„ПОВТОРНО ВЕЛИЧЕСТВЕНА“ од Доналд Џ. Трамп, новоизбраниот претседател на САД, ексклузивно на македонски јазик во издание на издавачката куќа АРС СТУДИО

Најцитираната и најпродаваната книга „Повторно величествена ‒ Како да ја поправиме нашата осакатена Америка” од г.Доналд Џ. Трамп, новоизбраниот претседател на САД, книгата што се читa во еден здив, можете да ја најдете ексклузивно и единствено на македонски јазик во издание на издавачката куќа АРС СТУДИО.

Најновото издание на „Повторно величествена ‒ Како да ја поправиме нашата осакатена Америка” од г. Трамп, што предизвика голем интерес во светот со неговите конкретни планови и идеи за САД, е една од најчитаните книги што се продава во милионски тиражи и, само по неколку месеци од нејзиното издавање во САД, веќе е достапна и на нашиот пазар преведена на македонски јазик.

АРС СТУДИО, основанo во 2000 година, ги има ексклузивните права за издавање на книгата „Повторно величествена ‒ Како да ја поправиме нашата осакатена Америка” на македонски јазик, која можете да ја купитеединствено во нивната штанд-книжарница во Скопје Сити Мол, 2 кат.

Во штанд-книжарницата на издавачката куќа АРС СТУДИО можете да најдете и најнови изданија на македонски јазик на литературни дела од врвни наградувани автори и стручна литература од областите филозофија, историја и психологија.

Апелација ги уважи „бомбите“ за случајот „Триста“

Апелацискиот суд соопшти дека прислушуваните разговори за случајот „Триста“ може да бидат докази во судница. Одлуката е објавена денеска, а случајот е набавката за триста нови возила за полицијата. Обвинет е помошник-министерот во МВР, Ѓоко Поповски, кој се сомничи дека со јавната набавка го оштетил буџетот за 28 милиони денари.

Апелација ја одбила жалбата на Поповски бомбите да не бидат докази, но и ја преиначи одлуката на Кривичен, кој ги издвои прислушуваните разговори од доказниот материјал.

„Кривичниот совет на Апелациониот суд Скопје, по одржана седница на 18.09.2017 година, а во врска со предметот познат во јавноста како ‘Триста’, оформен по поднесен обвинителен акт против обвинетиот Ѓ.П. од С, донесе одлука со која ја уважи жалбата на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите Скопје и го преиначи обжаленото решение на Основниот суд Скопје 1 Скопје. Апелациониот суд Скопје со својата одлука мериторно одлучи и го одби предлогот на обвинетиот Ѓ.П. од С. содржан во неговиот приговор поднесен против обвинителниот акт, од списите на предметот да се издвои аудиозапис од телефонски контакт, како доказ прибавен на незаконит начин, со образложение дека наведениот доказ – аудиозапис од телефонски контакт претставува доказ прибавен на законит начин и како таков може да се користи како доказ во предметната кривична постапка, со што е преиначена одлуката на Основниот суд Скопје 1 Скопје со која истиот доказ е издвоен од списите на предметот како доказ прибавен на незаконит начин“, стои во соопштението од Скопска Апелација.

Ова е втора одлука на Апелацискиот суд со која одлучува јавно објавените бомби да бидат дел од доказите. Претходно апелациските судии одлучија прислушуваните разговори за „Нарачаните шлаканици во Центар“ да бидат докази.

Кривична за младоженецот кој отиде по невестата со противпожарно возило

Радовишанецот младоженец кој го искористил службеното противпожарно возило за да ја земе од дома својата невеста за време на нивната свадба, заработи кривична пријава. Освен него осомничен е и командирот на радовишката Територијална противпожарна единица. Се товарат за „послужување во службата“

Возилото е донација од Британската противпожарна асоцијација „Операција Флоријан“. За време на веселбата возилото беше накитено со свадбарски декор, а според сликите што беа објавени во медиумите,  младоженецот А.К. се качил на врвот и така качен парадирал низ Радовиш.

Командирот на единицата доби кривична затоа што му дозволил на А.К. да го користи возилото без дозвола од локалната самоуправа.

„Г.К., командир на Територијалната противпожарна единица Радовиш, специјалното противпожарно товарно моторно возило марка „Волво“ (материјално-техничко средство во сопственост на Територијалната противпожарна единица Радовиш),  без овластување од ЕЛС – Радовиш,  му го отстапил на користење на А.К. Тој му овозможил за време на водење на смена како раководител во ТППЕ-Радовиш да се послужи и да го користи на 17.09.2017 година во периодот од 13.00 до 14.00 часот за свадбена прослава“, валат од МВР.

Улични измамници си поигруваат со чувствата на луѓето

Низ градот може да наидете на луѓе кои бараат пари за превоз, за своите болни деца, гледаат на дланка.На овие изманици најчеста мета им се постарите жители од кои може најмногу да се извлечат пари, но има и луѓе кои сакајќи да бидат хумани, стануваат жртви на улична измама.

Измамниците ја кријат својата игра низ приказна на тажни судбини, загуба на некој од семејството или болест.

Интересна ситуација и се случила и на Ана.М.(40), кој на сред улица бил пресретнат од измамник, кој и побарал пари за неговто болно дете.

-Се сожалив и му дадов 200 денари, ова се случи на плоштад по извесно време шетање низ ГТЦ налетав на истиот човек кој си седеше со друштво мажи и си пиеше ракија, непријатно се изненадив како некој е способен да излаже, а парите да си ги намени за алкохол, вели Ана.М.

Чести се ситуациите каде измамниците одат од стан до стан и се преставуваат дека немаат пари за леб или имаат болно дете.

-Пред некој ден на вратата ми заѕвони маж околу педесет години, ми се претстви дека бил сираче и дека израснал сам и сега проси од врата до врата за да му се даде пари и облека.Му дадов 50 денари и едни чевли. Ги погледна парите како малку да му беа и прдолжи да ѕвони по другите станови.По 15 минути излегов да фрлам ѓубре позади зграда и налетав на истиот човек како си влага во такси, зачудено раскажува Весна.Р.(60).

Слична е и ситуацијата со децата кои просат по улиците и трговските центри низ градот.

-Пред некој ден на едно мало ромче му купив бурек за да се најаде, се почуствував во моментот убаво, за кратко откако излезе од бурекџилницата детето го фрли бурекот во канта за ѓубре, се зачудив.Очигледно чекаше пари да му дадам за да ги однесе на главниот организатор кој ги тера да просат по улиците, вели Маја.П.(25).

Популарно