Пресврт во случајот: Хостесата Милица го убила газда Дејан, па сакала да го намести рецепционерот

Угостителот Дејан Дејаниќ (51), сопственик на вилата ДНД во Нишка Бања, беше убиен утрото на 5. ноември, а српските медиуми тогаш јавија дека убиецот е рецепционерот Дејан Јовановиќ (42) кој исто така бил негов пријател.

Сепак, сега има пресврт во случајот со ова убиство, а истрагата покажала дека злосторството го направила Милица Димитриевиќ (27) од Ниш која го убила Дејанчиќ поради 100.000 евра и злато.

Таа во вилата работела како хостеса, а непосредно пред злочинот била видена со поранешното осудувано момче. Милица најверојатно прво го убила газдата Дејан Дејанчиќ (51), а потоа тешко го ранила рецепционерот Дејан Јовановиќ (41). На слушувањето во полицијата сето ова го негирала.

Сомнежот го префрлила на рецепционерот за кој рекла дека пукал во газдата.

– Од првиот момент не верувавме дека рецепционерот пукал во газдата. Дејанчиќ го имаше практично извлечено од кал, од некое село, во кое Јовановиќ живееше запуштено. Не постојат шанси тој тоа да го направил, му беше најверен другар, изјавил еден од поранешните работници во вилата.

Дејанчиќ со години живеел во Шведска со неговата жена, три деца и четири внуци. Извор навел дека Дејанчиќ кратко пред убиството добил повеќе од 100.000 евра и дека имал повеќе од 3 килограми злато, а за местото каде се наоѓале знаела Милица.

– Имаше интимни односи со Дејанчиќ. Во неговиот живот се појави во мај. Дејанчиќ ја сожали и застана во нејзина заштита од нејзиното поранешно момче кое ја малтретираше. Знам дека во еден момент и рече да ги остави ковертите таму каде што стојат парите, вели изворот.

По злочинот, Милица наводно е видена како боса истрчува од вилата.

ВИДЕО: Дива свиња нападнала маж во Нови Сад по што продолжила да разгледува излози

Необичен инцидент се случи во Нови Сад, кога дива свиња дошла до градот и нападнала маж кој што поминувал улица.

Преплашениот човек бегаше од животното кое што го бркаше и во неколку наврати го стигна. На крајот, човекот побега, а дивата свиња продолжи се до излозите на неколку локали.

Од видео-снимките од безбедносните камери се забележува дека свињата продолжила да ги разгледува излозите.

Анкета во Бугарија: Јазикот е ист, а Македонците настанале во 20 век!

Бугарите имаат позитивни ставови кон Македонија, а 51 отсто од нив сметаат дека Македонците се слични или исти со Бугарите, покажа последното истражување на бугарскиот Институт за политика, посветено на односите меѓу Бугарија и Македонија.

Како што пренесува бугарскиот портал „Днес“, на прашањето дали постои македонска нација, различна од бугарската, 72 отсто од испитаниците одговориле дека македонскиот народ бил основан во 20 век и е близок на бугарскиот.

Вкупно 64 отсто од анкетираните ја признаваат вредноста на заедничката историја, а 27 од испитаниците сметаат дека покрај тоа, историјата нема никаква врска со модерното време.

Во однос на јазикот, 91 процент од Бугарите тврдат дека јазикот што го зборуваме е ист или заеднички, а само 8 отсто сметаат дека бугарскиот и македонскиот јазик се различни јазици.

На прашање дали Бугарија треба да го поддржи влезот на Македонија во ЕУ, 87 отсто се изјасниле позитивно, а 80 отсто од испитаниците сметаат дека Бугарија е мост за Македонија на патот кон членството во ЕУ. Во истражувањето се наведува дека 87 отсто од испитаници стекнале нови знаења и го подобриле ставот кон Македонија во август годинава, по потпишувањето на Договорот за добрососедство.

Вкупно 85 отсто од испитаните Бугари сметаат дека минатото создало вештачка дистанца меѓу граѓаните на двете земји и дека двете земји и нивните граѓани имаат заедничка историја или периоди од нив. Анализата покажува дека 43 отсто од Бугарите го признаваат правото на Македонија да го идентификува својот јазик самостојно.

ХОРОР: Вака изгледа Грција по страшните поплави (ГАЛЕРИЈА)

16 загинати засега во поплавите кои ја погодиле Грција, откако пожарникарите пронашле тело на маж во подрумот на една куќа во Неа Перамос.

Спасувачките акции продолжиле, бидејќи уште неколку лица се водат како исчезнати, а метеоролозите најавуваат уште врнежи.

Поплавите направиле огромен неред на улиците во Атина, но и многу места на западниот брег.

Олујното невреме не ја заобиколило Атина ни денес, а довело и до привремен прекин на сообраќајот на една од главните авении во грчката престолнина.

Грчкиот премиер Алексис Ципрас, во четвртокот прогласил национална жалост.

“Ова се многу тешки моменти за Грција. Минуваме низ голема катастрофа”, рекол Ципрас во обраќањето до јавноста.

Многумина останале без покрив над главата, откако водената стихија поплавила два крајбрежни града, Неа Перамос и Мандра, западно од грчката престолнина, по обилните дождови кои паѓале цела ноќ во вторникот кон средата.

Некои жители биле принудени да се качат на крововите и балконите, додека поплавата носела многу автомобили, рушејќи ѕидови на куќи.

“Ова е библиска несреќа…Се исчезна”, рекла градоначалничката на Мандра, Јана Крикуку за телевизија ERT.

Популарно