Почина сопственикот на еден од најпознатите скопски ресторани

По кусо и тешко боледување почина познатиот угостител Ставре Николоски, сопственик на култната "Уранија". Погребот ќе биде извршен утре точно напладне во неговото родно Крушево.

Николоски беше сопственик на познатиот угостителски бренд "Уранија", угостител со 30­годишно искуство, односно неговиот бренд меѓу скопјани е присутен од 1992 година, и тоа на просторот во Градскиот парк.

Печеното јагнешко и прасечко, влашката торта и уште многу други влашки специјалитети се дел од богатото мени на неговиот објект, нешто по кое љубителите на добрата храна и ја препознаваат "Уранија".

"Нашата храна ја користат не само обичните луѓе, туку и амбасадори, дипломати и бизнисмени. Таа се подготвува во нашата пекарница и со специјални возила за одржување на топлина ја транспортираме до нашите угостителски објекти", велеше Николоски, кој со угостителство почнал да се занимава во далечната 1966 година, кога од Крушево се преселил во Скопје.

"Уранија" којашто постои и денес датира од 1994 година, а името го добила заради неговата сопруга Уранија. Денес речиси нема кој не знае каде е "Уранија" и кој е газда Ставре, кому гости му биле сите политичари, музичари, па дури и Ричард Гир, Ванеса Редгрејв, Роџер Мур...

Во "Уранија" уште од основањето важеше старото правило ­ овде нема што нема...

Бесплатно такси за пијани скопјани

Град Скопје, Републичкиот совет за безбедност во сообраќајот, Авто-мото сојузот на Македонија и 30 ресторани во Скопје почнуваат кампања „Ги возиме одговорните“ со која ќе ги мотивираат возачите да не возат пијани. Гостите во кафаните со нарачување на такси на онлајн апликацијата ќе добијат ваучери од 100 денари. Парите за ваучерите кои ќе ги добиваат пијаните гости ќе ги обезбедат кафаните кои се вклучени во овој проект.

„Загрижуваат бројките на пијани возачи во Скопје. Пред некој викенд дури 500 возачи беа фатени како возат под дејство на алкохол. Со вакви бројки не е воопшто чудно што сме на дното на листите за безбедност на улиците во европски рамки. Целта на оваа кампања е да ја зголемиме свеста кај граѓаните да возат одговорно, да избегнуваат да возат под дејство на алкохол како не би со загрозиле ниту својот ниту животот на другите учесници во сообраќајот. Граѓаните на Скопје мора да заборават на своите автомобили кога консумираат алкохол. Јавниот превоз работи до доцна во ноќта, такси цените се релативно евтини во споредба со други градови, а сега нудиме и можност за бесплатно такси“, изјави градоначалникот Петре Шилегов.

Портпарол во АМСМ Росана Јанков рече дека Македонија со оваа и голем број наредни кампањи земјава се вклучува во глобалната кампања за безбедно возење и намалување на бројот на жртви во сообраќајни несреќи.

„На глобално ниво 3.500 луѓе дневно умираат од сообраќајни несреќи. Ги повикуваме граѓаните да ја користат оваа можност и се надевам дека поголем број угостители ќе се вклучат во кампањата“, рече Јанков.

ФОТО: Твитер Vs Град Скопје

Веројатно најсподелуваната фотографија на Твитер последниве два дена, е оваа од центарот на главниот град.

Следи фотографијата на која се гледа како градот ги решава сопствените пропусти:

А има и по некоја идеја:

Секако и по некоја поплака

Популарно