Ристовски шкртнат од Червар - се враќа Миркуловски

Промени во машкат ракометна репрезентација. Селекторот Лино Червар, денес на прес конференција за новинарите го објави својот избор на ракометари кои ќе не претставуваат на претстојното Светско првенство во Франција.

Изненадувачки, голманот на Барселона, Борко Ристовски не се најде на поширокиот список, како ни "ветеранот" Ацо Јоновски. Своето место на списокот не го добија ни Даскалоски и Прибак.

Од друга страна пак, повикан беше "пензионираниот" Филип Миркуловски, кој го потврди враќањето во националниот дрес.

Која е причината за изоставувањето на нашиот "Министер за одбрана" Ристовски, најверојатно ќе дознаеме наскоро, иако Червар на пресот веќе изјави дека тоа не е поради негово лично убедување, туку поради “емотивна исрцпеност“ на голманот.

На ова свој коментар имаше и Ристовски, кој вели:

– Да бидам искрен познавајќи одредени личности ништо не ме изненадува. Сепак, ќе се водам од своите принципи со кои сум се водел отсекогаш и нема да коментирам ништо понатаму на оваа тема. Својата страна на приказната наречена „емотивна исцрпеност“ ќе ја кажам во некоја блиска иднина. Сепак јас сум личност, играч на Барселона и моето ниво не ми дозволува да водам приватни војни со никого, уште повеќе ако тоа штети на репрезентацијата. На селекторот, стручниот штаб, играчите и голманите без разлика кој и да биде на голот им посакувам многу среќа на СП и ја имаат мојата искрена поддршка за успех. Сепак, има нешто поголемо од лични суети кога се работи за репрезентација и држава..

Како и да е, се надеваме дека момците добро ќе се подготват за претстојното Светско првенство кое ќе се одржи од 11 до 29-ти јануари, 2017 година и дека ќе ни донесат бројни успеси.

На распоредот на натпревари во нашата група Ц, Македонија ќе одигра против Тунис, Ангола, Словенија, Шпанија и Исланд.

ЛЕГЕНДАТА ЗАМИНУВА ВО ПЕНЗИЈА - Тоти последен пат ќе го облече дресот на Рома

Тоти има 40 години, целата кариера ја помина во редовите на „Римската волчица“, а од неа ќе се прости против Џенова.

-Невозможно е со зборови да се опише што овие бои значат за мене и што засекогаш ќе значат. Љубовта која ја чувствувам кон клубот не пројде. Тоа е страст, моја страст. Толку е длабока што не можам да престанам да ја хранам. Никогаш. Во понеделник ќе бидам подготвен за нови предизвици, изјави Тоти.

Засега не е познато дали напуштањето на Рома ќе значи и крај на фудбалската кариера.

За првиот тим дебитираше во 1992. година, а во текот на минатите 25 сезони одигра 785 натпревари и постигна 307 голови.

Освои само една Серија А во 2001. година, а по два пати ги освои Купот и Суперкупот на Италија.

ФОТО: Што се случува кога шампионите ќе се сретнат на автопат?

Малиот Македонец Кристијан Воденски е мајстор е за текводно, кик-бокс, бразилско џиу-џицу, борење, но најголем шампион е во љубовта кон својата татковина.

Младиот македонски талентиран борач кој живее во Германија е доста активен на социјалните мрежи. Денеска тој постави фотографија со која запраша: „Погодете кој е тоа?“

Додека патувал на тренинг, младиот македонски шампион бил зачуден од глетката на еден германски автопат, односно камион со ликот на најдобриот македонски автомобилист, шампионот Игор Стефановски- Иџе.

Стефановски е најуспешниот македонски натпреварувач во автомобилски трки. Популарниот „летечки Македонец“ е двократен европски шампион на ридски патеки.

ТРАНСФЕР БОМБА: Кузмановски од Металург во Магдебург!

Големиот талент на македоснкиот ракомет, капитенот на Металург, Филип Кузмановски, ќе ги следи стапките на неговиот поранешен соиграч Филип Талески, и од сезоната 2018/2019 ќе игра во моментно најсилната ракометна лига во светот – Бундеслигата. Кузмановски треба да ги брани боите на некогашниот германски шампион Магдебург. Играчот на Металург на почетокот на годинава го продолжи договорот со Металург до 2020 година, но нема остане во тимот од Автокоманда до истекот на договорот.

Доколку се договори соодветно обештетување можно е трансферот да биде реализиран и порано од предвиденото, слично како што беше и во случајот на Талески кога Германците платија поголемо обештетување за да може тој половина сезона порано да замине.

Само пред неколку денови стигна и веста дека од Металург исписница добил и Марко Нелоски. Тој уште летово ќе бара нов клуб, иако и за него се шпекулира дека ќе оди на печалба. Иако вложи многу напри да ги собере талентираните млади ракометари, Металург не успева да ги задржи. Во февруари си замина и Талески кој потпиша за Рајн Некар, а клубот реши на позајмица во Еурофарм Работник да ги прати Горан Крстевски и Томислав Јагуриновски.

Левиот бек Кузмановски, кој е актуелен сениорски репрезентативец на Македонија имаше пех со повреда и го пропушти СП во Франција во јануари, но во финишот на сезоната, на клупски и на репрезентативен план игра во одлична форма. За него се заинтересирани неколку клубови, а да го ангажира сакаше и Вардар кој имаше разговори со Кумановски токму во време кога тој го продолжуваше договорот со тимот од Автокоманда.

Магдебург е поранешeн европски првак од сезоната 2001/2002, а последната титула во Бундес Лигата ја освоиво сезоната 2000/2001, додека лани беше победник во германскиот Куп. Во моментов на левата бековска позиција таму играат германскиот репрезентативец Фин Лемке и данскиот интернационалец Михаел Дамгард.

Кузмановски потекнува од школата на битолски Пелистер, a во 2015 година се пресели во Металург и стана сениорски репрезентативец. Тој исто така е член и на младинската репрезентација, со која го очекува настапот на СП во Алжир.

Популарно