Папата Франциско пристигна во Сараево - еве што порача

Поглаварот на Римокатоличката црква, папата Франциско денеска од Сараево упати апел за мир и надминување на бариерите меѓу различните религии и култури.

– Никогаш повеќе да нема војна, порача папата во обраќањето пред околу 65.000 лица присутни на сараевскиот стадион „Асим Ферхатовиќ Хасе“ на Кошево.

internacional-papa-francisco

Како што јави Фена, папата нагласи дека тоа е уште еден повик од градот и земјата кои во не така далечно минато ги доживеаја стравотиите на страдањето, убиствата, прогонствата и разурнувањата.

– Да се создава мир е еден вид уметност. Блажени се оние што сеат мир со својата секојдневна работа. Токму тие ќе се нарекуваат синови Божји. Мирот е чин на правдата. Новиот завет не учи кој е совршениот чин на правдата: љуби го својот ближен како самиот себе. Вистинска праведност би била да се направи за некој човек или народ, се што би сакал да се прави за мене и за мојот народ, изјави папата Франциско.

Понтифот во обраќањето повика на простување, кое го нараче чувство кое им помага на луѓето да станат „уметници во создавањето на мирот“.

– Мирот е божји дар, но не во магиска смисла… Само доколку се помири со Бога, човек може да стане вистински миротворец, нагласи понтифот.

Поглаварот на Католичката црква се помоли за милост кон сите, за праведност и за создавање на мир, наместо војна и несогласување. – Единствено тоа не прави, среќни и блажени, нагласи папата. Пред обраќањето на стадионот на Кошево, папата кој денеска престојува во 11-часовна државничка и пасторална посета на Босна и Херцеговина, имаше средба со претставниците на босанските власти во зградата на Претседателството на БиХ.

По средбата со членовите на Претседателството на БиХ, папата изјави дека Сараево, како и цела Босна и Херцеговина, имаат посебно значење за Европа и за целиот свет.

– Со векови на овие простори живеата заедници кои исповедаат различни религии и им припаѓаат на различни народи и култури. Тоа се народи богати со своите различности и горди на својата единстевна традиција, рече папата.

Претседавачот на Претседателството на БиХ, Младен Иваниќ, кој претходно го пречека папата на службена државна церемонија пред зградата на Претседателството, по средбата изјави дека БиХ е место на различни култури и заедници во кое народите делат иста историја.

– Во БиХ сакаме да изградиме една нова БиХ која ќе биде по мерка на човекот, истакна Иваниќ, изразувајќи надеж дека судирите и несогласувањата се минато и дека на граѓаните на земјата им претстои период на разбирање.

Папата Франциско претпладнево пристигна на аеродромот во Сараево, каде беше пречекан од членот на Претседателството на БиХ, Драган Човиќ, надбискупот врвбосански, кардиналот Винко Пуљиќ, апостолскиот нунциј Лујџи Пезути и од повеќе претставници на властите и армијата на БиХ.

На дочекот на аеродромот присуствуваа и 114 млади луѓе облечени во народни носии од сите делови на БиХ. На патот кон главниот град на БиХ, за време во летот во авионот, папата изјави дека Сараево е Ерусалим на Западот.

– Сараево го нарекуваат Ерусалим на Западот. Тоа е град со различни етнички и верски култури. Тоа е град кој многу страдаше во историјата. Сега е на прекрасниот пат кон мирот. Ја правам оваа посета за за зборувам за тоа, за мирот и за молитвите за мир, изјави понтифот.

До крајот на престојот во Сараево папата Франциско треба да сретне со претставници на католичката, православната, муслиманската и еврејската верска заедница. За безбедноста на папата за време на посетата на Сараево се ангажирани 10.000 припадници на безбедносните служби на БиХ и на жандармеријата на Ватикан. Главниот град на Босна и Херцеговина денеска практично е под опсада, а улиците по кои се движи папата се блокирани.

Посетата на папата се совпаѓа со 20-годишнината од потпишувањето на Дејтонскиот мировен договор со кој беше ставен крај на војната во БиХ (1992-1995). Ова е трета посета на еден папа на Сараево, по двете посети на Јован Павле Втори на БиХ во 1997 и 2003 година.

Вратен и третиот мандат за формирање влада, следат нови избори во Бугарија

Претставниците на партијата „Има таков народ“ (ИТН) денеска на бугарскиот претседател Румен Радев му го вратија третиот и последен мандат за состав на влада, што тој им го врачи, со што се отвора патот за закажување на вонредни парламентарни избори.

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претседателот Радев сега мора да одреди датум за предвремени парламентарни избори, откако три мандати за формирање влада му беа вратени.

Хрватска: Наполитанки Кит Кат повлечени од пазарот

Хрватскиот државен инспекторат ги повлече од пазарот наполитанките „Нестле Кит Кат мини“ поради присуство на минерални масла, соопшти Агенцијата за земјоделство и храна.

Се повлекува исклучиво „Несле Кит Кат Мини“ 200 г во кесичка серија 40580734, со рок на траење од 01.2025 година, пренесува Дневник.хр.

Производител е Nestle Deutschland AG, Франкфурт, Германија, а дистрибутер за Хрватска е Nestle Adriatic д.о.о. од Загреб.

Полицијата фаќа нов правец во потрагата по малата Данка

Двегодишната Данка Илиќ која се води за исчезната од вторникот, 26 март, околу 13 часот во Бањско поле кај Бор, се уште не е пронајдена.

Вчера попладне, по 27 часа, полицијата ја прекина теренската потрага бидејќи не верува дека девојчето се наоѓа на пребараниот простор од околу 10 квадратни километри.

Интензивната полициска работа продолжува до пронаоѓање на Данка Илиќ. Сега истрагата се движи во друга насока, а овие три важни индиции може да доведат до исчезнатата Данка.

1) Преглед на мобилниот телефон на мајката

Полицијата вчера го зела телефонот на Ивана Илиќ, мајката на исчезнатото девојче Данка и го испратила на вештачење, дознава „Блиц“.

Полицијата тоа го направи како дел од пошироката истрага за сите контакти на семејството на исчезнатата Данка Илиќ и нивните врски. Податоците од телефонот на мајката на Данка би можеле да укажат на нови детали или луѓе од значење за случајот.

Треба да се напомене дека анализата на телефонот на мајката на Данка, како и тоа што родителите на исчезнатата Данка Илиќ вчера биле приведени во полиција на распит во врска со исчезнувањето на нивната двегодишна ќерка, не значи дека тие се осомничени или обвинети за какво било кривично дело објаснуваат од истрагата за српските медиуми.

– Полицијата го проверува приватниот живот и контактите на членовите на семејството на исчезнатата Данка Илиќ. Не исклучуваат ниту една можност додека се детално не се испита – вели изворот на „Блиц“.

2) Анализа на податоци од базни станици

Откако теренската потрага по исчезнатата Данка Илиќ е прекината, се врши детална проверка на податоците од базните станици на мобилни телефони во областа Бањско поле, со цел да се утврди движењето на сите лица кои биле во близина на местото каде што исчезна Данка во кобното време во вторник.

Вкрстувањето на овие податоци со изјавите на сите лица со кои полицијата разговараше по исчезнувањето на девојчето може да укаже на можни недоследности во изјавите и да отвори нови можности во истрагата.

– Досегашните резултати укажаа на нов правец во кој треба да оди истрагата. Пребарувањето на теренот е прекинато, но работата за пронаоѓање на девојчето е интензивирана и нема да запре додека не се најде детето – изјави синоќа за „Блиц“ добро упатен извор.

3) Проверка на деталите од пријавата за исчезнувањето на малата Данка

Иако теренската потрага е прекината, истрагата за исчезнувањето на Данка продолжува, а сега се проверуваат приватниот живот и контактите на сите членови на семејството. Повторно се прочешлаат нивните изјави, како и деталите од пријавата на мајката на Данка за исчезнувањето на детето – времето на кобниот настан, каде отишле пред исчезнувањето, а каде отишла мајката по исчезнувањето.

Нејасно е и како 22-месечното девојче успеало толку брзо да избега од вниманието на возрасните среде бел ден. Затоа истражувањето на деталите за извештајот за исчезнатото лице може да помогне да се фрли ново светло на тој мистериозен момент во вторникот попладне.

Популарно