Оглас за вработување во Макпетрол: Отворени 8 позиции

Врз основа на членот 22 став 1 точка 1 и став 2, членот 23 став 1, 2, и 7 од Законот за работни односи, „Макпетрол" А.Д. - Скопје распишува

photo

ОГЛАС

за вработување на 8 работници во хотелот „Макпетрол" во Маврово на определено време од 3

(три) месеци на работните места:

Келнер - 2 работници

Кандидатите треба да ги исполнуваат следниве услови:

- завршено средно угостителско училиште;

- 1 година работно искуство;

- познавање на странски јазик (англиски).

Основната плата за горенаведеното работно место изнесува 16.800 денари.

Собарка - 3 работници

Кандидатите треба да ги исполнуваат следниве услови:

- стекнато основно образование (II степен); со или без работно искуство.

Основната плата за горенаведеното работно место изнесува 14.880 денари.

Општ работник - 1 работник

Кандидатот треба да ги исполнува следниве услови:

- стекнато основно образование (II степен); со или без работно искуство.

Основната плата за горенаведеното работно место изнесува 14.880 денари.

Рецепционер - 1 работник

Кандидатот треба да ги исполнува следниве услови:

- завршено средно стручно училиште;

- 1 година работно искуство; познавање на странски јазик (англиски). Основната плата за горенаведеното работно место изнесува 15.600 денари.

Садоперка - 1 работник

Кандидатот треба да ги исполнува следниве услови:

- стекнато основно образование (II степен);

- со или без работно искуство.

Основната плата за горенаведеното работно место изнесува 14.880 денари.

Неделното работно време изнесува 40 часа, од понеделник до недела.

Прекувремената работа, работата во смени, работата за време на неработни денови или на денови на празници е платена согласно Законот за работните односи.

Заинтересираните кандидати треба да достават:

• Писмо за мотивација;

• Кратка биографија;

• Копија од диплома за завршено образование;

• Препорака од претходен работодавач (доколку има);

• Уверение од кривична евиденција.

Потребните документи да се достават на адреса:

„Макпетрол" А.Д. - Скопје

Сектор за човечки ресурси

ул. „Св. Кирил и Методиј" бр.4 - Скопје

лице за контакт: Марија Тодороска телефон за контакт: 02/3146-491.

По истекот на рокот за поднесување на потребните документи, кандидатите кои ги исполнуваат бараните услови, ќе бидат повикани на интервју.

Изборот од пријавените кандидати ќе се изврши во рок од 45, 90 или 120 дена по истекот на рокот на пријавувањето, во зависност од броЈот на пријавените кандидати, а согласно членот 23 став 2 од Законот за работните односи.

Кандидатите кои нема да достават целосна документација, како и апликациите што ќе бидат примени по истекот на крајниот рок, нема да бидат земени предвид.

Рокот за пријавување почнува со денот на објавувањето на огласот и трае 5 (пет) работни дена.

„МАКПЕТРОЛ" А.Д. - СКОПЈЕ

Активен до: 16.11.2016

Ново поскапување на цигарите

Од денеска со нови цени се цигарите „Бос“, „Вест“, „Давидов“ и „Родео“. Сите видови на „Бос“ цигари се покачени за пет денари, „Вест“ меко исто така, „Давидов класик“ и „голд“, исто за пет денари, како и сите видови на цигари „Родео“.

Цигарите од брендот „Давидов шејп“ се покачени за 10 денари.

Сите брендови на цигари во земјава, според календарот е предвидено да поскапат за 4 денари од 1. јули. Неодамна пред овој поскапеа уште неколку брендови на цигари.

Од 1 јули 2016 до први јули 2023 година, акцизната стапка за цигарите ќе се зголемува за 0,20 денари за цигара секоја година.

Со ваквото покачување, до 2023 година се очекува кутија цигари да поскапи и за 40 денари.

Пет надоместоци што газдата мора да ви ги исплати

Секој работник има право на надоместок на трошоците кои се направени поврзани со работата, а се уредени со Закон за работни односи и колективниот договор.

Надоместок ви следува за следните трошоци:

1 Дневници за службени патувања во земјата (8% од основицата)

2 Дневници за службени патувања во странство во согланост со уредбата за издатоци за службен пат и селидби во странство

3 Теренски додаток доколку работите на терен (сместување, исхрана и слично)

4 Надомест за одвоен живот од семејството утврден во колективниот договор, но не помалку од 60% од основицата.

5 Ако користите сопствен автомобил ви следува надоместок од 30% од цената на литар гориво што го користи автомобилот за секој изминат км

Законски надоместоци:

-Доколку се селите за потребите на работата, трошоците ги покрива работодавачот

-Регрес за годишен одмор или к-15 во висина од најмалку 40% од основицата

Покрај надоместоците наведени нагоре, на работникот му се исплатува надоместок и:

-Во случај на смрт на работникот, на неговото семејство се исплатува надоместок во висина од три основици

-Во случај на смрт на член на семејството, на работникот му се исплатува надоместок во висина од две основици

-Во случај на потешки последици од елементарна непогода, на работникот му следува надомест во висина од една основица

-За непрекинато боледување подолго од 6 месеци поради повреда на работа или професионално заболување на работникот му следува надоместок во висина на една основица

-За 10 години работа кај истиот работодавач, на работникот му се исплатува јубилејна награда во висина на основицата

-При заминување во пензија на работникот му следува најмалку двократен износ на основицата

Основицата за пресметување на надоместоците на работниците е всушност просечната месечна нето плата по работник во Република Македонија која е исплатена во последните 3 месеци.

Цените на горивата рушат рекорди!

РКЕ ја донесе новата одлука. Рафинериските цени на нафтените деривати се зголемуваат во просек за 4,84%.

Малопродажните цени на нафтените деривати согласно Методологијата за формирање на цените, се зголемуваат во просек за 3,00%. Малопродажните цени на бензинот ЕУРОСУПЕР БС-95 и на Екстра лесното масло за домаќинство (ЕЛ-1), се зголемуваат за 1,50 ден/лит во однос на цените утврдени со Одлуката од 30.04.2018 година и со тоа малопродажната цена на ЕУРОСУПЕР БС-95 изнесува 71,50 ден/лит, додека малопродажната цена на Екстра лесното масло за домаќинство (ЕЛ-1) изнесува 52,00 ден/лит.

Малопродажната цена на дизелот ЕУРОДИЗЕЛ (Д-Е V) се зголемува за 1,00 ден/лит во однос на цената утврдена со Одлуката од 30.04.2018 година и со тоа малопродажната цена на ЕУРОДИЗЕЛ (Д-Е V) изнесува 63,00 ден/лит.

Малопродажната цена на бензинот ЕУРОСУПЕР БС-98 се зголемува за 2,00 ден/лит во однос на цената утврдена со Одлуката од 30.04.2018 година и со тоа малопродажната цена на ЕУРОСУПЕР БС-98 изнесува 73,50 ден/лит.

Малопродажната цена на мазутот М-1 НС се зголемува за 2,100 ден/кг во однос на цената утврдена со Одлуката од 30.04.2018 година и со тоа цената на М-1 НС изнесува 32,137 ден/кг. 

Популарно