По апсењето на Харадинај тензија помеѓу Белград и Приштина

Идната недела Србија од Франција ќе побара екстрадиција на Рамуш Харадинај додека неговиот адвокат очекува тој да биде ослободен наскоро. Истовремено Приштина се спрема да го прекине дијалогот со Белград.

Министерот за надворешни работи на Косово Енвер Хоџај синоќа изјави дека неговата земја веќе презела соодветни мерки против соседна Србија и тоа повторно ќе го стори во иднина, откако поранешниот косовски премиер Рамуш Харадинај беше уапсен во Франција по потерница издадена од Белград.

„Треба да има ревизија на нашите односи со Србија и ревизија на дијалогот“, изјави Хоџај.

Денес во Приштина се одржува специјална седница на Парламентот на која треба да се усвои декларација за смена на министерката за европски прашања Едита Тахири и прекинување на сите разговори со Белград за нормализација на односите кои се водат во Брисел со посредство на ЕУ.

Адвокатот на Харадинај на својот Фејсбук профил напиша дека судот во Франција во наредните денови ќе го разгледа барањето за ослободување:

«Одбраната смета дека сите правни аргументи се на страната на Харадинај и дека оваа незавидна ситуациј,а која беше непотребна, брзо ќе се заврши», напиша адвокатот Кочи.

Денес Србија најави дека на правосудните органи во Франција ќе им прати барање за екстрадиција на Харадинај, информираше српската национална телевизија РТС.

Харадинај беше уапсен во средата на барање на Србија од 2006 година заради сомневање дека во текот на 1998 и 1999 година бил еден од командантите на УЧК и сторил воени злосторства. Харадинај беше суден во Судот за екс Југославија во Хаг и во 2012 година беше ослободен од сите обвинувања.

Судот во Франција одлучи во четвртокот да го задржи Харадинај во притвор се додека Србија не го испрати барањето за екстрадиција.

Харадинај беше уапсен и во 2015 година во Словенија но по неколку дена беше пуштен.

Од сега полесно до бугарски пасош

Од почетокот на мандатот на претседателот Румен Радев, кој започна во јануари минатата година, 1.184 Македонци добиле бугарско државјанство.

Од Бугарија доаѓаат и информации дека земјата ќе го олесни режимот за стекнување на бугарско државјанство.

Во најскоро време ќе се олесни целата процедура за добивање на бугарски пасош.

Бугарија го назначи Орце Камчев за почесен конзул во Македонија, се чека одобрение од Владата

Бугарија го назначи бизнисменот Орце Камчев за почесен конзул во Македонија и барањето за егзекватура е стигнато во македонското Министерство за надворешни работи, потврдија за СДК од МНР.

Според процедурата, барањето се разгледува во МНР, потоа се бараат мислења од Министерството за финансии и Секретаријатот за законодавство при Владата. Кога ќе се комплетира документацијата, министерот за надворешни работи го предлага кандидатот на странската земја до Владата и ако тој или таа добие одобрение, министерот за надворешни му издава егзекватура, што е слично со агреман за амбасадорите.

(ВИДЕО) Вучиќ од грижи не може ни да јаде ни да спие

Новата средба на српскиот претседател Александар Вучиќ и германската канцеларка Ангела Меркел предвидена за денеска, треба да се толкува како зајакнување на притисокот на Берлин врз Белград за што е можно побрзо да биде постигнат договор за нормализација на односите со Приштина, оценуваат за „Данас“ претставници на дипломатските кругови и експерти за регионални прашања од Србија и Германија.

Берлин ќе продолжи да врши притисок врз Белград во врска со косовското прашање и можно е Меркел да го потсети Вучиќ на некои неисполнети ветувања. Од друга страна се добива впечаток дека Вучиќ не е подготвен за нови отстапки, тврдат соговорниците на весникот.

Професорот по меѓународни односи од Универзитетот во Букурешт, Франц-Лотар  Алтман за „Данас“ вели дека не очекува „госпоѓа Меркел да му каже нешто ново на господин Вучиќ, но повторно ќе му објасни дека Германија нема да поддржи членство на Србија во ЕУ доколу на крајот на преговорите меѓу Белград и Приштина не биде постигнат одржлив договор за формалниот статус на Косово“.

– Тоа значи дека Меркел ќе го охрабри Вучиќ сериозно да продолжи со бриселските преговори и ќе му пренесе да ги убеди претставниците на властите во Белград да не зборуваат и да не се однесуваат на начин што би го загрозил процесот на нормализација на односите меѓу Белград и Приштина. Во исто време Меркел одново ќе ја потврди посветеноста на Германија на перспективата на Западниот Балкан за членство во ЕУ, со посебен нагласок на Србија. Таа веројатно ќе го спомене и претстојниот Самит за Западен Балкан што ќе се одржи во Софија, на кој Приштина мора да биде прифатена како учесник со полн капацитет, смета Алтман.

Според претседателот на Форумот за етнички односи, Душан Јањиќ средбата во Берлин ќе биде „многу корисна пред се, за самиот Вучиќ, а се надевам и за Србија“.

– Ова е критичен момент бидејќи ситуацијата во голема мерка е поинаква од онаа во јули минатата година кога Вучиќ го иницираше внатрешниот дијалог за Косово. Белград се оддалечи од концептот за целосна нормализација на односите со Приштина, кои некои го нарекуваат и „модел на две Германии“ на што посебно инсистира Берлин. Најновите изјави на претставниците на српските власти, вклучувајќи го и шефот на дипломатијата Ивица Дачиќ, па и на самиот Вучиќ, покажуваат дека постои голем расчекор во однос на политиката на Берлин. Втора тема која несомнено ќе биде споменета на состанокот Вучиќ-Меркел е и безбедноста, бидејќи првпат по две децении се спомнува можноста за војна во Косово. што е неприфатливо за Германија. Значи тоа ќе биде можност Вучиќ и Меркел да поразговараат сериозно. Иако Вучиќ има значителен капитал на добри лични и партиски односи со Меркел, тој капитал во голема мерка е потрошен во последно време и очекувам по сребата српскиот претседател да се врати на политиката на мали чекори во нормализација на односите со Приштина, истакнува Јањиќ за „Данас“.

Да потсетиме, како што претходно пишуваше „Данас“, Берлин се залага за членство на Косово во ОН со статус на набљудувач, на што Белград остро се спротиставува.

Цело време сум загрижен. Забележа и канцеларката Меркел и за време на ручекот дека не можам да јадам ништо. Едноставно цели ноќи не спијам поради одговорноста што ја имам. Јас сум цело време во грч, не можам ниту да се израдувам на сето тоа, поради сите овие политички прашања кои ги наследив, изјави српскиот претседател Александар Вучиќ по средбата со германската канцеларка Ангела Меркел.

– Има битки кои ги добивме, но многу повеќе што ги изгубивме, пред сѐ, политички и денес кога е потребна храброст нешто да се реши, никој или ретко кој ја има таа храброст, сите чекаат да реши Вучиќ за сите да му скокаме на глава затоа што размислува за својата татковина. Јас мислам дека е подобро да се обидеме да го решиме, отколку да не решиме. Е сега дали ќе го решиме, не зависи за жал само од нас. Зависи, не од еден, туку од многу други фактори – изјави Вучиќ.

Популарно