Семејството на Шумахер очајно: Истрага поради фотографија од болниот Михаел во кревет

Обвинителството во Германија покрена истрага откако на медиумите наводно им беше понудена најновата фотографија на седумкратниот шампион на Формула 1 Миахаел Шумахер.

Како што навела РТЛ, фотографиите ги понудил непознат продавач за милион евра.

Обвинителството во Офенбург го истражува инцидентот како наводно нарушување на приватноста на Шумахер, бидејќи фотографијата наводно е снимена и прокриумчарена од неговата куќа во Швајцарија каде што закрепнува од тешките повреди на главата здобиени на скиењето на крајот на декември 2013 година.

Семејството на Шумахер не ги коментирало наводите.

Легендарниот возач на Формула 1 шест месеци бил во индуцирана кома, од која е разбуден во јуни 2014 година, а во септември истата година е пуштен на домашно лекување.

Официјалните информации за неговата здравствена состојба се ретки, а семејството во текот на минатиот викенд соопштило дека закрепнувањето ќе остане приватна работа и ја покренало иницијативата „Продолжи да се бориш“.

- Здравјето на Михаел не е јавно прашање и така ќе продолжиме да се однесуваме, без коментари. Правно и долгорочно гледано, секоја изјава поврзана за неговото здравје би влијаело на личната сфера. Свесни сме дека тоа некои можат тешко да го сфатат, но тоа го правиме според насоките на Михаел и само можеме да им заблагодариме на луѓето на разбирањето - навела менаџерката на Шумахер Сабине Кем.

„Михаел секогаш ја штитеше својата приватност, дури и во текот на најуспешните моменти во кариерата. Секогаш покажуваше дека постои јасна линија помеѓу него и јавната личност и приватното“, додала таа.

Михаел Шумахер (47) е најуспешниот возач во историјата на Формула 1 со 91 победа и седум шампионски титули.

(ФОТО) ОВА ГО МОЖЕ САМО ТОЈ: Роналдињо се ожени, но не со една жена!

Роналдињо се ожени со две жени истовремено, па сега го чека напорен, но и сладок брачен живот.

Тој прстен на раката им стави на Присли Коељо и Беатриз Соузи, а венчевката се одржа во тесниот круг на пријатели, додека веридбата во јануари ја криел од јавноста.

Триото ќе се смести во неговата вила во Рио, а и двете госпоѓи ќе имаат по 5000 долари на рапослагање за трошоци и забава додека Роналдињо е на пат, бидејќи тој, иако повеќе не игра фудбал има многу обврски за спонзорите и според зборовите на неговиот брат и менаерот Роберт Де Асис, го чекаат многу промотивни активности и хуманитарни натпревари по Мундијалот во Русија.

Дињо, чувај се. На некои од нас и една е премногу.

(ВИДЕО) После „Сан Сиро“ Пирло и дружината заминаа во дискотека, а таму беше УРНЕБЕСНО!

На 21 Мај„Сан Сиро“ Андреа Пирло го одигра својот проштален меч на кој присуствуваа големи фудбалски имиња и направија спектакл.

Меѓутоа, уште поспектакуларно беше по завршувањето на мечот, кога сите заедно заминаа да прослават во еден ноќен клуб во Милано.

Таму главна ѕвезда беше Џенаро Гатузо кој го зеде микрофонот и почна да пее навивачки песни, а потоа сите заедно го повикаа капитенот Малдини да се обрати во чест на Пирло…Погледнете.

Шкендија не сакала да ѝ пишува „шампион на Македонија“!

Новиот македонски фудбалски шампион, екипата на тетовска Шкендија направила голем инцидент во неделата при прославата на титулата на својот стадион по мечот со Пелистер.

И покрај тоа што е ред како и во сите случаи досега, фудбалерите да застанат зад сценографија на која пишува „победници на македонска Прва лига“, тетовци одбиле да го направат тоа, на луѓето од ФФМ не им дозволиле да ја постават сценографијата и решиле да си извадат своја на која пишува „Champions“, со логото на клубот и на нивниот спонзор, компанијата „Еколог“.

А, претходно во целата комуникација со ФФМ, луѓето од управата на Шкендија гарантирале дека нема да има никакви проблеми, дека сѐ ќе биде според договореното. Но, на денот на одигрувањето на последниот првенствен меч сезонава - репиле да пеат друга песна... 

Завчера на градскиот стадион во Тетово ништо не наликуваше дека се прогласува шампион на Македонија. На стадионот немаше ниту едно македонско знаме, на публиката ѝ беа делени илјадници албански знамиња, навивачите постојано скандираа националистички песни, навредуваа сѐ што е македонско. Дали случајно или не, и делегатот, кој треба да го нотира сето ова во записникот, и комесарот за безбедност пратен од ФФМ - беа етнички Албанци.

Дури и луѓето пратени од ФФМ за да им го предадат пехарот на фудбалерите на Шкендија за сосема заслужената титула, беа од ниските ешалони во куќата на фудбалот. Така, пехарот на Лазим Дестани, спонзорот на Шкендија, му го предадоа заменик-генералниот секретар на ФФМ, Енвер Сулејмани и членот на Управниот одбор, кој доаѓа од Липково - Саљим Абдиљи. Официјалниот спикер говореше само на албански јазик, така што ако имало некој на стадионот што не го разбира тој јазик - немало да има поим што се случува.

Ждрепката за квалификациите за Лигата на шампионите во Нион ќе се изврши во јуни, таму како претставник на Македонија ќе ја пишува Шкендија. Сакале или не тоа да го признаат тетовци, во натпреварувањата на УЕФА после името на клубот ќе ја пишува и државата од каде што доаѓа.

Sport1.mk

Популарно