Тодор Гечевски заминува во кошаркарските легенди!

По повод 70 години од формирањето на кошаркарскиот клуб Работнички, утре во петок на 30-ти септември, на теренот на Спортскиот комплекс ВИП Арена Борис Трајковски славеникот ќе го пречека турскиот Фенербахче на нашиот Перо Антиќ.

Овој натпревар ќе биде запаметен и по тоа што ќе биде последен и проштален за еден од најдобрите македонски кошаркари на сите времиња, нашиот Тодор Гечевски, кој после дваесет успешни години на Европските кошаркарски терени ќе ја заврши својата плодна кариера во Македонија на теренот на неговиот последен клуб КК Работнички.

gecevskioprostajna

Нашиот Тоше, својата кариера ја започна во далечната 1995 година во К.К.Тиквеш од Кавадарци, за потоа да продолжи, во македонските клубови за Николферт, Работнички и МЗТ Скопје. Најуспешен период му беше во трофејниот К.К.Задар, Хрватска, а исто така имаше успешен настап и во екипите на Хаген, ПАОК и Ер Авелино.

Неговиот кошаркарски пат беше одбележан и со многубројните натпревари во дресот на македонската репрезентација, за која секогаш пружеше пожртвувана и бескомпромисна борба под кошевите, а засекогаш ќе остане пример и за многу генерации за тоа како се бранат боите на својата земја.

gecevski

Со неа доживеа бројни успеси и многу емотивни моменти, меѓу кои е и големото четврто место на Европското првенство во Литванија, кога нашите кошаркари остварија историски успех.

tumblrmslg93xl1w1qi3oaxo41280

(ВИДЕО) После „Сан Сиро“ Пирло и дружината заминаа во дискотека, а таму беше УРНЕБЕСНО!

На 21 Мај„Сан Сиро“ Андреа Пирло го одигра својот проштален меч на кој присуствуваа големи фудбалски имиња и направија спектакл.

Меѓутоа, уште поспектакуларно беше по завршувањето на мечот, кога сите заедно заминаа да прослават во еден ноќен клуб во Милано.

Таму главна ѕвезда беше Џенаро Гатузо кој го зеде микрофонот и почна да пее навивачки песни, а потоа сите заедно го повикаа капитенот Малдини да се обрати во чест на Пирло…Погледнете.

Шкендија не сакала да ѝ пишува „шампион на Македонија“!

Новиот македонски фудбалски шампион, екипата на тетовска Шкендија направила голем инцидент во неделата при прославата на титулата на својот стадион по мечот со Пелистер.

И покрај тоа што е ред како и во сите случаи досега, фудбалерите да застанат зад сценографија на која пишува „победници на македонска Прва лига“, тетовци одбиле да го направат тоа, на луѓето од ФФМ не им дозволиле да ја постават сценографијата и решиле да си извадат своја на која пишува „Champions“, со логото на клубот и на нивниот спонзор, компанијата „Еколог“.

А, претходно во целата комуникација со ФФМ, луѓето од управата на Шкендија гарантирале дека нема да има никакви проблеми, дека сѐ ќе биде според договореното. Но, на денот на одигрувањето на последниот првенствен меч сезонава - репиле да пеат друга песна... 

Завчера на градскиот стадион во Тетово ништо не наликуваше дека се прогласува шампион на Македонија. На стадионот немаше ниту едно македонско знаме, на публиката ѝ беа делени илјадници албански знамиња, навивачите постојано скандираа националистички песни, навредуваа сѐ што е македонско. Дали случајно или не, и делегатот, кој треба да го нотира сето ова во записникот, и комесарот за безбедност пратен од ФФМ - беа етнички Албанци.

Дури и луѓето пратени од ФФМ за да им го предадат пехарот на фудбалерите на Шкендија за сосема заслужената титула, беа од ниските ешалони во куќата на фудбалот. Така, пехарот на Лазим Дестани, спонзорот на Шкендија, му го предадоа заменик-генералниот секретар на ФФМ, Енвер Сулејмани и членот на Управниот одбор, кој доаѓа од Липково - Саљим Абдиљи. Официјалниот спикер говореше само на албански јазик, така што ако имало некој на стадионот што не го разбира тој јазик - немало да има поим што се случува.

Ждрепката за квалификациите за Лигата на шампионите во Нион ќе се изврши во јуни, таму како претставник на Македонија ќе ја пишува Шкендија. Сакале или не тоа да го признаат тетовци, во натпреварувањата на УЕФА после името на клубот ќе ја пишува и државата од каде што доаѓа.

Sport1.mk

Шумахер се разбудил од кома и ја препознал сопругата

Легендата на Формула 1. Михаил Шумахер се разбудил од кома, по кобната несреќа која се случи на 29. декември, потврди семејството, пренесоа медиумите.

Неговото семејство се заблагодари за поддршката и молитвите на сите.

Тој ја познал неговата сопруга кога се разбудил од кома по несреќата која ја доживеа за време на скијањето на француските Алпи.

Популарно