Промена на возните линии на ЈСП: Проверете дали автобусот којго користите сменил линија

Нови возни редови има на линиите „7“, „17“, „18а“, „21б“, „28“, „56“, „56а“, „65а“„15“, „15а“, „24“,„65в“, „11“, „11а“, „18“, „33“, „44“, „58“, „58а“, „58б“, како и „80а“, „163“ и „165“.

Повеќе линии на ЈСП претрпуваат одредени измени. Така, нови возни редови имаат линиите со броевите „7“, „17“, „18 а“, „21б“, „28“, „56“, „56а“, „65а“. Корекции на одредени термини на поаѓање ќе имаат и линиите со броевите „15“, „15а“, „24“,„65в“, „11“, „11а“, „18“, „33“, „44“, „58“, „58а“, „58б“, како и „80а“, „163“ и „165“. Овие измени се донесени со одлука што беше усвоена на последната седница на градскиот совет. Истовремено, согласно оваа одлука, пробната линија со број „28“ која сообраќа до Македонско село станува редовна линија.

Линијата број „13“ ќе ја промени крајната дестинација и наместо од Железара до игралиштето во Кисела Вода, сега ќе оди само до Кисела Вода. Измена има и линијата број „24“ која наместо Кисела Вода - Припор - Тафталиџе2, сега ќе оди од игралиштето во Припор до Тафталиџе2. И приградската линија „65в“ ја менува трасата и од Транспортен центар ќе оди до Стајковци, Инџиково, Црешево и патот за Брњарци.

„Одлуката која беше донесена од страна на Советот на Град Скопје, а се однесува на измените во превозот, официјално стапува во сила осмиот ден од објавувањето во ’Службен гласник на Град Скопје‘. За оваа одлука и за почетокот на нејзината примена патниците ќе бидат своевремено информирани и измените ќе можат да ги најдат посетувајќи ја веб-страницата на ЈСП. Корекциите на времето на поаѓање и пристигнување на одредени линии и нови возни редови се направени врз основа на барањата и потребите на граѓаните“, вели Билјана Јанкуловска, одговорна за информирање во ЈСП.

ФОТО: Еден работи, четворица гледаат - со ова темпо Партизанска ќе се реновира уште 3 години!

Секојдневни нервози на скопјани им создава гратскиот метеж, посебно со почетокот на реновирање на дел од најфрекфентиот булевар во градот, „Партизански одреди“. 

Судејќи според фотографијава, ваквите нервози нема набрзо да престанат.

Искршени автомобилите на Шилегов и неговата сопруга, „ауди А5“ и „ауди Q5“

Непознат сторител ги оштетил автомобилите на скопскиот градоначалник Петре Шилегов и на неговата сопруга, кои биле паркирани пред зграда на улица Хелсинки.

Од МВР информираат дека синоќа околу 23.10 часот, лицето Ш.Ј. (49) од Скопје пријавила дека во периодот од 17,00 до 22,00 часот на 18.04. на ул. “Хелсинки“, поточно во паркингот пред зграда од страна на непознат сторител, биле оштетени нејзиното патничко моторно возило марка “Ауди К-5“, со скопски регистарски таблички и патничкото возило “Ауди А5“ исто така со скопски регистарски таблички, сопственост на нејзиниот сопруг Ш.П.

Притоа, констатирано е дека на возилото на пријавителката извршено е оштетување на предното лево крило, предниот лев фар , предната и задната лева врата и задното крило, а кај второт возило оштетено е предното лево крило, предната лева врата, задниот лев штоп и задниот гепек. Оштетувањето сторителот го извршил со употреба на физичка сила и остар предмет и незабележан од некого напуштил лице место.

Со оштетувањето причинета е материјална штета која дополнително ке биде утврдена. Се работи на целосно расчистување на случајот.

Моделите на Ауди автомобили кои ги возат градоначалникот на Скопје и неговата сопруга може да ги погледнете подолу.

Популарно