Полицаец на годината за Скопје: Ја спасувавме мајката што го фрли детето од 4 кат

За остварени натпросечни резултати и пожртвуваност во извршување на службените задачи, Марјан Димитриевски (48) е избран за најдобриот полицаец во Скопје за 2016 година. За добрата работа во изминатава година тој доби награда од 10.000 денари од скопскиот градоначалник Kоце Трајановски, кој традиционално ги наградува најдобрите полицаец, пожарникар и крводарител.

Димитриевски е вработен во Полициската станица „Гази Баба“ и има 24 години стаж. Полицаец е од 1992 година и вели дека наградата за него претставува поттик да продолжи совесно и одговорно да работи.

– Сум учествувал во откривање многу кривични дела, пред сe тешки кражби, како и кривични дела во врска со нарушување на јавниот ред и мир. Не можам да ја заборавам акцијата за спасување на мајката што сакаше да го фрли својот седумгодишен син од терасата на четвртиот кат од една шесткатница во населбата Хиподром, раскажува Димитриевски за Дневник.

Овој настан, кој ја потресе целата македонска јавност, се случи пред половина година, кога мајка си го фрли детето од зградата, а потоа се фрли и самата. Полицаецот Димитриевски бил на смена кога од радиостаницата му јавиле за случајот во Хиподром.

– Веднаш се упативме таму со моите колеги. Kога пристигнавме, мајката беше заклучена во станот со детето. Не сакаше да отвори, ниту сакаше да комуницира со нас. Одвреме-навреме ќе се појавеше на прозорецот. Потоа дојде на терасата, од каде што сакаше да го фрли детето. Во меѓувреме пристигна екипа и од Бригадата за противпожарна заштита на град Скопје. Тие поставија душек за спасување под терасата, вели Димитриевски.

Тој додава дека се се завршило добро, односно мајката го фрлила детето и се фрлила самата, но преживеаја.

ФОТО: Скопје се подготвува за, Кале е обоено во боите на УЕФА Купот

Градот Скопје е целосно подготвен за УЕФА Супер Купот 2017 кој ќе се одржи на 8. август во Скопје на националната арена Филип Втори. На годинешниов Супер Куп силите ќе ги одмерат двата најголеми фудбалски клубови во светот, Реал Мадрид и Манчестер Јунајтед.

Деталите за подготовките за овој голем спортски настан ги соопштија градоначалникот на Град Скопје, Коце Трајановски, портпаролот на фудбалската федерација на Македонија, Златко Андоновски и маркетинг директор на Идеа Лаб, Димитар Атанасовски
 

Голема чест и задоволство е што Скопје е домаќин на УЕФА Супер Купот 2017 на кои ќе играат победникот од УЕФА Лигата на Шампионите, тимот на Реал Мадрид и победникот на УЕФА Лигата на Европа, тимот на Манчестер Јунајтед. Градот Скопје активно се вклучи во организацијата за одржувањето на овој настан и заедно со ФФМ работевме на исполнување на сите барања и стандарди поставени од УЕФА.

Изминатиов период Градот Скопје преку своите јавни претпријатија активно работеше на исполнување на овие барања и стандарди, на подобрување на изгледот и хигиената во Скопје. Покрај овие активности, Градот Скопје изработи промотивно видео на англиски јазик чија цел ќе биде информирање на туристите и промовирање на убавините на Скопје.

Воедно, ова е видео коешто ја покажува гостопримливоста на градот во пресрет на овој голем спортски настан, а изработени се и информативни брошури за Скопје на повеќе јазици кажа градоначалникот Трајановски.

Активно во подготовките на УЕФА Супер Купот 2017 се вклучи и ФФМ, а нивните активности ги соопшти портпаролот Златко Андоновски.
 

ФФМ ќе ја координира Трофеј турата и во повеќе места во Македонија ќе бидат претставени највредните пехари на УЕФА, на Лигата на шампионите, Лигата на Европа и секако на Супер купот. Турнејата ќе почне на 1 август и во наредните неколку денови пехарите ќе бидат изложени во 9 градови во Македонија, односно до 8 август истите ќе бидат изложени во Тетово, Охрид, Битола, Прилеп, Неготино, Струмица, Штип, Куманово и Скопје.

Покрај ова, ФФМ ќе организира и голем број натпревари за најмладите фанови, кои ќе се одржуваат на мини терени што ќе бидат поставени во градовите каде што ќе бидат изложени пехарите. ФФМ со добиената доверба од ФФМ за организација на Супер Купот 2017 станува еден од најголемите амбасадори на нашава земја, промотор на фер-играта, на социјалното и општествено вклучување, промотор на здравје и едукација во нашето општество“, кажа Андоновски.

Околу техничката организација на УЕФА Супер Купот 2017 и многубројните содржини кои ќе бидат достапни за сите посетители во Скопје, деталите ги соопшти Димитар Атанасовски од Идеа Лаб.
;Градот Скопје изработи видео на англиски јазик чија цел ќе биде информирање на туристите и промовирање на убавините на Скопје. Овој спот е одобрен од УЕФА и истиот ќе биде дистрибуиран до сите канали и портали на УЕФА, како и до каналите на комуникација на Реал Мадрид, Манчестер Јунајтед и нивните навивачки групи кои потоа ќе ги дистрибуираат.

Дополнително, во организација на Град Скопје е целосното брендирање на градот, а деновиве и скопското Кале ќе светне во сината боја на Супер Купот. Во организација на Град Скопје е и организирањето на т.н. ;неутрална  како и точките на поаѓање на навивачите кон стадионот „Филип Втори“. Неутралната фан зона е лоцирана на Плоштадот Македонија и на истата ќе се организираат голем број активности за посетителите од сите возрасти.
 

>Ќе има голема сцена каде што ќе се организира музичка забава од 11 до 19 часот на 7 и 8 август, тука ќе бидат поставени оригиналните трофеи во рамки на;Трофеј турата;, ќе има ѕид на финалисти каде што сите навивачи ќе можат да се фотографираат, ќе бидат поставени штандови на партнерите на Супер Купот. Во оваа фан зона ќе биде поставен и мал фудбалски терен, на кој ќе се одиграат финалните натпревари од турнирот кој ;ќе се игра низ цела Македонија, во рамките на , кажа Атанасовски.

54 години од земјотресот во Скопје, и вака ќе се одбележи

Град Скопје и Музејот на Град Скопје и годинава ќе го одбележат 26 јули – денот кога пред  54 години во катастрофалниот земјотрес што во својата уривачка моќ  во 1963 година однесе многу човечки животи,  го претвори  Скопје во урнатина, а  градот  ги доживеа најтешките моменти во својата историја и постоење.

Под мотото – „Скопје го слави животот„ на 26 јули ќе се потсетиме на се она што значи овој датум, на подадената рака од целиот свет како и на оние кои трагично го загубија својот живот.

Мултимедијалниот културен настан што под мотото „МКЦ за Скопје“ го организира Младинскиот културен центар, кој традиционално се одржува за 26 јули, со цел да се потсетиме на солидарноста и хуманоста на скопјани, годинава се одржува два дена, односно започна вчераа,  на 25 јули, а завршува  денес, 26 јули.

Оваа чествување ќе не потсети дека треба да го славиме животот и секако за хуманата димензија на човештвото.

Популарно