурицио Зампарини зимава и пред јавноста соопшти дека нема да дозволи заминување на Несторовски за сума под 15 милиони евра.

Претходно, Несторовски потенцираше дека негова желба е со Палермо оваа пролет да обезбеди опстанок во Серија А, а потоа ќе размислува за евентуален трансфер.

„Останува во Палермо со желба да обезбедиме опстанок. За се друго потоа ќе размислувам“ - рече Несторовски.

Во сезоните од 2014 година до денес, Несторовски досега има постигнато вкупно 81 гол на официјален натпревар, од кои девет сезонава за Палермо и три во дресот на македонската репрезентација.

Колкави се шансите Лазаров да игра вечерва?

Според последните информации капитенот на нашата ракометна репрезентација Кире Лазаров ќе биде на клупата за вечерашниот меч со Чешка, кој стартува со почеток од 20:30 часот.

Победа во овој меч ќе значи полуфинале на дофат за нашите ракометари. Сеуште нема јасни информации за повредата на нашиот капитен.

Според неофицијални информации на “balkan-handball”, тешко може да се очекува дека Кире ќе заигра на теренот.

Чесите од друга страна се засилија на позицијата пивот. На Земан и Петровски, им се придружи Петр Шлахта.

Лазаров сигурно ќе биде пријавен за мечот, но...

Капитенот на репрезентацијата на Македонија, Кирил Лазаров ноќта ја преспа во Загреб каде што се отиде на прегледи за по повредата на бутниот мускул на десната нога добиена на дуелот против Шпанија. По вчерашните прегледи ќе има и нови коишто се закажани за денеска кога ќе мора да биде направена магнетна резонанца. Дури по овој преглед ќе биде познато дали Лазаров ќе се најде на теренот или не.

Она што е јасно е дека Кирил Лазаров ќе биде меѓу 16 ракометари кои утре ќе играат на дуелот против Чешка. Тој ќе се најде меѓу играчите коишто ќе конкурираат за место, но останува неизвесно колку ќе може да помогне на теренот.

Секако останува да се види и тоа дали ќе биде потребно да ризикува за Македонија да може да обезбеди резултат со кој ќе оди по историја. Засега е јасно дека докторите ќе ја имаат последната одлука за неговиот настап. Останува тој да ги мине прегледите, па во зависност од резултатите коишто ќе бидат добиени ќе се знае и дали ќе може од болница директно да истрча на теренот во Арената во Вараждин.

Сите потајно се надеваат дека Лазаров ќе биде подготвен и ќе може да игра, но никој не смее да даде уште прогноза околу тоа какви ќе бидат резултатите од прегледите. Засега е јасно само дека Кире останува во Загреб и утре оди на нови прегледи и очекува да добие позитивни вести.

Нови вести од Загреб: Настапот против Чешка на Лазаров сведенна теорија

Во четвртиот меч на европското првенство во Хрватска, Македонија го забележа првиот пораз од Шпанија, но уште поголема загуба беше повредата на десниот бек, Кирил Лазаров. Македонскиот капитен излезе од игра на самиот старт, поради болки во задната ложа на десната нога, а денес по направените прегледи изјави:

„Останувам во Загреб и во очекување сум на магнетната резонанца. Се надевам попладнево ќе знаеме нешто повеќе“.

Потврдено е дека тој нема да се појави на денешниот тренинг од 19.00 часот. а неговиот настап на утрешниот меч против Чешка е сведен на теорија.

Нашата репрезентација моментално се наоѓа во Вараждин, каде се подготвува за последните два меча, против Чешка и Данска, во рамки од главната фаза на шампионатот. Со два триумфи, би можеле да стигнеме до полуфиналето, кое ќе се игра во Загреб. 

Извор: Гол.мк

Популарно