Поучна приказна: Љубовта и каењето во животот

Некогаш во еден мал град си живеела една едноставна девојка која имала многу соништа и едно момче кое имало успешна кариера. Судбината ги споила, па тие брзо се заљубиле еден во друг. За неа, тој бил сѐ. Ја разбирал повеќе од кој било друг и сакал да ѝ обезбеди сѐ што е добро за неа, а таа сакала да го направи многу среќен.

Момчето сакало таа да стане независна и да ја научи како да се справи со суровата реалност во општеството, а и да изгради своја кариера, за да може во иднина да преживее. Тој постојано ѝ бил водич и ја терал да учи од своите грешки. Со текот на времето, таа станала успешна, па многу други момчиња покажале интерес за неа, бидејќи исто така била и премногу убава. Како што минувало времето, таа станувала сѐ повеќе сигурна во себе и нејзината кариера го достигнала врвот. А момчето, како и секогаш, било до неа, сѐ уште поттикнувајќи ја за уште поголем напредок. Сепак, девојката повеќе не ги сакала неговите совети, затоа што чувствувала дека самата е поспособна да реши што треба да прави. Со текот на времето нивните караници се зголемувале, па таа го напуштила, велејќи му: „Не сакам секогаш да те слушам тебе, зашто можам и самата да одлучам што е добро за мене. Јас сум успешна и има многу момчиња кои би ме прифатиле онаква каква што сум, па ако не ти се допаѓам, тогаш исчезни!“

Тој се почувствувал повредено, затоа што не можел да разбере како може да му го направи тоа девојката која ја знаел уште откако била едноставна и неуспешна. Тој секогаш сакал таа да биде независна и да доживее нови успеси. Така, пред да си замине, тој рекол: „Можеби твоето его станало толку големо што не можеш повеќе да ги гледаш моите чувства што ги имам кон тебе. Те сакав кога беше едноставна девојка без кариера и достигнати успеси. Мојата намера секогаш беше да те охрабрам, не да направам да се чувствуваш понижено. Можеби грешката е во мене, што и после толку време поминато заедно, не успеав да те убедам да разбереш колку ми значиш и што ти посакувам. Секогаш го мислев само најдоброто за тебе и сакав да постигнеш повеќе успеси од мене. Не сакав да ги направиш истите грешки што ги направив и јас. Тоа беше единствената причина што секогаш сакав да те водам… Ти посакувам да го пронајдеш она што отсекогаш си го посакувала.“

Тој знаел дека и двајцата се создадени еден за друг и дека никој не може да ги направи толку среќни, како што се кога се заедно. Но, неговото срце било скршено и повеќе немал што да каже. Таа брзо го сфатила тоа, но било премногу доцна и до крајот на животот тие живееле жалејќи за своето разделување.

Поука: Само оние кои се грижат за вас ќе ви помогнат да го пронајдете вистинскиот пат во животот, така што ќе ве насочуваат и ќе ви помогнат да ги поправите своите грешки. Барем за миг помислете на минатото и на личноста која била дел од вашиот живот порано, но не и сега. Каде би биле денес ако таа личност не била покрај вас? Оставете ги егото и гневот, затоа што најверојатно ќе ве чинат нешто што би можело да биде многу позначајно во вашиот живот!

Закрепнувањето по „скршено срце“ трае три месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.

Популарно