СКРОМНО: Премиерот купи половен автомобил за 2.000 евра

Одличен маркетиншки потег на премирот.

Dejvid-Kameron2

Кога сопственик на компанија за продажба на половни возила од Оскфордшир примил телефонски повик од службата за обезбедувањето на британскиот премиер Дејвид Камерон, мислел дека неговите пријатели одлучиле да се пошегуваат со него.

– Се претставија и ми рекоа дека премиерот е заинтересиран да купи половен автомобил од мојот плац. Ме замолија во петок да останам половина час подолго на работа, за да може премиерот лично да дојде и да го прегледа возилото кое го интересирало – изјавил продавачот Леин Харис за британски „Гардијан“.

Иако бил во дилема дали станува збор за шега или не, Леин се согласил и почекал да види дали Дејвид Камерон навистина ќе се појави.

На негово изненадување, британскиот премиер навистина пристигнал во договореното време во придружба на обезбедувањето.

– Го разгледуваше автомобилот како било кој друг купувач кој не е премногу упатен во механиката, и одлучи да го земе. Претпоставувам дека огласот за автомобилот „Микра“ го видел на интернет и дека му се допаднала со оглед на тоа што станува збор за економичен мал автомобил со пет врати кој е направен во Британија – опишал Харис како изгледала посетата на британскиот премиер.

nissan_micra_5-door_k12c_2007-07_20101.jpg.media

Камерон потоа ветил дека ќе дојде следниот ден за да го плати автомобилот, а тоа и го направил.

– Не му дадов попуст, тој ја плати целата цена од 1.295 фунти (околу 2.000 евра), а не доби некој посебен третман. Разговорав со него како со било кој друг муштерија – објаснува Харис.

– Меѓутоа, да сакал да купи некој автомобил вреден 20.000 фунти тогаш би било друга приказна – изјавил Харис.

Тој тврди дека автомобилиот кој му го продал на премиерот бил во одлична состојба, иако поминал 150.000 километри, и дека Камерон го купил за својата сопруга Саманта.

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен.

Полицијата, исто така, соопшти дека некои од жртвите биле избодени, но не било употребено огнено оружје во нападот, пренесува CBN News Chicago.

Убиени се 15-годишно девојче, 63-годишна жена, 49-годишен маж и 22-годишен млад човек.

Шефот на полицијата во Рокфорд, Карла Ред, изјави дека загинале вкупно четири лица, додека еден од нив е тешко повреден. Четири лица се префрлени во болници, каде нивната состојба е стабилизирана.

Повиците до полицијата и итните служби дошле од повеќе страни додека нападот траел приближно 20 минути, а екипите набрзо биле на терен. Од полицијата истакнаа дека засега не е јасна причината за нападот.

Тинејџер во Германија ги заклал родителите и братот, од смрт ја поштедил сестра си

Деветнаесетгодишник со нож ги убил братот и родителите и тешко си ја повредил сестрата во Хохентенген на германско-швајцарската граница, соопшти државното правобранителство во сојузната покраина Баден-Виртемберг. 19-годишникот со нож ги убил родителите на возраст од 58 и 61 година, а потоа и 34-годишниот брат. Сестрата, чија возраст не е објавена, била повредена и со хеликоптер била пренесена во блиската болница. Таа наводно се здобила со сериозни убодни рани, но нејзиниот живот не е во опасност.

Инцидентот се случил вчера вечерта, соопштија од полицијата и од државното правобранителство. Осомничениот е уапсен. Според полициското соопштение, целото семејство живеело во куќата во која се случил масакрот. Убиецот има германско и италијанско државјанство. Мотивот за нападот се уште е нејасен.

Според информациите од државното правобранителство, 19-годишникот се товари за тројно убиство без умисла и обид за убиство, а во текот на денот треба да биде изведен пред судија кој треба да одреди мерка притвор.

Во истата област, пред два месеци, 32-годишен син ги убил своите родители, а на крајот и себеси

Ни трага, ни глас од 100 лица по масакрот од Москва

Деведесет и пет лица се уште се водат како исчезнати по минатонеделниот терористички напад во Москва, јавија денеска руските медиуми.

Официјалниот биланс на загинати во нападот во Crocus City Hall сега е 140 мртви и 182 ранети.

Порталот База, кој има добри врски со руските безбедносни служби, објави дека на списокот се појавиле уште 95 лица кои нивните семејства ги пријавиле за исчезнати.

Руските истражители велат дека акцијата ја извршиле четворица напаѓачи со калашникови. Пукањето започна непосредно пред рок групата „Пикник“ да настапи пред 6.200 гледачи.

Оттогаш руските социјални мрежи се преплавени со повици за помош во пронаоѓањето на исчезнатите.

Собрани во чат на Телеграм, пријателите и семејствата ги споделуваат имињата на луѓето кои сè уште се бараат и нудат поддршка еден на друг.

Популарно