Повратник од Сирија: Во војна нема спасение

id-1

Стотици борци од балканските земји во моментов се активни во Сирија. Линдита Арапи, од Дојче Веле зборуваше со еден албански повратник од Исламска Држава кој без разубавување говори за бруталната реалност на џихадот.

Во Германија повратниците од Исламска држава мораат да одговараат пред суд, во Албанија исто така. За разлика од Германија, во оваа балканска земја досега немаше започнато ниту една постапка против џихадистите кои се вратија од Сирија- иако за учеството во вооружени конфликти во странство, според албанските закони е предвидена казна од неколку години затвор.

Сандер Леши, советник за безбедност на албанскиот премиер Еди Рама, изјави оти „повратниците се плашат од кривично гонење“ и затоа заминуваат во илегала.

Ебу Заид (вистинското име ѝ е познато на редакцијата) е 28-годишен Албанец кој е еден од нив, својата приказна ни ја раскажа во муслимански ресторан во Тирана. Тој вели дека бил „распуштено“ дете. Оружјето и тепачките не му биле непознати пред исламот да започне да го одредува неговиот живот, а има неколку години оттогаш: „Тоа беше мојот спас“.

Како и во многу муслимански семејства во Албанија, ниту во неговото семејство религијата не играла голема улога. Меѓутоа, тој го истражувал салафизмот, учел арапски, рано се оженил- „како што му доликува на муслиман“. На интернет ја следел војната во Сирија.

-Сѐ што видов, страдање… тоа многу ме погоди како верник. Сакав да им помогнам на муслиманските браќа. Решив да одам во Сирија. Не чувствував никаков страв, туку имав херојско чувство дека правам нешто добро: јас помагам да се собори Башар ал-Асад“, вели во својата изјава.

ЗА 80 ЕВРА ДО СИРИЈА

Ебу Заид во 2014. година заминал во Сирија, со уште двајца Албанци. На родителите им рекол дека оди во Саудиска Арабија да студира религија.

-Патот беше едноставен: од Тирана до Истанбул со автобус за 40 евра и уште 40 евра до сириската граница. Немаше контроли, вели Заид.

Млади Албанци го пречекале од другата страна на границата и го одвеле до Алеп, каде што прво се борел на страна на Ал Нусра Фронтот.

-Сѐ беше прецизно организирано, оружје, униформа, храна. Јас таму запознав многу млади луѓе од Франција, Данска и Германија. Со оглед на тоа дека добро зборувам арапски, имав со сите многу добри контакти. Бев најдобар пријател со еден постар господин од Босна. Со него зборував постојано.“

Ебу Заид вели претходното искуство со оружје важело за „корисно“. По еден месец, младите доброволци учествувале во борбите околу Алеп. Дали убил некого? Заид не сака да одговори директно.

“Ние немавме никаков сомнеж: се боревме против непријателот, војниците на Башар ал-Асад и немаше милост.“

ИД Е ПОДОБРО ОРГАНИЗИРАНА

Набрзо ја забележел и борбата за власт меѓу бригадите Ал-Нусра Фронтот и „Исламска држава“. Бил импресиониран од пропагандата на ИД, па и се придружил во последните месеци од својот престој во Сирија:

“ИД беше подобро организирана. Имаа повеќе оружје и беа подобро финансирани- не знам од каде.“

Но, реалноста помеѓу младите борци на ИД, кои ги сметал за посилни, била поинаква. Искуството му ги отворило очите:

-„По повеќе часовна борба во Алеп конечно излеговме да ги закопаме своите мртви војници. Но, имаше мртви и од трупите на Асад. Еден од нас, Египќанец, отиде и на мртвиот војник му ги исече ушите. Осакатување на лешеви е голем грев во исламот.“

Тој е разочаран од џихадистите на ИД.

-„Тие немаа верска настава, не го познаваат коранот, поради тоа има таков екстремизам. Ако те фатат со цигара, ќе те опоменат, ако слушаш музика, ќе ти го уништат компјутерот. Многу слепо следат команди.“

Во Сирија Ебу Заид видел многу Европејци кои сакале да се вратат. Минатата година кога загинале двајца негови пријатели Албанци, посакал да се врати дома.

-„Тоа не беше само разочарување од она што го видов. Посебно трогнат бев од лицата на моите деца и солзите на мајка ми додека разговаравме на Скајп.“

Своето враќање го образложува вака:

-„Денес себеси се сметам за измамен верник. Војната е војна- никогаш не е убава. Таму нема спасение“ .

На командантот од ИД му рекол дека оди во Турција за да ги земе жаната и децата.

По враќањето во Албанија, Ебу Заид се држи понастрана од властите. Живее повлечено во Тирана како работник. Неговите блиски пријатели му честитале за враќањето а тој вели: “Денес имам поголемо сочувство за луѓето“.

Д-Р Митов: „Нашите генерации им го згорчија зборот држава на младите“

Животни приоритети и принципи е темата во новото издание на „Нешто конкретно“. Нашите гости зборуваат за тоа како ненормалното стана нормално и како кршењето на правилата стана правило.

 Проф. Д-Р Аце Миленковски, Д-Р Александар Митов, Дина Јашари и Сања Ристиќ на едно место и со многу слични но и различни приоритети. На почетокот на емисијата зборувајќи за почитта, како ја стекнал, каде, со кого и кон кого, ректорот на Универзитетот Скопје, Аце Миленковски ги испочитува гостите и водителката Снеже Велков со подароци кој им ги подели во студиото. За него најголем приоритет во животот е верата. „Се родивме овде во Македонија нашата вера ја определија бабите, дедовците, нашите родители и таа е преубава вера на која што ние и припаѓаме овдека во оваа држава, без верба во Бога ништо не правиме” рече тој и ја издвои пораката на Трамп дека никој не смее да се смета како најважен и најголем освен Бог.

Сања Ристиќ најголем приоритет си е самата себе, како мајка на две деца таа смета дека децата можат да бидат среќни и здрави и здраво да се развиваат само ако имаат среќна и здрава мајка. Таа истакна дека тој приоритет не значи оти треба да се грижи за својот физички изглед односно да си посетува масажи и фризери, туку работа на сама себе да живее во мир и спокој на душата, бидејќи само така може да делува и да биде добра мајка, добра партнерка и добра во кариерата.

 Д-Р Митов зборуваше за тоа како на младите во Македонија зборот држава им е згорчен. „Ние нашите генерации им го згорчивме зборот држава на младите, ги потсеќа на корупција, криминал и разно разни глупости и кога ќе им се каже зборот држава ги потсеќа на лошо“. Негов најголем приоритет во животот е секако семејството, но меѓу другите приоритети ја издвои својата градина каде вели дека собира енергија за сите останати обврски во текот на денот, единствено му е жал што нема повеќе време да им посвети на пријателите.

Дина Јашари се пожали од условите во државните факултети, студентските домови и потсети на тоа дека за разлика од нас во Љубљана постои бесплатно студирање и условите не се споредуваат. Но и покрај се оваа млада пејачка стои на тоа дека не сака да се отсели од Македонија за евентуална подобра иднина како што тоа го прават нејзините врсници. Разликата во возраста на нашите гости фантастично ги прикажа приоритетите на секоја една генерација кои секако со годините се менуваат.

Гледајте ја емисијата на нашиот канал на YouTube, а новата веќе следната недела од 17.00 часот на Телма.

НЕ ЗАПИРА ХУМАНИТАРНАТА ПОМОШ ЗА ЛЕОНИД - DNK ја лицитира Златната бубамара, сумата достигна 150 илјади евра

Владимир Блажев од ДНК преку фејсбук информира дека утре во 22 часот завршува лицитацијата на нивната награда Златна бубамара, за хуманитарната помош за лекување на Леонид Индов, чија сума досега достигнала 150.000 илјади евра. 

Еден од лицитаторите исплатил 90 илјади евра.

„Другари ЛЕО видно расположен ви испраќа голем поздрав од Виена и ви се заблагодарува на сите вам за безрезервната поддршка која му ја давате изминатиов период, а посебно последнава недела.Да ве потсетам дека лицитацијата на Златната бубамара завршува утре во 22ч, а највисоката понуда до сега изнесува 150.000 денари. Начинот на лицитирањето ви е веќе познат. Ја пишувате сумата во коментар на мојот инстаграм (djshortypofficia) пост или на DNK фан страната на ФБ“, пишува Владимир Блажев.

Популарно