Препораки од лекарите за заштита при екстремно ниски температури

Граѓаните да не излегуваат надвор доколку немаат неопходна потреба, да конзумираат топли напитоци и храна што ја одржува температурата на телото, да избегнуваат алкохол и соодветно да се облекуваат, препорачува Комисијата за оперативно спроведување на активностите од Акцискиот план за заштита на здравјето на населението од студено време.

Во случај на екстремно ниски температури за заштита на здравјето на населението, се препорачува избегнување физичка активност на отворено, користење топла, повеќеслојна облека и соодветни обувки за снег и мраз како и внимателно одење.

Се препорачува граѓаните што е можно повеќе да бидат активни и да се движат во затворени простории, да го проверат греењето во домот и доколку се во можност да помогнат на членовите на семејството, соседите или пријателите кои спаѓаат во ризичните групи на население.

Ранливите групи на население, како старите лица се препорачува да се облекуваат потопло, бебињата почесто да се проверуваат дали се загреани, срцево болните да избегнуваат тешки вежби и редовно да земаат лекарства, бидејќи се изложени на зголемен ризик од можни здравствени последици при студено време.

Доколку граѓаните забележат лице од ризик од студено време како бездомник или деца на улица, истото да го пријават на бесплатниот телефон 15 505.

Службите за медицина на труд имаат обврска да обезбедат соодветни информации на работодавачите и работниците кои работат во услови на ниска температура за постоечкиот ризик како и примена на соодветни мерки за справување со ризикот од ниски температури.

За работодавците се препорачува да воспостават план на делување при работа во услови на студ и ниски температури, да се запознаат работниците со опасностите на кои се изложени при работа на отворено и со мерки кои треба да се превземат со цел за заштита на живот и здравје на работниците, во екстремно студени услови, да се обезбедат кратки прекини во работата во топли засолништа и да се организира работата во најтоплиот дел од денот како и да се скратат периодите на работа надвор.

На работниците им се препорачува да се запознаат со знаците и симптомите на заболувањата и повредите предизвикани од студ, да користат слоевита, комотна и топла облека за студено, влажно и ветровито време, со капи, соодветни обувки, ракавици и да консумираат поголеми количества топли, засладени напитоци и да избегнуваат пијалоци со кофеин и алкохол.

Кои болести можете да ги префатите од бакнување?

Еве кои болести можат многу лесно да се пренесат преку бакнување од 10 секунди.

1. Респираторни вируси

Преку бакнеж може да се заразите од настинка, грип, заушки, сипаници. Сите болести што се пренесуваат со кашлање, кивање и допир можно е да се пренесат и преку бакнеж.

2. Мононуклеоза

Инфективната мононуклеоза се нарекува и „болест на бакнувањето“, а станува збор за заразна болест најчесто предизвикана од Епштајн-Баровиот вирус. Симптомите се слични на грип, а најчесто заболуваат млади на возраст меѓу 15 и 30 години.

3. Херпес Симплекс 1

Оралниот херпес што предизвикува болни гнојни ранички на усните и лицето се пренесува преку бакнеж, храна, кашлање и кивање.

4. Цитомегаловирус

Станува збор за вирус од семејството на херпеси со кои нашето тело успешно се бори, така што некои не ни знаат дека се заразени. Симптомите се чувствуваат најчесто кога имунитетот ни е ослабнат, а тоа се температура и болки во мускулите, додека во тешки случаи може да дојде и до напади, воспаление на бели дробови и проблеми со видот.

5. Стрептокока од групата А

Може да се лечи со антибиотици, а доколку не се лекува доведува до воспаление на белите дробови.

Луѓето кои имаат сало околу стомакот им фали еден витамин

Новата студија кој ја направи Универзитетот во Амстердам покажува дека дебелите луѓе на кои масните наслаги им се таложат околу половината имаат недостаток од витамин Д.

Резултатите од оваа студија беа презентирани на Европското здружение за ендокринолози на годинешната конференција во Барселона.

Маснотиите во црниот дроб се исто така поврзани со малата изложеност на сончева светлина, но само кај мажите, не и кај жените. Не е јасно дали недостатоткот на витамин Д допринесува за таложење на абдоменалните маснотии или дебелината го редуцира нивото на витаминот Д.

Од претходни студии е откриена важноста на овој витамин, кој како што велат научниците, помага да не се дебелееме и го чува срцето здраво, го поттикнува производството на азотна киселина која го регулира протокот на крв и која спречува нејзино згрутчување.

Шест митови за храната, во кои луѓето се уште веруваат..

Некои бизарни митови за храната се се уште актуелни и луѓето веруваат во нив. Овие шест митови се далеку од вистината:

1. Голтање на мастика

Ако сте проголтале мастика, немојте да паничите, вели специјалистот го гастро, Роџер Лидл. Многумина веруваат дека на проголтаната мастика и треба седум години да излезе од телото. Доктори од Универзитетот по медицина, велат дека тоа не е вистина.

„Нашиот систем е лесен – може да свари и мастика. Не постои одреден временски период за да се свари мастиката, бидејќи тоа зависи од личност до личност“, истакна докторката Лиса Гањх.

2. Храна по 20 часот

Постои мит дека ќе ослабете ако престанете да јадете после 20 часот. Доцната вечера е проблематична ако јадете голема количина на калорична храна. Оброците по 20 часот не се поврзани со губењето на килограмите, ако и остатокот од денот не внимавате што јадете или вежбате, судејќи по истражувањето на Обсити Ревјувс од 2012. година.

3. Јајцата се лоши

Според новите истражувања, нивото на холестерол во јајцата е значително помало од она како порано се мислело. Иако претерувањето може да донесе до зголемен холестерол, конзумацијата на четири јајца неделно нема да го зголеми ризикот од болести на срцето, пишува Фитнес.ком.

4. Морковот го подобрува видот

Да, морковот содржи А витамин кој е добар за видот, но тоа не значи дека ќе добиете супермоќ и ќе ги победите далековидноста или кратковидноста, пишува Индекс.

5. Правилото три секунди

Многумина луѓе веруваат дека храната која паднала на под и натаму е чиста ако ја изедат во рокот од три секунди. Ова едноставно не е вистина, ризикувате да се заразите со разни бактерии од подот, вели докторка Алиса Екерлеј за британски „Телеграф“.

6. Јаболките ги чистат забите

Во митот дека јаболката ги чисти забите има нешто вистинито, но немојте да се лажете дека е доволно да се изеде јаболко наместо да се измијат забите со четка и паста за заби или конец.

Популарно