ПОВЕЌЕ БЕНЕФИЦИИ ЗА КОРИСНИЦИТЕ: Вип продолжува со инвестиции во мобилната мрежа!

Раководството на телекомуникацискиот оператор оне.Вип денеска објави дека успешно е завршен најавениот процес на спојување на мрежите на двете компании и оти е обезбедена единствена мрежа за нивните корисници во сите региони во Македонија.

Активностите почнаа по спојувањето на двете компании во октомври лани и се одвиваа во тек на годинава.

Новиот извршен директор на Оне.Вип Димитар Ковачевски на средба со новинарите истакна дека има позитивни очекувања за 2017 година во која, како што рече, тимот на оне.Вип дополнително ќе ја стабилизира и оптимизира мобилната и фиксната мрежа.

– Инвестицијата што е направена во 2016 година е неколку десетици милиони евра, ќе продолжи и во 2017 година затоа што ни претстои период на доконсолидација и оптимизација на мобилната мрежа, а исто така инвестираме и во фиксната мрежа, рече Ковачевски.

Од оне.Вип соопштија дека со спојувањето ги вовеле напредните 3G/4G.4G+ технологии во подрачјата каде ги немала претходно, и оти е обезбедена покриеност на повеќе од 99,7 проценти од населението во Македонија со 2G и 3G технологија и 95,8 проценти со LTE технологија. Спојувањето на над 1,1 милион корисници за една година, според раководството, било со минимално нарушување на континуитетот на услугите кон корисниците.

Познат идентитет на тројцата убиени во скопско

Денес околу 10 часот е извршено тројно убиство во скопско, извести МВР. Првото убиство е извршено во село Глумово, а второто во село Кондово. Тројното убиство е извршено со пиштол.

Сторителот на тројното убиство, како што објави порталот Плусинфо е С.Ш. од село Глумово. Toj ги убил брата си А.С., синот на А.С. (М.С.) и внукот на А.С. (Ар.С). Потоа Ш.С. се самоубил откако одбил да и се предаде на полицијата.

Оваа голема трагедија предизвика голема паника кај жителите на село Глумово.

Јавен обвинител врши увид на две локации каде се пронајдени четири мртви лица

Увидни екипи раководени од дежурен јавен обвинител од Основното јавно обвинителство – Скопје вршат увид во куќа во Ѓорче Петров, каде што претпладнево биле пронајдени телата на две починати лица.

Веднаш по завршувањето на увидот, екипите ќе се упатат кон селото Глумово, каде што се пронајдени телата на уште две лица. Според првичните информации, двата настани се поврзани, а сите починати лица биле во крвно сродство. Исто така, првичните сознанија на истрагата укажуваат дека меѓу починатите лица е и едно за кое постои сомнение дека ги лишило од живот останатите, пред да си го одземе животот.

Во настаните уште едно лице е повредено. Тоа е хоспитализирано и врз него е извршена хируршка интервенција.

Во меѓувреме, до увидот, локацијата во селото Глумово се обезбедува со полициски екипи.

Јавниот обвинител издаде наредби за прибирање на сите траги и материјални докази пронајдени на лице место, кои подоцна ќе бидат испратени на вештачење. Телата на починатите лица ќе бидат предадени на обдукција. Интензивно се работи на расветлување на настанот и утврдување на мотивите, се вели во соопштението на Обвинителството.

Тројно убиство и самоубиство во Скопје

Убиство најверојатво на три лица, едно убиено во село Глумово, а две лица на влез во село Кондово, извршило непознато лице денеска во 10 часот, соопшти МВР. При обидот за приведување на напаѓачот во село Глумово од страна на полициски службеници од единицата „Алфа“, тој извршил самоубиство, а смртта била констатирана од екипа на Итна медицинска помош. Полицијата информира дека увидот е во тек и оти најверојатно сторител е Ш.С. од село Глумово.

Популарно