„ПОВТОРНО ВЕЛИЧЕСТВЕНА“ од Доналд Џ. Трамп, новоизбраниот претседател на САД, ексклузивно на македонски јазик во издание на издавачката куќа АРС СТУДИО

Најцитираната и најпродаваната книга „Повторно величествена ‒ Како да ја поправиме нашата осакатена Америка” од г.Доналд Џ. Трамп, новоизбраниот претседател на САД, книгата што се читa во еден здив, можете да ја најдете ексклузивно и единствено на македонски јазик во издание на издавачката куќа АРС СТУДИО.

Најновото издание на „Повторно величествена ‒ Како да ја поправиме нашата осакатена Америка” од г. Трамп, што предизвика голем интерес во светот со неговите конкретни планови и идеи за САД, е една од најчитаните книги што се продава во милионски тиражи и, само по неколку месеци од нејзиното издавање во САД, веќе е достапна и на нашиот пазар преведена на македонски јазик.

АРС СТУДИО, основанo во 2000 година, ги има ексклузивните права за издавање на книгата „Повторно величествена ‒ Како да ја поправиме нашата осакатена Америка” на македонски јазик, која можете да ја купитеединствено во нивната штанд-книжарница во Скопје Сити Мол, 2 кат.

Во штанд-книжарницата на издавачката куќа АРС СТУДИО можете да најдете и најнови изданија на македонски јазик на литературни дела од врвни наградувани автори и стручна литература од областите филозофија, историја и психологија.

Ексминистерот Никола Тодоров и дедото на Тамара од Велес утре повторно на суд

Во кривичниот суд утре продолжува судењето за Љупчо Стојановски, дедото на малата Тамара од Велес, кој е обвинет за обид за убиство на ексминистерот Никола Тодоров. На утрешното рочиште, треба да бидат приложени нови психијатриски вештачења, откако претходно адвокатката на обвинетиот побара судот да ги издвои вештачењата за нејзиниот клиент, бидејќи на вештаците им биле истечени лиценците во моментот кога го опсервирале обвинетиот. Судечкиот совет со кој претседава судијката Лаличиќ им го прифати барањето и одлучи на следната расправа да биде изготвено ново вештачење што ќе го направи ЈЗУ „Психијатриска болница – Скопје“.

Од вештачењето треба да се утврди дали обвинетиот бил пресметлив кога го извршувал кривичното дело, дали е свесен за последиците и дали има одредени психички нарушувања. Токму поради тоа обвинетиот на минатото судско рочиште не можеше да се произнесе дали е виновен или не. Претседателот на судот, Иван Џолев, претходно не дозволи судијката од бомбите, Софија Лаличиќ, да биде изземена од постапување по предметот, како што побара адвокатката Павлина Зефиќ.

Стојановски на 1 јуни 2017 година пукаше во поранешниот министер за здравство, Никола Тодоров. Дедото на Тамара е обвинет за две кривични дела – обид за убиство и недозволено изработување, држење и тргување со оружје или распрскувачки материи. Судот му определи притвор на Стојановски поради постоење опасност од бегство и опасност од повторување на истото кривично дело, a мерката му е продолжувана неколкупати досега.

Го запознале преку интернет, ги повикал кај него дома и двете малолетнички ги силувал една по една

Два малолетнички биле силувани во Мала Речица, а случајот во полиција го пријавила мајката на едната малолетничка, информираа од МВР.

Според полицијата, синоќа во 01,30 часот во ПСОН-Тетово, малолетничка од Тетово во присуство на нејзината мајка во придружба на Дежурен јавен обвинител, психолог при Центарот за социјални работи на Тетово и адвокат, пријавила дека на 18.01.2018 година околу 15,00 часот заедно со нејзината другарка, исто така, малолетна разговарале со непознато машко лице преку програмата „Азар“. Притоа непознатото лицето ги повикало да одат кај него дома, по што истите со такси возило отишле на договореното место односно во наслебата Мала Речица каде се сретнале со лицето и се упатиле пеш до главниот пат за с.Речица.

Според полицискиот билтен, за кратко време стигнале во неговата куќа, влегле во една од собите на катот каде непознатото лице по кусо време ја соблекло едната малолетничка и имал одредени полови дејствија кон неа, спротивно на нејзината волја, а подоцна го повторил истото и со другата малолетничка. Околу 18,00 часот истиот ден ги однел на кафе во кафетерија во близина на неговата куќа, по што повторно се вратиле во неговата куќа од каде што, искористувајќи згодна прилика, двете малолетнички побегнале и од неговиот мобилен телефон повикале такси возило со кое заминале во своите домови.

Тетовската полиција презема мерки за пронаоѓање на пријавеното лице и работи на целосно расчистување на случајот.

ФОТО: Премиерот Заев на Водици скокна во Охридското езеро?!

Фотографија на која премиерот Заев плива денска со наслов „И премиерот Заев на Водици скокна во Охридското езеро“ ја споделија некои медиуми во Македонија.

Истата се споделува и по социјалните мрежи, во неколку верзии.

Спека, станува збор за фотографија на Заев од Август 2016 година, која не е снимена во Охридското Езеро.

Популарно