Пешевски на фејсбук: Не го удрив Саше, но се извинувам

Вицепремиерот Владимир Пешевски преку својот Фејсбук профил и се обрати на јавноста, откако утрово физички го нападна Саше Политико кој се обиде да му постави прашање.

Сите сакаат да го тепаат Саше Политико

-Агресивноста никогаш не била својствена за мојот карактер, ниту пак сметам дека таа може да биде решение за проблемите. Мојата денешна постапка беше водена од одбранбениот инстинкт, емоциите и крајно негативното претходно искуство со лицето Саше Ивановски. И покрај тоа што целата ситуација беше испровоцирана, сепак мојата реакција беше пресилна, напиша Пешевски.

Понатаму, вицепремиерот објаснува дека пред физички да се пресмета со Саше Политико, имало провокации кон неговата маса од соседна маса од други лица, кои потоа го снимиле целиот настан.

-Кога се појави Ивановски, и јас решив да си одам, знаејќи дека се работи за лице кое се поврзува со голем број на инциденти, со нестабилно однесување, и лице кое и претходно има направено инвазија на мојот личен простор. Потоа, кога ми се приближи од зад грб, реагирав одбранбено и инстиктивно. Мојата реакција беше пресилна и преемотивна, но при тоа сепак немаше никаков физички контакт меѓу мене и Ивановски, што може да се види ако внимателно се погледне снимката, објасни Пешевски.

Апелацискиот суд за куќниот притвор на Јанева: Обвинетата е жена, самохрана мајка и треба хигиена во домашни услови и е невработенa

Апелациониот суд Скопје го објави решението за преселбата на поранешната специјална обвинителка Катица Јанева од истржниот затвор Шутка во домашен притвор. Судскиот совет кој решавал и ја прифатил нејзината жалба за мерката притвор во образложението напишал:

„Околностите дека обвинетата е жена и самохрана мајка, сама се грижи за своите деца, нејзината здравствена состојба е многу влошена и потребни и се подобри услови заради зачуваување на нејзиното здравје да прима редовна медицинска терапија и да има хигиена во домашни услови, а по потреба да посетува и специјалист, укажуваат дека се исполнети условите за замена на мерката притвор со куќен притвор и за истите советот на овој суд оцени дека се основани и во конкретниот случај исполнети се законските услови за укинување на притворот и определување куќен притвор и мерки на претпазливост спрема обвинетата“ се вели во решението.

Мерката притвор е заменета со куќен притвор, и се забранува комуникација со лица опфатени во кривичното дело, а и се забранува и употреба на телефони и останати средства за комуникација. На Јанева и е одземен пасошот и неможе да добие нова патна исправа.

„Се определува надзорот над куќниот притвор да го спроведува МВР при што овластените службени лица од подрачната полициска станица во одредени временски интервали, ненајавено во текот на 24 часа, ќе го проверуваат присуството на обвинетата во нејзиниот дом, а за секое непочитување на решението од страна на обвинетата надлежната полициска станица е задолжена веднаш да го извести Основниот кривичен суд Скопје, “ се вели во решението.

ФОТО: Јанева фотографирана на терасата од станот на синот

Поранешната обвинителка на СЈО, Катица Јанева, за прв пат е фотографирана во куќен притвор откако пред два дена замина од истражниот затвор во Шуто Оризари. Не за џабе се вели дека ништо неможе да се сокрие од соседите.

Обвинетата во случајот „Рекет“ е фотографирана од своите соседи, а фотографијата беше споделена на социјалните мрежи утрово.

Станува збор за фотографија во зграда на улицата Митрополит Теодосиј Гологанов во Скопје, спроти студенсткиот дом Кузман Јосифовски-Питу.

Куманово ја доби првата жена командир На полициска станица во македонија

Зорица Вукановиќ (36) е прва жена која ќе раководи со полициска станица во државата. На предлог на министерот Спасовски, а со поддршка на Советот на Општина Куманово, таа е избрана за командир на Полициската станица од општа надлежност во Куманово.

„СВР Куманово ги следи насоките и современите текови за родова еднаквост во МВР и токму затоа предложивме жена за командир на полициска станица за општа надлежност. Се работи за исклучително квалитетен, одговорен и совесен професионалец, која уште попосветено ќе работи на новото работно место“, изјави началникот на СВР Куманово Стојанче Величковиќ.

До Советот од МВР беа доставени три предлози, двајца мажи и една жена. Советниците тврдеа дека сите кандидати се добри, но предност ѝ дадоа на полицајката.

„Најголеми пофалби за нејзината професионална работа, нејзиниот потенцијал, непристрасноста во вршењето на службата и за нејзината чесност. Нејзината дистанца од партиски влијанија покажува дека сите граѓани ќе имаат еднаков третман и ќе се почитуваат нивните права и безбедност. Ова е историски момент за нашата земја“, рече на седницата советникот Миле Андоновски од Партијата на пензионерите, поранешен началник на СВР Куманово.

Вукановиќ дипломирала криминалистика на Факултетот за безбедност во Скопје. Досега работела како инспектор по семејно насилство и малолетничка деликвенција, а кариерата ја градела 16 години на повеќе работни места во службата во СВР Куманово.

Доаѓа на местото на Игор Митевски, кој е назначен за началник на Одделот за полиција при СВР Куманово.

Советниците на коалицијата на ВМРО-ДПМНЕ ја напуштија седницата додека се гласаше за изборот на новата командирка.

Извор - Сдк.мк

Популарно