Продолжуваат провокациите од Косово: Фамилиите на убиените терористи ќе ја тужеле Македонија?

Откако државата протекторат воопшто не презеде одгворност за терористичкиот напад во Куманово, фамилиите на косовските терористи што загинаа во Kуманово можеби ќе ја тужат Македонија поради „малтретирање на убиените“, пренесе албанската телевизија „Топ-ченел“, додавајќи дека тоа ќе биде направено по погребот на деветтемина Kосовци. Околу ова прашање, фамилиите на убиените се консултирале и со косовското министерство за надворешни работи и министерството за правда, кои ветиле советувачка помош за тужбата. Во косовските медиуми веќе неколку дена се шират шпекулации дека терористите биле убиени откако се предале. „Зери“ пишува дека следната недела косовското обвинителство можеби ќе почне истрага за смртта на Kосовците во Kуманово откако ќе биде изготвен извештајот од аутопсијата. 

kosovo_1

Во меѓувреме, по погребот на Бег Ризај, вчера во Приштина беа погребани и преостанатите осуммина терористи. Стотици Kосовци вчера им оддадоа почит на, како што наведуваат тамошните медиуми, ветераните на ОВK убиени во Kуманово. Церемонијата беше организирана од здруженијата излезени од војната на ОВK. Биле поканети претставници на сите косовски институции, но, како што пренесе „Kоха диторе“, ниту еден државник не се појавил да оддаде почит. Сепак, медиуми пишуваа дека се појавиле пратеници од неколку партии како Алијансата за иднината на Kосово (ААK), движењето Самоопределување и други. Телата на терористите вчера беа однесени во салата „Први октомври“ од страна на лица облечени во униформи на ОВK. Во салата имаше десет маси, од кои две празни, на нив имаше само цвеќиња, а пред нив две лица држеа фотографии од Ризај и од Нусрет Kаљоши, Албанецот од Македонија, кој исто така беше убиен при нападот на Kуманово. Kосовски „Зери“ пренесе и фотографија од околината на Приштина на која се гледа знаме на половина копје, откако претходно тоа беше направено и во Хани и Елезит (нам познат како Генерал Јанковиќ), на самата граница со Македонија.

Во Kосово се очекува и објавување на резултатите од аутопсијата извршена во Приштина. Директорот на Одделот за судска медицина на Kосово, Арсим Герџалиу, истакна дека тој не може да зборува за состојбата на телата, но дека самите фамилии ја виделе.

Во меѓувреме, се разви и дебата дали Kосово може да ги гони терористите од Kуманово. Имено, таму учеството на Kосовците во конфликти надвор од земјата се смета за илегално, а пратениците дури и одобрија закон, чија главна цел беше спречување на оние што одат во војна во Сирија и Ирак.

- Ако тие бидат екстрадирани во Kосово, мислам дека тој закон ќе се примени селективно или воопшто нема да се примени. Мислам дека ќе се употреби само кривичниот законик за да се казнат за поседување оружје без дозвола – истакнува аналитичарот Шпенд Kурсани.

Европската комисија одби да го осуди потегот на Kосово, држава што има аспирации да стане земја-членка на ЕУ и веќе има потпишано Договор за стабилизација и асоцијација со Унијата, за погребот со државни почести на терористите што учествуваа во нападот на Kуманово, јави МИА. Портпаролката на Еврокомисијата, Маја Kоцијанчич, одби директно да одговори на прашањето дали ЕУ ќе продолжи да молчи за тоа што Ризај беше закопан со почести и присуство на припадници на косовската власт, иако тој е дел од Албанската национална армија (АНА,) која е на црната листа на ЕУ и на САД како терористичка организација.

- Ние не остануваме тивки за оваа ситуација и ја знаете нашата позиција во однос на настаните во Kуманово, која беше многу јасна уште кога тие се случија - истакна Kоцијанчич.

Претходно, Еврокомисијата исто така одби да ја услови терористичката група што ја нападна Македонија како таква, ниту да образложи како браќата Kуаши што ги убија новинарите на магазинот „Шарли Ебдо“ во Париз од првиот ден беа прогласени за терористи, а терористичката група што ја нападна Македонија е само вооружена група.

Лидерите на вооружената група косовски Албанци, кои се судрија со полицијата во Kуманово, планирале и напади на затвор во близина на Подуево, во Kосово, со цел да ослободат опасни криминалци, јави српската телевизија РТС, повикувајќи се на приштинскиот весник „Kоха диторе“.

Според документи и информации на косовското разузнавање и полицијата, Бег Ризај и Мирсад Ндрецај, со група од 44 лица планирале да извршат напад врз строго обезбедуваниот затвор во близина на Подуево, со цел да ослободат двајца затвореници, обвинети за тешки злосторства, вклучително убиства.

Групата била следена од полицијата од 2013 година, а повеќе детали за планот се откриени по нивната последна средба со лица, осомничени за исламски екстремизам во Kосово.

Полицијата го прекина пребарувањето на теренот: „Јасно е дека Данка не е на ова подрачје“

Припадниците на српската полиција по 27 часа детално пребарување на теренот во потрага по двегодишната Данка Илиќ во приградската населба Бањско Поље и Брестовачка бања, ги прекинаа понатамошните претреси, со оглед дека сите досегашни резултати укажуваат дека девојчето не е на овој простор од околу 10 квадратни километри, пренесува српски Телеграф.

Полицијата продолжува со интензивна оперативна работа за утврдување на сите факти и околности поврзани со исчезнувањето на детето, за што јавноста ќе биде навремено информирана, соопшти полицијата.

Според неофицијални информации на порталот Нова.рс, српската полиција има индиции кои ја одвеле истрагата надвор од местото на исчезнувањето на девојчето, а кон тие траги се упатени полициските единици.

Уште се трага по исчезнатото 2-годишно девојче во Србија

Во Србија се уште е безуспешна потрагата по двегодишно девојче од Бањско поле крај Бор, Данка Илиќ, која вчера попладне изчезна крај својот дом, а денеска потрагата се прошири и преку контрола на патните правци од Бор кон Зајечар и други населени места, јави дописникот на МИА од Белград.

-Данка Илиќ, стара две години исчезна во 13 часот и 45 минути во населбата Бањско поле во град Бор. Девојчето исчезна на непристапен терен, обраснат со густа шума. Таа има кафена коса, кафени очи, висока е околу 85 сантиметри, во моментот на исчезнувањето носела виолетови панталони, маслинесто зелена јакна, црни патики и косата и е врзана во опавче. Доколку имате информации јавете се во полиција на 192, добија за прв пат СМС порака граѓаните на Србија преку системот „Пронајди ме“ и со прекинување на ТВ и радио програмите, прикажување на екраните на автопатите, аеродромите, железничките и автобуските станици.

Се прегледавме. Шумата ја пребаравме 15 пати. Само постои можност некој од страна да не дошол и го собрал детето. Од тоа најмногу се плашам, изјави комшија на фамилијата Илиќ, изразувајќи сомнеж дека детето е киднапирано.

Според медимите, двегодишното девојче е исчезнато на работ од приградската населаба Бањско поле, каде има густа шума. Полицијата почнала со претрага 15 минути по пријавувањето на исчезнувањето, а потоа, за еден час пристигнале 200 полицајци кои извршиле безуспешна претрага во шумата и околу домот на девојчето. Претпоставка е дека двегодишно дете неможе далеку да отиде од својот дом.

Сомнежите дека девојчето е киднапирано за откуп се отфрлени од полицијата, оти нејзините родители не се добро ситуирани.

-Комшијата кажа дека таа била сама пред мојата врата, но јас не ја видов. Вакво нешто досега не се случило. Ова е многу жално. Навистина велам, не дај Боже на некој вакво нешто да му се случи. Душата ме боли и ми доаѓа да умрам, изјави жителка на Бањско поле.

Потрагата по двегодишното девојче трае над 24 часа, а се проверуваат домаќинства и викендици, патиштата, полињата, густата шума. На терен е полицијата, пожарникари-спасувачи, Жандармеријата со кучиња трагачи, рударите од градот и бројни граѓани. Во потрагата по девојчето во која се вклучени околу 2.000 луѓе се користат и дронови со термо камери и хеликоптери. Се врши и строга контрола на сите возила на патните правци околу Бор.

Во Србија за прв пат е лансиран системот Пронајди ме! кој е наменета за итно известување на јавноста во случај на исчезнување на малолетно лице, со што ќе се овозможи брза дистрибуција на информации до сите граѓани преку субјектите надлежни за информирање на јавноста, кога полицијата ќе оцени дека објавувањето на оваа информација во јавноста би придонела за пронаоѓање на детето.

Активиран системот „Најди ме“ во Србија по исчезнувањето на двегодишно девојче во Бор

Двегодишното девојче Данка Илиќ денеска попладне исчезнало во околината на градот Бор во Источна Србија, по што во земјата по првпат е активиран системот „Најди ме“ (Amber Alert) со кој јавноста веднаш се известува за исчезнување на дете. 

Девојчето, како што се наведува во соопштението на системот, исчезнало во приградската населба Банско Поле во околината на Бор. Како што јави српскиот национален сервис (РТС), на терен се припадници на полицијата, пожарникари спасувачи, членови на доброволно противпожарно здружение и на планинарската служба за спасување. Се очекува од Ниш да пристигнат и припадници на Жандармеријата со кучиња трагачи.  

Во акцијата се вкучиле и граѓани на Бор, пријатели и членови на семејството на исчезнатото девојче. Во потрагата во која се користат и дронови со термокамери, според РТС, учествуваат околу 2 000 луѓе. Според српскиот национален сервис, девојчето исчезнало околу 13 часот на непристапен терен, обраснат со густа шума.

Системот „Најди ме“ или Ambert Alert, кој постои во повеќе земји, е наменет за итно известување на јавноста во случај на исчезнато дете. Тој овозможува брза дистрибуција на информации до сите граѓани, кога полицијата ќе оцени дека нивното објавување може да помогне за пронаоѓање на детето. Итното известување подразбира испраќање порака за исчезнувањето со сите релевантни информации, прекин на ТВ- и радиопрограми, испраќање СМС-пораки до сите граѓани, прикажување на информацијата на екрани на автопатиштата, аеродромите, железничките и автобуските станици.

Популарно