Оставка на Катица Јанева?!

Пред една недела посветив текст на интервјуто на Катица Јанева на МРТ и целата атмосфера околу специјалната јавна обвинителка, но од тогаш до денеска целато полиичко внимание е свртено токму кон неа, па чувствувам потреба уште еднаш да го напишам својот став за целиот овој циркуз.

mkd-219844

Од првиот текст, до денеска, Јанева се појави неколку пати на комисиската седница во собранието на Р. Македонија, каде (требаше да) го изнесе извештајот за работата на СЈО досега, се пожали на мобинг и побегна. Потоа се појави на седницата на собранието на јавни обвинители и се случи истото. Во меѓувреме за неа на улица се собраа „шарените“ и ја прогалсија за единствена некорумпирана институција во државава и единствен пат за спас на Македонија. Слушнавме милион изјави од политичари од двете страни и прочитавме текстови, ставови во кои Јанева се критикува, но и се величи. Паралелно на ова СДСМ испрати писмо до амбасадорите дека ВМРО бега од избори, а Левица го повика Заев на широка коалиција, но без политичари на листите...

Многу случувања во краток рок, па ќе се обидам да бидам краток и јасен

1. Политичари од позицијата.

Прво, она што го споменав и минатата недела, И ВИЕ ЈА ГЛАСАВТЕ Јанева! Значи дека верувавте во нејзиниот капацитет. Разбирам зошто сте и лути на специјалната и сосем легитимно прашање до неа е како тоа бара продолжување на мандатот од институција (собранието) кое пред неколку месеци го прогласи за не легитимно, но и Груевски пред две години рече дека ќе нема предвремени избори, дека нема да има преговори со СДСМ, ќе нема СЈО итн, па се премисли човекот. Не ве гледам сега на секоја партиска средба да го прашувате истото прашање со жарот со кој и се нафрливте на Катица. Следно што ми боде очи е изјавата во која Ѓорчев го поистовети ВМРО ДПМНЕ со историското ВМРО. Искрено, немам намера сериозно да го разглабам овој апсурд, па само ќе го прашам Влатко, како тоа политичка партија на власт може да е Револуционерна?

2. Политичари од опозиција.

Со тоа што застанавте во одбрана на Јанева, политички ја обоивте и неа и СЈО и секое нивно обвинение.

3. Тимот кој ја советува Јанева

Дечки под итно да си најдете советници, пошо вака не иде. Да советувате обвинител да дава политички изјави и да пробува да оцрни пратеници е катастрофално и секако нелегитимно. Јасно ни е на сите дека изјавата на Јанева дека собранието е нелегитимно, не е нејзина и секако е многу политичка. Ок што проба да се извади дека имала индиции и бла бла бла, ама ете ја плати цената. Нејзиното прашање до пратеничка во собрание, за која гласал народ, кого таа преставува е голема грешка. Т.е. не. Голема грешка е кога тоа го прави Шилегов, а кога го прави Специјална јавна обвинителка е самоубиство.

4. Новинари, експерти, љубители на пари кои ја величат Јанева

Прочитав текстови во кои Јанева се споредува со Ума Турман. Ок, лажам. Не го прочитав. Пробав, ама не можев. Авторот е човек кој нема допир со реалноста.

Имаше и текстови во кои се величеше и славеше шармот на обвинителката.

„Вид збор: Именка, машки род

привлечност, допадливост, симпатичност“

Озбилно? Шарм? Па дајте бе луѓе, кога веќе сте решиле да заземете страна и да ја браните Јанева, правете го тоа на професинално ниво. Каква врска има шармот (кој не го поседува) Јанева со нејзината функција? Сум се запрашал милион пати досега и сеуште не ми е јасно, кој и зошто ве плаќа за тие текстови?

5. Новинари, експерти, љубители на пари кои ја распнаа Јанева

Деновиве сретнав статии во кои се пишуваше за изборот на гардероба на Јанева, нејзината шминка, изглед... Од толку грешки кои ги сервираше на тацна Катица, зарем имаше потреба од вакви грозотии? Знаете дека и таа е мајка? Дека нејзините деца имаат интернет? Критика е во ред, кога е за нејзините професионални квалитти или потези, но зошто фотографии од обвинителката и коментари за нејзиниот избор на гардероба? Тоа ли е нивото на кое сакате да општиме?

6. „Шарените“

Ок, искочивте на улица. Бројката тнка, али ете земавте бакљи и бодревте. Како на фудбалски натпревар во деведесетите. Добар дел од вас тогаш не биле родени, али гледале на ЈуТјуб. Неколку совети. Прво, џабе бакљите, се гледа дека сте 30 души. Второ, не му давајте микрофон на човек кој не е за пред камери. Трето, од кого ја браневте Јанева? Никој од неа не побара оставка, а таа и самата не испровоцирана од никој си кажа дека не се плаши од никого! Се што се бараше од неа во собранието беше извештај за досегашната работа и одговор како тоа бара продолжување на мандат од институција која ја прогласи за нелегитимна. Каде е проблемот? Во оние милион евра од буџетот на СЈО за кои нема оправдување каде се потрошени? Па нели не е корумпирана? Четврто, ако навистина верувате дека СЈО е едниствената светла точка во Македонија, тогаш барајте да се однесува така. Не е секоја критика атак. Нека излезе Јанева, или било кој од нејзиниот тим (кога веќе таа има проблем со читање) и нека ги одговори прашањата кои не интересираат сите, а не само оние „злобнине“ од комисијата што и праат „мобинг“.

7. СДСМ и Левица

Морам да признаам дека идејата на Левица е најглупавото нешто што сум го слушнал во овие две години. Имаа дечките и досега бисери, ама со ова се надминаа. Ма каква Катица, Левица се шампиони.

- Она што другите партии не сакаат или одбиваат да го видат е дека нудењето само на една заедничка листа на сите антирежимски партии, на чело со политичари од СДСМ, ќе демотивира одреден број граѓани да излезат на гласање.

Следи...

- По изборите би се формирала преодна експертска влада која би имала мандат во релативно краток временски период да преземе чекори за демократизација на земјата и да подготви фер и демократски избори

Чекај сеа, причината за листа без политичари се лошите политичари на СДСМ, ама ова ќе биде времена влада која ќе створи услови за избори?!!!! Па како ќе победите ако сега нема демократски услови за избори? Абе момци, кој ви ги пишува соопштенијава? Мислев дека го достигнавте врвот кога побаравте да присуствувате на преговорите за решавање на кризата, ама вие само сте се загревале.

Како и да е, со соопштениево кажавте (би рекол намерно, ама се сомневам дека сте свесни за тоа), дека ви е јасно дека СДСМ ќе ги изгуби изборите. Не дека тоа е тајна, ама ете конечно и вие разбравте дека на 11ти Декември опозицијата ќе доживее дебакал. Кога веќе вие знаете, сигурно знае и Заев, нели? Затоа неколку дена подоцна лиерот на СДСМ со писмо до амбасадорите во државава во кое вели дека ВМРО ДПМНЕ не сака избори! Па пред само неколку месеци ВМРО тргна на избори. Достави и листи и се, а СДСМ НЕ! Што се смени од тогаш? Избирачкиот список? Речиси е ист! Законот за медиуми? Едно интервју со Јанева и се изрезиливте. Времени министри и заменици? Пак се истите! Сепак, најјако во писмото до амбасадите е што Заев не навел како тоа почуствувал дека ВМРО нема да сака избори на 11ти Декември и со што тоа ги опструираат изборите. Ваљда на амбасадорите треба сами да им текне, бидејќи ете него не му текнало.

8. Катица Јанева

Ова не е прв текст за обвинителката, но десега никогаш не сум и се обратил. Не сум чувствувал потреба, ниту капацитет од другата страна да го разбере следново. ДАЈ СИ ОСТАВКА!!! СЈО ќе најде нова обвинителка и ќе продолжи по истиот пат и без тебе. Неуставно, исполитизирано, со подршка од навивачка група „Шарени“. Ништо нема да се смени, освен твојот и животот на твоите деца. Верувај, на подобро.

Автор: Пацифист

Колку милиони долари „лапна“ Бубо Каров за да стане советник на министерот?

Живееме во свет во кој дефинициите го изгубија своето значење. Зборовите се менуваат со нови, „поубави“, позвучни... Се се менува онака како што на некој му одговара. Некој кој има доволно моќ да го менува системот во своја корист. Ние малите, сеуште ќе си ги помниме дефинициите и ќе си ги раскажуваме. Еве една...

Дефиниција за ХИПОКРИТ:

Лице кое глуми дека поседува доблести, морални или религиозни убедувања, принципи, итн., Кои тој или таа не ги поседува, особено лице чии дејства ги газат истите принципи кои глуми поседува.

Ако на ова се додаде и дека истата таа личност им суди на оние кои се однесуваат како него, се добива.... Бубо Каров.

20 и кусур години му се дивев на човеков. Има тој многу подолга кариера од тоа, но јас бев дете, а го запознав преку К15. Нема човек во Македонија кој не го знае Цацко. НЕМА! И не само што го знае, туку и сака. Да, иако фиктивен лик Цацко е во срцето на сите Македонци. И во моето. Но, Бубо Каров не е Цацко. Тоа било само глума.

Кога пред неколку години Бубо застана на барикадите и глумеше револуционер, немав ништо против него. Во ред. Си има човекот политичко убедување. Си има став и решил да го каже. Сосема легитимно право, на секој од нас, уште повеќе на јавните личности. Посебно оние кои 20тина години ја критикуваа секоја власт.

Немав ништо против Бубо и кога се појави како гостин кај Борјан и во своето гостување критикуваше новинари кои толку се промениле што тој не може да ги препознае. Рече дека нему не му е во крв да се однесува како нив. Дека не сака политика и дека нема да влезе во партија.  Рече дека му понудиле 5 милиони долари да влезе во „една“ политичка партија, но дека одбил и дека ич не му е криво... Секако за сето ова не понуди никаков доказ, но....

Пред неколку дена Бубо влезе во политика. Стана советник на министер без ресор! Ги погази своите зборови. Зошто? Ако навистина некој му понудил 5 милиони долари а тој без каење одбил, зошто сега влезе во политика? За 6? 8? 12? За колку?

На крајот од видеото Бубо „чесен пред себе“: Што ќе им кажам јас на децата кога ќе си појдам дома? Не знам Бубо, што им кажа? Други се овие пари? Повеќе? Позелени?

Жалосно е кога еден успешен човек, кој е сакан од народот, во зрела возраст се што градел во животот како јавна личност ќе продаде за да биде советник на министер. Оној кој треба да биде пример за сите млади, а не само за своите деца, се продаде себе и си ја смени крвта. Можеби не за милиони, не знам, но факт е дека Бубу повеќе не е Цацко. 

Автор: Пацифист

Ние сме за доброседство, ама не не канат!

Обично не пишувам во ова време од денот. Обично не пишувам во овој стил, но секогаш има исклучоци. Нешто што со години се обидувам да им објаснам на луѓето. Не, не сме сите исти... Има исти и има некои ретки, различни, несфатени ....

И покрај тоа што веќе напишав неколку реда сеуште не ми е баш јасно што точно сакам да ви кажам со текстов или дали ќе ме разберете. Музиква што ми рока на 100% на звучки ваљда ќе ме понесе....

Деновиве и неделиве наназад се почесто читам текстови на паметни и успешни луѓе кои се откажуваат од системот и државата во дефиниција која ја познаваме и  која функционира тука на ова мало и секогаш запалено место од Европа. Од друга страна, на Фејсбук сеуште читам постови на победените и победниците во моменталната политичка состојба во Македонија. Едните јаделе бизони, другите нарачале морски плодови. Едните купиле мерцедес, другиве го ругале, ама сега се возат у него... Едниве биле автократи, другиве шарале згради за сега да се вработат у истите.... Момци и девојки, ИСТИ СТЕ!!!! Мизерни, истрошени полу луѓе! Не, нема разлика меѓу вас! Ама ич! Ок? Крадеа и се гоштеваа едните, сега вие од другата страна сте на ред! Разбирам. Гладни сте. Мама и тато како мали не ви пружија доволно љубов, па сега таа дупка ќе ја полните со јавни функции и дебели плати. Во ред. Некои од новинари станаа политичари. Други од шарени, пратеници. Од твитерџии, службеници. Во ред. Сега може да прекинете со глума. ДОСТА Е! Веќе видено. Груевски ја глумеше Тимошенко, шарените глумеа „обоена револуција“, а ние одглумивме Украина за сиромашни! Т.е. Украина за плашливи.

Викендов Србија, Грција и Бугарија си догворија самит, ама ние не сме поканети, а Заев и другарчињата ни зборат за „договор за добрососедство со Бугарија“ кој нема да ни го покажат на нас обичните граѓани, пред да го презенитираат на затвотворена седница во собранието! Па кој тоа дозволи затворена седница на парламентот? Која е логиката на тоа? Луѓе кои ние сме ги избрале заседаваат во тајност од нас додека решаваат за нас?!!! И тоа на барање на премиерот кој нонстоп збори за транспарентност! Медиумите кои ја љубат оваа власт пишуваат за „министерство за вистина“, ама си молчат за добрососедскиот договор со Блгарија. Пишуваат за тоа што јаделе екс министрите на ДПМНЕ, ама кога Села ќе каже дека Албанците се мнозински народ во Македонија, МОЛК!!!

Пред некој месец слушнав дека најкратката дефиниција на новинарството е критика на власта. Смешно е што сега новинарите кои ми ја дадоа таа дефиниција цела своја енергија ја трошат да го критикуваат Груевски. Не дека лидерот на ДПМНЕ не заслужил критики, ама не е на власт! Јасно ли е ова? Ви кажа ли некој дека Груевски не е повеќе премиер? Ова прашање и до ДПМНЕ и медиумите од тој систем.

50% од младите во државава својата иднина не ја гледаат тука и веднаш би си заминале, а медиумите се исполнети со вести за смена на Жугиќ и слични ликови. Абе ова вие сериозно? И викате боље ќе биде? Пошо, нели Жугиќ беше проблемот! Па таа сега ќе тужела... Ау! Ете сега 52% сакаат да се селат! Следно?

Автопатот не чинел пошо го граделе Кинези. А Кинезите, како што ние познато, се фалш! Да чинел автопатот ќе го граделе европејци. Европејци потпишаа да го градат клинички, ама не чинело и тоа, пошо... Е добро де сеа, се ли мора да има причина? Битно е да не е од ДПМНЕ. Сега СДСМ ќе ни изгради диспразирани клиники, ко ДПМНЕ што ни изгради клинички центар, па ќе си бираме каде да не се лечиме... Лечење секако ни треба.

Колку би сакал да напишам дека оние 100, 200, 500, неколку илјади најиспрани членови на СДСМ  и ДПМНЕ се проблемот, но на 15 Октомври (или кога и да е) ќе има локални избори и речиси сите кои го читате текстов ќе појдете до гласачката кутија и ќе заокружите една од овие опции. Ете до таму сме. Тоа ме боли. Не Груевски и Заев. Не ме болеа ниту Љубчо и Црвенковски, Киро, Фрчко, Новевски итн.... вие ме сте ми болката. Вие што сеуште ги гласате, а мизерувате. Плачете за подобро утре, а се молите на измислени богови. Браните криминалци, педофили, црпнати, мафијаши... за вас ми е и за мене со вас....

Музиква што ми рока на 100% на звучки веќе се троши, а јас само го повторувам она што сум го напишал толку многу пати... До следно читање. Пацифист!

Боки13: Родител или шоумен желен за слава?

Осми Јули 2017 година, Бојан Јовановски од говорницата на Меѓународниот сојуз објави дека сака да посвои три дечиња. Муслиманче, Христијанче и дете со пречки во развојот. Се почна така...

Боки 13, некогаш шоумен, водител, пејач, учесник во реалното шоу „Големиот брат“, денеска претседател на Меѓународниот сојуз. Живот полн со контроверзи, фанови, но и многу хејтери. И овој негов потег помина исто. Обожуван од едните, мразен, навредуван, исмејуван од другите...

337 коментари собра статусот на Боки13 на неговиот Фејсбук профил, преку кој објави дека сака да посвои три дечиња. Над 6.000 лајка, но и многу критики и навреди. Демократија, нели? Најчесто поставувано прашање беше како тоа ќе се определи кое дете која вероисповед е, па Бојан го промени статусот. Место религија, сега стои националност. Хмммм

Коментарите продолжија, Бојан дури и гостуваше на ТВ за синоќа да се откаже од идејата за посвојување дечиња, барем засега, но да понуди помош за некое семејство што сака да посвои дете/деца.

„Поконкретно, лично сум подготвен на таквото семејство кое ќе изврши посвојување да му ги покривам сите финансиски трошоци поврзани со одгледување, прехранување, школување и сите други трошоци кои би произлелге од одгледувањето 

на детето или децата, од моментот на посвојувањето се до навршувањето на полнолетство.

По навршувањето на 18 години на посвеото дете или деца, заеднички со нив сум подготвен и се обврзувам да партиципирам со подмирување на трошоци за универзитетско образование или обезбедување на вработување, зависно од преференците на детето или децата. “

И повторно истата реакција. Оние кои го сакаат, го поздравија овој потег. Оние кои не го сакаат, му се ситат и дополнително го критикуваат.

Реалноста е дека Боки 13 им помогна на многу луѓе кои беа на работ во последниве неколку години. Исто како што е реалност, дека беше критикуван дека истото го прави за своја промоција, односно реклама. И овој пат неговиот потег, желба, изјава, наликуваат на такво нешто. Оние кои го знаат Боки13 и го сакаат ќе речат дека тој е голем човек и дека би бил одличен (ќе биде одличен) родител, намерно превидувајќи го фактот дека Боки13 „најважната своја животна одлука“ ја осмисли многу лошо. Ако ова навистина беше неговата најголема животна одлука, како што сам изјави, како тоа најпрво посака дечиња од различна вероисповед, за потоа кога му беше сугерирано дека децата немаат религија, да го промени статусот и желбата за дечиња со различна националност?! Зарем вака се носи најважната животна одлука на човек кој сака да посвои не едно туку три дечиња? Ова ли е карактеристика на иден одличен родител? Освен тоа, обидот да се прикаже како либерален лик, со тоа што ќе посвои дечиња од различна вера или нација, го прави дискриминатор. Тој со таа изјави самиот ги подели дечињата по нација, вера, па дури и по ментален развој! Замислете да влезете во дом во Америка и да побарате да посвоите дете, ама да мора да биде белец. Или црнец, христијанин, протестант, будист, муслиман, Кинез.... Кога ги делите дечињата по било кој основ, вие сте дискриминатор.

Во општество кое е исполнето со стереотипи, а ова Боки13 треба најдобро да го знае, ваквата негова изјава, негов потег е апсолутно за осудување. Колку и да е фин како човек. На колку луѓе и да им погнал. Човекот кој цел живот се бори за прифаќање на индивидуалните разлики кај секого, при носењето на најважната животна одлука се посрами. Затоа и ја повлече.

Би сакал да верувам дека сето ова не беше маркетинг, не беше реклама. Исто како што сакам да верувам дека сите оние луѓе на кои им помогна, не беа само пиони во неговата игра. Сакам да им верувам на сите оние кои го фалат дека Бојан е голем човек со големо срце, а не личност зависна од внимание, од слава. Овој потег не ме убеди во тоа и затоа сум среќен што го повлече. Понуди помош (иако пак јавно) до семејствата кои сакаат да посвојат дете. Можеби тоа е и најпозитивниот можен крај на оваа приказна, бидејќи е очигледно дека Боки13 засега  не е спремен да биде родител. 

Автор: Пацифист

Популарно