Тажна вест: Почина познат македонски писател

По кратко боледување вчера вечер почина писателот Мето Јовановски.

Тој почина во кругот на семејството на 88 годишна возраст.

Мето Јовановски беше припадник на повоената генерација македонски писатели кои меѓу првите пишуваа на македонски јазик и го создаваа и ширеа македонскиот јазик.

Тој беше раскажувач и романсиер, како и прв претседател на Хелсиншкиот комитет за човекови прав.

Во кариерата долга 6 децении, Јовановски објавил 30-на книжевни дела: збирки песни, раскази, романи, песни за деца, од кои особено расказите се објавувани на повеќе светски јазици.

Негови најпознати дела се романите „Писмо до саканата“, „Балканска книга на умрените или Ослободување преку зборување“, „Хајка на пеперутки“, „Слана во цутот на бадемите“, „Земја и тегоба“, збирките раскази „Јадреш“, „Мени на мојата месечина“, „Крстопат кон спокојот“, „Љубовта на Грифонот“, книгите за деца „Љуман Арамијата“ и „Војвода над војводите“.

Мето Јовановски ќе биде погребан в недела во неговото родно Брајчино.

Во понеделник во 13 часот ќе се одржи комеморација во ГЕМ клубот во Скопје.

ВИДЕО: Потона Мис Стоун, нафтата се излеа во Охридското езеро

Огромна нафтена дамка ја прекри водата во каналот Студенчишта, пишува порталот Охрид 1.

Мирис на нафта се шири од излеаната нафта во каналот Студенчишта која го прекри речиси целиот канал во неговиот горен дел кон Билјанини Извори, и распрснати парчиња од дамката веќе стигнаа до устието на каналот Студенчишта каде тој се спојува со Охридско Езеро.

Нафтата според рибарите истекла од бродчето „Мис Стоун“ кое до половина потонато утрово го забележале во каналот.

Рибарите ( кои и покрај тоа што каналот е прекриен со нафта )  велат дека вчера се било во ред, и дека најверојатно еколошкиот инцидент со излеаната нафта и тонењето на бродчето настанал во текот на ноќта.

Низ каналот Студенчишта во Охридско Езеро се слева  вода од изворите „Бејбунар“ ( кои имаат вода, од „Билјанини Извори“ ( во моментов немаат вода ) и од изворите на „Хидробиолошки Институт“ ( кои имаат вода )

До објавувањето на веста не беше известена ни една институција, ни полиција ( пред која нафтата течеше бидејќи тука е лоцирана езерската полиција ), „Хидробиолошки Институт“ ни „Капетанија на пристаништа“.

Јоци: Ниту одев по улици за ова, ниту имам намера да ве гласам пак

Поранешната новинарка, која беше дел од „шарената раволуција“, Јорданка Ивановска - Јоци, многу брзо се разочара од новата власт на централно и локално ниво. Своето незадоволство го изрази преку статус на ФБ.

ВИДЕО од синоќешната акција на МВР и УЈП во Тетово

Министерството за внатрешни работи објави видео снимка од вчерашната контрола што ја изврши во ноќните клубови во Тетово.

Полициските екипи заедно со инспектори на Управата за јавни приходи синоќа проверуваа угостителски објекти во повеќе градови, меѓу кои и во Прилеп, Битола, Тетово, Гостивар и во Велес.

Минатата недела имаше акција во Скопје, во која беа затворени 13 локали.

Детали за синоќешната акција се очекуваат по прес конференцијата на МВР, која ќе се одржи денеска во 13:30 часот.

Популарно