Поради гласна музика затворен познат угостителскиот објект во Скопје

Овластениот инспектор за животна средина при општина Карпош со асистенција на полицијата денеска го запечати угостителскиот објект „Сокаче“.

inspektort

Како што информира општина Карпош, затворањето е поради девет мерења и константно надминување на максимално дозволеното ниво на бучава, како и постојаните поплаки од граѓаните.

Овластениот инспектор за животна средина при општина Карпош почнал постапка и извршил инспекциски надзор на 14, 15 и 16 јануари годинава, како и мерење во ноќните часови на ниво на бучава од угостителскиот објект „ШПАТО СОКАК“ ДООЕЛ, лоциран на улицата „Драган Ѓаконовски –Шпато“ бр.3 за кои има и записник. Мерењата ги извршувала фирмата „ЕУРОМАК КОНТРОЛ“ ДООЕЛ од Скопје. При повторна пријава од граѓаните, извршени биле мерења на ниво на бучава на 29 и 30 јануари, како и во два наврати во февруари и март годинава.

– При сите девет мерења во изминатиот период, согласно законската регулатива, овластен инспектор за животна средина доставуваше прекршочни платни налози за сторен прекршок во висина од 225 евра за правниот субјект и одговорното лице 67,5 евра. Тие беа испраќани и примени од правниот субјект, но во законскиот рок од осум дена не беа платени, се вели во соопштението од општина Карпош.

Пет деца заразени во градинка во Карпош од опасен вирус кој може да предизвика воспаление на мозокот

Пет дечиња од градинката Орце Николов во Карпош 2 заболеле од коксаки вирус. Пред два дена во скопскиот центар за јавно здравје заболувањето го пријавила директорката на градинката. Епидемиолозите направиле увид и констатирале дека заразените се од групата јасли. Во објектот била  направена целосна дезинфекција. Откако загрижени родители се пожалиле кај градоначалникот Богоев, тој утрово лично бил во Орце Николов.

-Бев да видам каква е состојбата и ми кажаа дека се преземени сите превентивни мерки и објектот е чист, односно се почитуваат хигиено санитарните услови, вели Стефан Богоев, градоначалник на Карпош.

Вработени во градинката велат дека нема проблем со згрижувањето на децата а некои родители кои ги затекнавме пред објектот и не се запознаени дека има коксаки вирус.

-Не, не сум запознаена, вели родител

Вирусот е препознатлив по осип на раце или нозе и зголемена телесна температура. Може да помине со благи симптоми, но според лекарите доведува и до тешки компликации како воспаление на мозок. Коксаки уште е наречен и болест на нечисти раце. Градоначалникот Богоев најави контрола во сите градинки.

-Наредната недела имам во план да ги посетам сите градинки и училишта во општината и да видам каква е хигиената, таа е најважен услов, вели Богоев.

Вчера и денеска не е регистриран нов случај на коксаки во градинката Орце Николов. И во октомври беа регистрирани неколку случаи во други градинки во градот.

.Надлежните велат дека нема простор за паника и дека надлежните во градинката ги презеле сите неопходни мерки за заштита. За попладне закажале средба со родители на која ќе ја објаснат целат состојба. 

(ФОТО) Дождот ги „потопи“ театрите и музеите жртвувани поради „Скопје 2014“ ГАЛЕРИЈА

При дождови кои се вообичаени за ова време на годината, нашите културни установи се соочуваат со сериозни последици од долгогодишна негрижа за условите во нив. Цел на Владата и Министерството за култура е таа негрижа да се стопира веднаш и да се преземат итни мерки, соопштија од минитерството по увидот кој денеска во културни институции го направија министерот Роберт Алаѓозовски и заменикот министер Владимир Лазовски.

Во Драмскиот Театар, во соработка со директорот Сашо Тасевски уште денескаќе се преземат мерки за санација на оваа загрижувачка состојба и за локално санирање на кровот, а во координација со министерот за финансии, Драган Тевдовски, ќе се спроведе ургентна постапка и ќе се алоцираат средства кровот да се санира и да се создадат елементарни услови за работата на Драмскиот театар до тече без никакви пречки. 

Владата на Република Македонија и Министерството за култура информираат дека воопшто не се откажуваат од идејата за изградба на нов објект за овој театар, но ќе инсистираат на подомаќинско и порационално решение, кое нема беспоштедно и непродуктивно да ги троши парите на граѓаните.

„Драмскиот театар е типична жртва на тнр проект „Скопје 2014“, преку кој се инвестираше во прескапи и мегаломански објекти и споменици, додека постојните објекти на културните установи се во очајна состојба. 

Во Музејот на Македонија е исто така констатирана загрижувачка состојба, а Музејот на современата уметност - Скопје се соочува со протекување во објектот на повеќе локации, од кои голем дел се ургентни бидејќи веќе имаат предизвикано штета и бараат итна интервенција. Најургентните состојби ќе се санираат веднаш, но и за овој репрезентативен објект се потребни посериозни реконструктивни зафати“, велат од Министерството.

Протекување на кровот и оштетувања од дождот се предизвикани и воТеатар комедија во Скопје, Центар за култура „Браќа Миладиновци“ – Струга, Центар за култура „Антон Панов“ – Струмица, Центар за култура – Дебар, Центарот за култура „Бели мугри“ во Кочани, НУ Конзерваторски центар во Гостивар, Музеј „Западна Македонија во НОВ“ – Кичево, археолошкиот локалитет Стоби каде постои опасност од изливање на Црна Река, како и други објекти од кои по итниот допис на Министерството добиваме постојани известувања. Министерството за култура ја следи интензивно состојбата и е подготвено, во соработка со раководствата, да интервенира веднаш во сите итни ситуации, се наведува во соопштението.

Скопје: Субвенционира купување на печки на пелети

Од вчера започна пријавувањето за надоместување дел од трошоците на граѓаните на подрачјето на Град Скопје за купување печки на пелети за 2017 година.

Градот Скопје, со цел да ги стимулира жителите на Скопје  (домаќинствата) за користење обновливи извори на енергија за затоплување на своите домови, кои минимално ги загадуваат воздухот и почвата и не влијаат врз климатските промени, на жителите коишто ќе купат печки на пелети од денот на објавување на Јавниот повик, а заклучно со 22.11.2017 година, ќе им обезбеди поврат на средства во висина од 70%, но не повеќе од 30.000 денари со вклучен персонален данок на доход.

Јавниот повик трае 7 (седум) календарски дена од денот на објавувањето, заклучно со 22.11.2017 година и ќе биде реализиран по принципот „прв дојден прв услужен’’.

Јавниот повик е објавен на веб-страницата на Град Скопје (http://www.skopje.gov.mk/DesktopDefault.aspx?tabindex=0&tabid=654) и во печатени медиуми.

Право на учество на овој Јавен повик имаат жителите на град Скопје  (домаќинствата) во општините: Аеродром, Гази Баба, Кисела Вода, Карпош, Чаир, Шуто Оризари, Центар, Ѓорче Петров, Бутел и Сарај, коишто ќе купат печка на пелети за затоплување на својот станбен простор од денот на објавувањето на Јавниот повик до денот на завршувањето на повикот  и ќе поднесат барање за искористување на правото за надоместок. На Јавниот повик немаат право на учество домаќинствата кои имаат приклучок на градското централно греење, без оглед на тоа дали го користат, како и сопствениците на станбени објекти кои се се уште во фаза на изградба и не живеат во објектите.

Купувачот на печка на пелети своето барање за искористување на правото за надоместок на дел од трошоците, заедно со потребната документација, треба да го достави во затворен плик до Град Скопје, булевар Илинден број 82, во архивата на Градот, секој работен ден од 08:00 до 16:00 часот.

Градот Скопје, во зависност од динамиката на пристигнување на пријавите, периодично ќе ја известува јавноста за преостанатите средства предвидени за оваа намена, се до нивно целосно искористување.

Популарно