Сончево претпладне и облачно попладне, но од утре...

Временска Прогноза

на 4.2015

Денеска е сабота, 18 април, 108-от ден во 2015 година. До крајот на годината остануваат уште 257 дена.

Денот трае 13 часа и 25 минути.

Сонцето во Скопје изгрева во пет часот и 51 минути, а заоѓа во 19 часот и 16 минути.

Месечината ќе изгрее во пет часот и 37 минути а ќе зајде во 19 часот и три минути.

Временска прогноза

Времето претпладне во Македонија ќе биде сончево со мала до умерена облачност, а попладне ќе има развој на локална нестабилност особено во северните делови со краткотраен пороен дожд, грмежи и засилен ветер.

Утринската температура ќе се движи од два до 10, а дневната од 21 до 28 степени.

Во Скопје претпладне ќе биде сончево со мала до умерена облачност и ќе дува слаб до умерен југозападен ветер. Попладне ќе има развој на нестабилна облачност со краткотраен дожд и грмежи.

Утринската температура ќе се спушти до осум, а дневната ќе се искачи до 25 степени.

Преку ноќта према недела ќе се спушта постуден воздух од север и ќе дува умерен повремено засилен северен ветер кој ќе предизвика нагло паѓање на температурата за околу седум до девет степени. Утринската температура ќе се движи од нула до осум, а дневната од 10 до 18 степени.

Во наредната недела ќе преовладува облачно и постудено време за овој период од годината со повремени локални врнежи од дожд.

За Божиќ вистинска радост за децата

Временска Прогноза

пред 4 месеци

Времето денеска ќе биде променливо облачно, по одделни котлини со услови за појава на утринска магла. Ќе дува умерен, а долж Повардарието повремено засилен ветер од југоисточен правец (над 60 км/час). Кон крајот на денот и во текот на ноќта ќе има локални врнежи од дожд. Минималната температура ќе биде во интервал од 0 до 6, а максималната ќе достигне од 9 до 14 степени.

Во Скопје променливо облачно со појава на утринска магла. Ќе дува умерен, повремено засилен ветер од југоисточен правец. Во текот на ноќта ќе има врнежи од дожд. Минималната температура ќе се спушти до 0, а максималната ќе достигне 11 степени.

Под влијание на циклонска активност до понеделник времето ќе биде претежно облачно со повремени врнежи од дожд кои наместа ќе бидат пообилни (над 20 л/м2).

Во недела во текот на денот поради спуштање на студена воздушна маса врнежите од дожд ќе преминуваат во снег и во повисоките места, особено во западните делови.

Од понеделник ќе дува умерен до засилен ветер од северен правец што ќе предизвика значително заладување во текот на следната седмица.

Во кои делови од Македонија е најстудено, а каде има најмногу снег?

Временска Прогноза

пред 4 месеци

Најстудено со измерени -3 степени целзиусови утрово е во Скопје-Петровец и Берово, снежната покривка во Маврови Анови е 30 сантиметри, соопштија од УХМР.

Во Струмица и Демир Капија се измерени -2 степени, -1 Скопје-Зајчев Рид и Гевгелија, нула во Штип, Куманово, Велес, Кавадарци, 1 степен во Крива Паланка, 3 Прилеп, Дебар, Маврови Анови, Лазарополе и Попова Шапка, 4 Битола, Дојран, Виница, 5 Тетово, Крушево, 6 Претор и 7 степени во Охрид.

Висината на снежната покривка во 7 часот е 12 сантиметри во Крушево и 10 на Попова Шапка.

Времето во текот на ноќта и утрово, како што соопштија од УХМР, е малку до умерено облачно. Во западните делови дувало слаб до умерен ветер од западен и југозападен правец и таму температурата утрово е повисока. Во останатите делови е постудено, а во некои котлини во Повардарието има магла.

Времето денеска во најголем дел од земјава ќе биде сончево и релативно топло со мала облачност. По котлините, особено долж Повардарието постудено со појава на магла, која попладне ќе слабее. Во западните делови ќе дува слаб до умерен западен, а во југоисточните слаб северен ветер. Максималната температура ќе достигне од 8 до 17 степени.

Во Скопје ќе биде магливо и тивко, попладне видливоста ќе се зголеми. Максималната температура ќе достигне 9 степени.

Издаден портокалов аларм во Македонија

Временска Прогноза

пред 5 месеци

Според најновите информации на УХМР, претпладне променливо облачно и студено, понекаде и особено во источните делови ќе провејува слаб снег.

Од пладневните часови во поголемиот дел од земјата ќе биде сончево со мала до умерена облачност.

Ќе дува умерен, а вдолж Повардарието и во источните делови силен ветер од северозападен правец (над 70 км/час).

Во Скопје претпладне променливо облачно, студено и ветровито, а попладне со сончеви периоди. Ќе дува умерен до засилен ветер од северозападен правец, особено изразен на повисоко и во источните делови од регионот, велат од УХМР.