Несторовски замена за Гризман во Атлетико Мадрид!

Илија Несторовски од јуни својата кариера најверојатно ја продолжува во шпанскиот гигант, Атлетико Мадрид, пишува ЕКИПА.

Наспроти бројните шпекулации изминатиов период од страна на италијанските медиуми за преселба во редовите на Наполи, и интерес од Лацио и Севилја, македонскиот голгетер е на добар пат по крајот на сезоната да се пресели во Мадрид.

Според информациите, интересот на Атлетико Мадрид е актуелен неколку месеци, а деновиве е дополнително засилен по новите одлични партии на 26-годишниот Несторовски на дуелите против Наполи и Кротоне. Извонредната форма на Несторовски, и неговите досегашни девет гола во дресот на Палермо во Серија А, е првата препорака раководството на Атлетико Мадрид веќе од сега да активира преговори за осигурување на неговите услуги од јуни.

Како што е познато, во јуни од Мадрид заминуваат офанзивците Антоан Гризман, кој веќе се поизвесно се сели во Манчестер јунајтед, како и Фернандо Торес. Сето тоа носи отворен простор за ангажман на офанзивци. Првиот човек на Палермо, Маурицио Зампарини зимава и пред јавноста соопшти дека нема да дозволи заминување на Несторовски за сума под 15 милиони евра.

Претходно, Несторовски потенцираше дека негова желба е со Палермо оваа пролет да обезбеди опстанок во Серија А, а потоа ќе размислува за евентуален трансфер.

„Останува во Палермо со желба да обезбедиме опстанок. За се друго потоа ќе размислувам“ - рече Несторовски.

Во сезоните од 2014 година до денес, Несторовски досега има постигнато вкупно 81 гол на официјален натпревар, од кои девет сезонава за Палермо и три во дресот на македонската репрезентација.

Вардар му одржа лекција и на Копенгахен - на чекор до најголемиот успех во Европа

Победа без примен погодок, беше исходот што вардарци го посакуваа и заслужено го добија. Можеби треба и да жалиме што победата е минимална, изразена само со еден гол разлика, бидејќи Вардар го надигра данскиот првак.

Црвено црните, одлично тактички поставени во сите 90 минути, му дозволија само една шанса на Копенхаген, додека на другата страна створија барем 3-4 убави прилики за гол, од кои едната ја искористи играчот на натпреварот Балотели. 

Реваншот во Данска се игра на 2ри Август, а пласман понатаму носи плеј оф за Лигата на шампиони и гарантире групна фаза во Лига на Европа. 

ФОТО: Оформена платформа за бесплатно сместување за супер купот

Кога во едно општество етичките и моралните граници и општо прифатливи бизнис пракси ќе бидат засенети од желбата за профитерство,  скоро секогаш гиковите пронаоѓаат начин да понудат нешто поинакво и да направат реален обид за обелување на образот на општеството. Така беше и со #поплава, така е и сега со срамот кој хотелиерите го нанесоа во пресрет на претстојниот UEFA Super Cup.

Гостите, преку логирање со својот Facebook профил и праќање на и-мејл порака директно ќе ги контактираат  домаќините, по што тие ќе одлучат дали ќе ги прифатат гостите или не.

Ве повикуваме да се приклучите на иницијативата, за да ја поправиме сликата за Скопје и заедно да овозможиме бесплатно сместување на некој од фудбалските фанови. – велат креаторите на платформата.

Повеќе на SuperCupSkopje.com 


 

ФОТО: Македонскиот фудбалер ги доби наградите за најдобар играч и најдобар стрелец

Од 16ти до 23ти Јули во Букурешт, Романија се оддржа 7та едиција на Европскиот турнир во футсал за лица со дијабетес „ДиаЕуро 2017“.
На овој турнир настапи и македонска репрезентација составена од 7 слатки играчи. Тимот предводен од Здружение на лица со дијабетес Алегрија Скопје, настапи по втор пат на овој турнир. Крајниот пласман е 9то место од 12, но мора да нагласиме дека со минимални припреми и помош тие цврсто се бореа до самиот крај.
Македонскиот Дијабетес Тим играше против тимовите на Унгарија, Португалија, Белгија, Бугарија и Киргистан, а натпреварите можеше да се проследат во живо на фејсбук страната DiaEuro каде и се уште може да ги најдете снимките од истите.
Она што е за голема пофалба и треба да се нагласи е дека македонската репрезентација имаше и по два натпревари дневно со само две измени.
Дополнително покрај трфеите за прво место- Хрватска, второ место- Унгарија и трето место-Русија, титулите за најдобар играч на турнирот и најдобар стрелец ги доби капитенот на Македонскиот дијабетес тим, Никола Глигороски кој има дијабетес од своето детство, а сега професионално игра фудбал за Шкупи, кој е во првата македонска лига.
Со ова овие момчиња докажаат дека дијабетесот не е пречка во животот и дека со добра контрола може да се прави се. Амбициите се големи и велат дека следната година целта е да се вратат дома со медал.
Затоа упатуваат порака до сите млади лица со дијабетес кој активно се бават со фудбал, професионално или аматерски да им се приклучат во тимот кој ќе се бори за медала, следната година во Словачка.
Повеќе информации може да најдете на следниот линк и да проследите неколку фотографии од самиот турнир:
ЗдружениеАлегрија
 

Популарно