Препораки од лекарите за заштита при екстремно ниски температури

Граѓаните да не излегуваат надвор доколку немаат неопходна потреба, да конзумираат топли напитоци и храна што ја одржува температурата на телото, да избегнуваат алкохол и соодветно да се облекуваат, препорачува Комисијата за оперативно спроведување на активностите од Акцискиот план за заштита на здравјето на населението од студено време.

Во случај на екстремно ниски температури за заштита на здравјето на населението, се препорачува избегнување физичка активност на отворено, користење топла, повеќеслојна облека и соодветни обувки за снег и мраз како и внимателно одење.

Се препорачува граѓаните што е можно повеќе да бидат активни и да се движат во затворени простории, да го проверат греењето во домот и доколку се во можност да помогнат на членовите на семејството, соседите или пријателите кои спаѓаат во ризичните групи на население.

Ранливите групи на население, како старите лица се препорачува да се облекуваат потопло, бебињата почесто да се проверуваат дали се загреани, срцево болните да избегнуваат тешки вежби и редовно да земаат лекарства, бидејќи се изложени на зголемен ризик од можни здравствени последици при студено време.

Доколку граѓаните забележат лице од ризик од студено време како бездомник или деца на улица, истото да го пријават на бесплатниот телефон 15 505.

Службите за медицина на труд имаат обврска да обезбедат соодветни информации на работодавачите и работниците кои работат во услови на ниска температура за постоечкиот ризик како и примена на соодветни мерки за справување со ризикот од ниски температури.

За работодавците се препорачува да воспостават план на делување при работа во услови на студ и ниски температури, да се запознаат работниците со опасностите на кои се изложени при работа на отворено и со мерки кои треба да се превземат со цел за заштита на живот и здравје на работниците, во екстремно студени услови, да се обезбедат кратки прекини во работата во топли засолништа и да се организира работата во најтоплиот дел од денот како и да се скратат периодите на работа надвор.

На работниците им се препорачува да се запознаат со знаците и симптомите на заболувањата и повредите предизвикани од студ, да користат слоевита, комотна и топла облека за студено, влажно и ветровито време, со капи, соодветни обувки, ракавици и да консумираат поголеми количества топли, засладени напитоци и да избегнуваат пијалоци со кофеин и алкохол.

Цисти на јајчници

Најголем дел од жените ќе се сретнат со некој вид цистична промена на јајчникот во одреден период од својот живот, без да почувствуваат одредени симптоми. Најчести се функционалните цисти, кои се создаваат како последица на нарушување на нормалните циклични промени во јајчниците и во овулацијата. Настануваат доколку нормалните фоликули не успеат да прснат во текот на овулацијата, при што течноста останува и фоликулот продолжува да расте, со што настанува перзистентна фоликуларна циста. Според д-р Бобан Сарџовски, гинеколог акушер во Клиничката болница „Аџибадем Систина“, тие вообичаено исчезнуваат без никаков третман за неколку недели до неколку месеци.

Најчесто цистите не даваат никакви симптоми и се откриваат при рутински ултразвучен преглед, но кај оние што имаат симптоми, во зависност од нив, може да се одреди за каков тип промена станува збор.

Други видови цисти

Ендометриотични или чоколадни цисти – ендометриозата на јајчниците значи постоење на ендометриум во са­миот јајчник (дел од матката кој циклично се менува во тек на еден менструален циклус) и во тек на мензис крвави во самиот јајчник. Со тек на време добива темноцрвена (кафеава) боја и затоа овие цисти се нарекуваат и чоколадни. Жените што имаат ендометриоза може да имаат проблем со забременување, хронични болки во долниот дел од стомакот поврзани со менструалниот циклус, како и болки при сексуален однос.

Дермоидни цисти - претставуваат едни од најчестите тумори што се ја­вуваат кај помлади пациентки и содржат ткива од други делови на телото, на пример коска, коса, ’рскавица во цистичната структура на јајчникот.

Неопластични цисти на јајчниците - израснуваат од несоодветен, прекумерен и неконтролиран раст на клетките на јајчникот. Малигните неоплазми може да се формираат од сите типови клетки на јајчникот, но најчести се од површниот епител. Понекогаш може промената на јајчникот да е последица и на метастаза од тумор кој потекнува од друг орган.

Полицистичен синдром на јајчни­кот - ова е едно од најчестите хормонал­ни нарушувања кај жената. Дијагнозата се поставува при ултразвучна детекција на јајчник, обично е поголем од нормалниот, со многу мали фоликули, повеќе од 12 на јајчник. Кај овие жени освен присуството на цистите, присутни се и хормонални нарушувања, нередовни менструални крвавења, знаци на зголемена продукција на андрогени хормони (појава на акни, масна кожа, зголемена влакнавост), отсуство на овулации, неплодност, дијабетес.

Симптоми и дијагноза

Циклична болка поврзана со менструацијата обично нѐ насочува на ендометриоза. Остра и силна болка, која се јавува одеднаш, укажува на прскање на цистата или на нејзино извртување. Ако постојат поголеми цистични формации, може да се појават и симптоми од околните органи на кои притиска цистата и да се појават проблеми со мокрењето доколку цистата притиска на мочниот меур, но и проблеми со празнењето на цревата доколку цистата притиска на дебелото црево. Во понатамошните иследувања се вклучуваат: туморски маркери, компјутерска томографија, магнетна резонанција и тест за бременост, доколку постои сомневање за бременост надвор од матката.

Третман

Конзервативен - бидејќи функционалните цисти се најчести, не претставуваат закана за здравјето на пациентката и вообичаено самите исчезнуваат, па третман на овие цисти ретко кога е потребен. Потребно е нивно ултразвучно следење и евентуално хормонска терапија за да се регулира менструалниот циклус и да се превенира формирањето перзистентни фоликуларни цисти.

Оперативен - во Клиничката болница „Аџибадем Систина“ постои најсовремена лапароскопски минимално инванзивна опрема со која без класичен рез на стомакот, односно преку неколку отвори од 5 до 10 мм на стомакот на пациентката се влегува во стомачната празнина со камера и директно се ви­зуализираат органите. Во текот на овој преглед се прави процена на цистата, на јајчниците и на другите органи, по што со микрохируршки инструменти цистата се отстранува, а отстранетото ткиво потоа се анализира и се одредуваат видот на цистата, степенот на болеста и потребата од евентуален понатамошен третман. Доколку станува збор за големи малигни промени, се пристапува кон класичен оперативен пристап.

Ако закажувате снимање на магнетна во македонските болници, ова мора да го знаете!

Доколку имате потреба од снимање на магнетна резонанца во некоја од македонските болници, задолжително прашајте за колку килограми е наменета. Искуството на еден скопјанец покажува дека може да чекате со месеци и на крајот да не ја добиете неопходната дијагностика преку овој апарат. Имено, тој закажал снимање во една скопска болница. Чекал три месеци и кога с епојавил во собата за снимање, му рекле дека не може да му направат снимање бидејќи апаратот бил за 100 килограми а тој имал некој килограм повеќе. Во такви случаи, потребно е медицинското лице да го исвести пациентот уште кога закажува снимање, а не да чекаат со месеци и да остабат без услуга. Во некои од болниците има апарати за пациенти кои тежат до 120 килограми, а над таа тежина има апарат само во една приватна болница во државата.

Превземено од http://samozdravje.mk/

Внимавајте: Ако пушите од овие цигари, веднаш фрлете ги!

Многу пушачи се одлучуваат за лајт цигари мислејќи деја поради помалиот процент на катран, се поздрава варијанта. Меѓутоа, научниците тврдат дека лајт цигарите ги изложуваат пушачите на поголем ризик од добивање аденокарцином, а дошле до заклучок истражувајќи зошто значително се зголемил бројот на заболени од овој тип рак токму во последните 50 години.

Резултатите го потврдиле она во што се сомневале – постоела јасна врска меѓу порастот на пациенти со овој вид рак и зголемената потрошувачка на лајт цигарите.

Лајт цигарите кои имаат дупчиња на филтерот претставени се пред 50 години и агресивно беа рекламирани како поздрава опција.

„Тоа беше направено за да се измамат пушачите и да мислат дека се побезбедни кога пушат вакви цигари. Според нашите податоци има јасна врска меѓу овој вид рак и лајт цигарите. Она што е позагрижувачки, е дека тие дупчиња им се додаваат на сите цигари што се пушат денеска“, вели раководителот на прокетот д-р Питер Шилдс од Државниот универзитет во Охајо.

Овие дупчиња им дозволуваат на пушачите да вдишуваат повеќе чад кој содржи зголемени нивоа на хемикалии и токсини кои предизвикуваат рак.

„Оваа вентилација на филтерите го менува начинот на кој годи тутунот и затоа доаѓа до создавање повеќе канцерогени, кои потоа дозволуваат чадот да стигне подлабоко до одредени делови на белите дробови, каде што најчесто се формира аденокарциномот“, објаснува д-р Шилдс.

Популарно