Сорос во отворена војна со Трамп

Милијардерот Џорџ Сорос, прв човек на фондацијатра „Отворено општество“  отворено започна војна против новоизбраниот претседател на САД, Доналд Трамп.

Демократијата е во криза. Дури и САД која е водечка демократија во светот, избра аматер кој ќе биде диктаторски претседател, напиша Џорџ Сорос за Project Syndicate, пренесува The Hill.

-Иако Трамп ја смири својата реторика откако беше избран за претседател, но сепак не го промени своето однесување и советници, вели Сорос, алудирајќи и тврдејќи дека неговиот кабинет е полн со екстремисти и генерали во пензија.

Сорос тврди дека САД нема да му дозволи на Трамп да биде авторитарен лидер, па додава дека неговото претседателствување ќе ја закочи каузата за слобода низ светот.

-Уверен сум дека демократијата ќе се покаже како еластична во САД. Уставот и институциите и новинарите, се доволно силни да се спротивстави на екцесите на извршната власт, со што ќе спречат човек кој има предиспозиции за диктатор, да стане токму тоа. Сепак САД ќе бидат преокупирани со внатрешни борби во блиска иднина, а таргетираните малцинства ќе страдаат. САД ќе биде немоќна да обезбеди и промовира демократија дома и во останатиот свет, тврди Сорос.

Џорџ Сорос во своето излагање, предвидува дека Трамп ќе се смири со странските диктатори , жртвувајќи ги американските принципи на сметка на успех на неговата администрација.

-Наспроти тоа, Трамп ќе покаже големи афинитети кон диктаторите. Тоа ќе овозомжи некои од нив да најдат „пријател и дом“ во САД, а други да продолжат со диктатурата без некој да им се меша, вели Сорос.

Само минатиот месец, Сорос вети дека ќе оддели 10 милиони долари за борба против криминалот, кој го поврза со „жестоката реторика“ на Трамп, пишува The Hill.

За потсетување, голем број на НВО се организираат за да одржат масовни, а некои очекуваат и насилни протести на денот на инагурацијата на Доналд Трамп за претседател која ќе се одржи на 20 јануари. И претходно, по победата на Трамп, беа организирани протести по повод изборот на Трамп за претседател

(ВИДЕО) Двајца Афроамериканци беа уапсени само зашто седнале и ништо не нарачале

Компанијата Старбакс планира да организира обука против расни предрасуди за дури 175.000 свои вработени, по инцидентот во Филаделфија, каде двајца Афроамериканци беа уапсени само зашто седнале и ништо не нарачале.

Кога вработена во угостителскиот објект ги прашала гостите што ќе нарачаат, тие рекле дека прво ќе го почекаат пријателот што треба да дојде. Тогаш менаџерот на кафулето повикал полиција со образложение дека „двајцата мажи одбиваат да нарачат или да си одат“.

Видео снимката која ја направија посетители на кафулето ја шокираше јавноста во САД.

Старбакс се извини по инцидентот, а двајцата Афроамериканците набргу беа ослободени од страна на полицијата.

Настанот предизвика бројни протести во кафулето во Филаделфија и повици за бојкот на Старбакс. Поради тоа, компанијата наредниот месец на неколку часа ќе затвора 8.000 свои локали во САД, и ќе организира обука против расизам за вработените. 

(ВИДЕО) Страшна исповед на патник во американскиот авион: Жената до половината висеше надвор...

Патниците кои што го преживеаа летот на авионот на американската авиокомпанија "Southwest Airlines" на кого му експлодираше моторот за време на летот, го опишаа хоророт низ кој што поминале.

Откако моторот на авионот кој што летал од Њујорк до Далас експлодирал, шрапнели го оштетиле трупот и искршиле еден од прозорците. Една жена која што седела веднаш до прозорот била сериозно повредена од експлозијата, а за малку и ќе излетала од авионот.

Половина од нејзиното тело веќе било надвор од авионот, по што патниците реагирале, ја грабнале и ја повлекле назад во авионот. Како што раскажуваат некои патници за американските медиуми, сцените биле страшни, а крв имало насекаде.

„После експлозијата авионот започна нагло да паѓа, некои започнаа да паничат, беше прилично морничаво“, изјави Тимоти Бурман за американските медиуми.

„Одредено време бевме надвор од контрола, а пилотот се мачеше да го исконтролира авионот. Сите мислевме дека паѓаме. Сопругата и јас мислевме дека ќе умреме. Навистина сме благодарни што го преживеавме тоа“, изјави Бурман.

„Стујардесите започнаа да трчаат, настана хаос. Сите се насочија кон дупката каде што беше авионот. Не знаевме што да направиме, дали да ставиме нешто врз дупката или не. Мирисаше на чад“, раскажува тој.

Како што авионот се приближувал кон пистата, стујардесите соопштиле дека патниците треба да се подготват за удар. За среќа, пилотите успешно го приземјиле авионот на пистата.

„Десетина минути бевме без еден мотор. Од 2500 на 1500 метри се спуштивме прилично брзо, но после тоа беше полесно. Пилотите и екипажот одлично ја завршија работата“, изјавил еден од патниците.

Во авионот кој што летал на редовна линија од Њујорк до Далас имало околу 150 патници и членови на екипажот. Во несреќата загинала Џенифер Риорден која што иако била спасена од тоа да излета од авионот, сепак им подлегнала на повредите, а потешко биле повредени 12, а полесно 7 лица.

Популарно