Циститис: Сè што треба да знаете за инфекцијата на мочниот меур

Инфекциите на уринарниот тракт се чест здравствен проблем, особено кај женската популација. Според истражувањата, една од пет возрасни жени во текот на животот ќе се соочи со ова заболување.

Во зависност од тоа кој дел од уринарниот тракт е зафатен, разликуваме дистална ИУТ (инфекција на мочен меур и уретра) и проксимална ИУТ (инфекција на бубрег). Инфекцијата на мочниот меур се нарекува циститис. Мочниот меур е дел од уринарниот систем, кој има за цел да ја сторнира урината. Циститис се јавува доколку истовремено настане микробна колонизација на урината и ткивна инвазија.

ШТО ГО ПРЕДИЗВИКУВА ЦИСТИТИСОТ?

Најчести предизвикувачи на циститис се бактериите, но инфекцијата може да се должи и на инвазија со микобактерии, габички, паразити и поретко вируси. Убедливо, со застапеност од 85% од случаите на бактериски циститис, најчест причинител е Escherichia coli. Останатиот дел од бактериските циститиси се предизвикани од Proteus, Klebsiella, Staphylococcus saprophyticus, Enterobacter, Streptococcus spp. и др.

Кај габичниот циститис, Candida e најчест причинител. Инфекцијата се јавува при компромитиран имун систем или нетретирана нефролитијаза (камен во бубрег) со рекурентни инфекции.

Циститисот може да се јави како резултат на радијација, консумирање на одредени медикаменти (хемотерапија), во склоп на други заболувања, при користење на хемиски продукти како спермицидни препарати, купки итн.

СИМПТОМИ И ЗНАЦИ НА ЦИСТИТИС

Главните симптоми и знаци за циститис се:

-Често мокрење;

-Мокрење мали количества урина;

-Дизурија (болно/отежнато мокрење);

-Чувство на недоизмокреност;

-Инконтиненција;

-Лош мирис на урина;

-Матна урина;

-Ноктурија (ноќно мокрење);

-Чувство на тежина во долниот дел од абдоменот;

-Хематурија (крв во урина) кај околу 30% од случаите.

Доколку инфекцијата не се третира, клиничката слика може да прогредира и дополнително да се јави силна болка во слабината, треска, температура и повраќање. Тоа укажува на фактот дека инфекцијата се проширила и ги зафатила горните партии на уринарниот тракт – бубрезите.

КОИ СЕ РИЗИК ФАКТОРИ?

Инфекциите на уринарниот тракт, вклучувајќи го и циститисот, почесто се јавуваат кај женскиот пол. Главната причина за тоа се смета дека е анатомијата на женските урогенитални органи. Уретрата (цевчест орган преку кој урината излегува од мочниот меур) кај жената е кратка, а нејзиниот отвор е во близина на анусот. Ваквата анатомска градба и поставеност овозможува лесно преминување на бактериите од колонот кон мочниот меур.

Главни ризик фактори за појава на циститис кај жени

Бременост. Притисокот од зголемувањето на матката врз структурите од уринарниот тракт, го зголемува ризикот за појава на инфекција на мочниот меур.

Постменопауза. Постменопаузалните жени имаат зголемен ризик за појава на циститис, поради промените кои настануваат во оваа животна доба како: уринарна инконтиненција, сувост на вагината, уринарна ретенција и пролапс на генитални органи.

Контрацепција. Со поставување на одредени средства за контрацепција во женските генитални органи како дијафрагма, се зголемува ризикот за појава на циститис.

Сексуална активност. Честата промена на партнери и зголемената сексуална активност се поврзуваат со појава на инфекција на мочниот меур.

Главни ризик фактори за појава на циститис кај жени и мажи

Поставување на катетер. Уринарните катетери се цевчести структури, кои се употребуваат во случај кога нема можност природно да се уринира. Со поставувањето на катетер, се овозможува транспорт на бактериите директно од надворешноста во мочниот меур.

Нарушување на имуниот систем. Одредени состојби како ХИВ, дијабетес, малигни заболувања влијаат врз имуниот систем, со што се зголемува ризикот за појава на инфекции, вклучувајќи го и циститисот.

Нарушување на протокот на урина. Опструкција на уринарните патишта предизвикана од бубрежни камења или кај мажите од зголемена простата, може да го зголеми ризикот за уринарна инфекција.

Анатомски аномалии на уринарниот тракт. Анатомските аномалии како везико-уретерален рефлукс, често се поврзуваат со појава на циститис.

ДИЈАГНОЗА

За да се докаже инфекција на уринарниот тракт, потребно е да се земе примерок од урина и да се направи биохемиско испитување на урината и уринокултура.

Со цел да не се добијат лажно позитивни резултати и да се избегне контаминација од екстрауринарни извори, од исклучителна важност е правилното собирање на примерокот.

КАКО ПРАВИЛНО ДА ЗЕМЕТЕ ПРИМЕРОК ОД УРИНА?

Најдобро е примерокот да се земе наутро, по станување при полн мочен меур (прва утринска урина). Следете ги следните чекори:

-Земете стерилна чаша.

-Темелно измијте ги рацете.

-Темелно измијте ја урогениталната област. Кај жени, потребно е добро да се измие вагината и уретрата, а после тоа гениталната област да се избрише со потези од напред кон назад (од вагината кон анусот). На тој начин се спречува контаминација на вагината со бактерии кои нормално се наоѓаат во анусот. Кај мажи, потребно е да се вовлече кожинката и добро да се измие главата на пенисот.

-Отворете ја стерилната чаша, без да ја допирате внатрешната површина.

-Започнете со процесот на уринирање во WC-шолјата. При мокрењето, жените треба да ги држат срамните усни одвоени.

-После првиот млаз (првите неколку секунди од процесот на мокрење), уринирајте во стерилната чаша без притоа да стопирате со мокрењето. Потребни се околу 60 мл урина.

-Завршете со уринирањето во WC-шолјата.

-Затворете ја стерилната чаша.

-Повторно измијте ги рацете.

Во одредени случаи за поставување на дијагноза, потребни се и други испитувања како цистоскопија, нативна графија на уротрактот и интравенозна урографија.

ЛЕКУВАЊЕ

Кај бактерискиот циститис потребен е антибиотски третман и тоа најчесто Sulfamethoxazole/Trimethoprim, Ampicillin, Amoxicillin, Ciprofloxacin, Ofloxacin и др. Покрај медикаментозниот третман, се препорачува внес на течности најмалку 2 литри на ден, за да се мокри на секои 2-3 часа.

Чоколадна диета: Изгубете 5 кг. за 5 дена!

Творец на диетата, Лени Неиман тврди дека причината е во тоа што црното чоколадо го забрзува метаболизмот, а со оглед дека диетата е рестриктивна не би требало да се држи подолго од пет дена.

Во текот на „чоколадната“ диета треба да се избегнува алкохолен пијалок, сол, шеќер, масно овошје како авокадо и кокос. Потоа висококалорично овошје како на пример: грозје, смокви, банани...

Пржената храна, млечни производи, црвено месо, јаткасти плодови и семки, чипс, брза храна, слатки, кафе и газирани пијалоци исто така да се исфрлат.

За да можете со оваа диета да ги изгубите очекуваните пет килограми неопходно е да бидете физички активни. Затоа освен редовните активности, вклучете три пати дневно брзо одење во траење од најмалку половина час.

Мени:

Појадок: Пуканки и овошје

Ужина: 20 г црно чоколадо

Ручек: тестенина со салата од зеленчук

Ужина; 20 г. црно чоколадо

Вечера: шпагети со домати зачинети со лук и оригано и зеленчук готвен на пареа.

Напомена: Во текот на денот пијте што е можно повеќе вода и така ќе го забрзате метаболизмот и ќе го поттикнете исфрлањето на токсини.

Млад скопјанец плати 300.000 евра за трансплатација на срце

Според д-р Жан Митрев, сопственик на специјалната болница "Филип Втори", во земјава има други пациенти кои одат во странство за трансплантација, а може да се направи во "Филип Втори" доколку се отстрани административната забрана која не им овозможува да се реализира оваа интервенција во нивната болница. Митрев уште пред 20 години направил трансплантација на срце во болница во Германија

Едно 19-годишно момче деновиве замина во странство за да му се направи итна трансплантација на срце. За да му се спаси животот државата за оваа интервенција ќе одвои од 250.000 до 300.000 евра. Но ова момче не е изолиран случај во земјава, вакви проблеми имаат многу пациенти во земјава, од мали деца до постари лица.

Според д-р Жан Митрев, сопственик на специјалната болница "Филип Втори:, во земјава има и други пациенти кои одат во странство за трансплантација на разни органи и лекување. Тој појаснува дека кај младите луѓе може да се случи многу лесно да настанат компликации кај срцето, дури и од една обична настинка и да дојде до тежок миокардит, воспаление на мускулот на срцето и еден млад човек што бил здрав во рок од неколку дена да стане многу тешко болен и да му биде неопходна итна транплантација.

-Сите овие операции, ако нема административни пречки, можат да се реализираат во нашата болница. Ние сме опремени со вештачко срце и помагаме на пациенти што се во многу тешка ситуација. Тие може со денови, па и месеци на бидат поставени на оваа машина за да можат да дочекаат органот да им се трансплантира - вели д-р Митрев, кој деновиве одбележува 20 години од неговата прва трансплантација на срце што ја направил во Германија на 36-годишна возраст и до сега извршил 15.000 операции на срце.

Тој посочи дека заедно со неговиот тим можат да направам трансплантацијата и во Македонија, но за жал денес постојат се уште административни пречки и не може тоа да се реализира, за што државата троши многу пари и пациентите заминуваат во странство.

-Не можеме долго време да добиеме дозвола за трансплантација на органи и ткива, а тоа е решение на многу пациенти од Македонија и регионот кои се соочуваат со многу сериозен животен проблем. Моја желба е да правам трансплантација во Македонија како што тоа го направив пред 20 години во Германија - нагласи д-р Митрев.

Тој појасни дека слична операција е направена во нивната болница и кај наши пациенти, но се работи за замена, односно реконструкција на самото срце на пациентот кое во меѓувреме е лекувано, а пациентот бил ставен на вештачко срце. Процедурата е иста, само што му се враќа неговото срце, а не од донор.

Трансплантација од жив донор нема, а досега се направени три вакви операции кога сопственото срце е трансплантирано.

-На еден наш вработен срцето на неговата мајка беше трансплантирано со автотрансплантација. Во 2000-та година кога го потпишавме првиот договор со Фондот ни беше дозволено трансплантација на срце и бели дробови, но за да се почне со тоа ни требаше да се добие дозвола и од Министерството за здравство. Не добивме дозвола бидејќи ни рекоа дека нема соодветна регулатива - објасни Митрев и дополни дека се работи за дозвола што ќе им овозможи тоа да го прават успешно и во Македонија.

-За овие 17 години, колку што сме тука, се уште не е донесена таква регулатива - вели Митрев и укажува дека етичките, религиозните и културолошките фактори влијаат на тоа и затоа не е лесно да се организира, оти е потребна поддршка од повеќе страни.

Уште пред 20 години во Македонија се вршеше транплантација на бубрези и тоа одлично функционираше.

-Модерните времиња дозволуваат да не се чека на трансплантација на црн дроб од донор, се почесто се прави од жив донор од компатибилен донор, односно да се земе дел од јетрата, бидејќи овој орган може да се регенерира и зголемува и потоа да се пресади на пациент - вели Митрев и дополнува дека во земјава се почесто има потреба и од трансплатација на бубрези.

Постојано ве чеша вашиот задник? - Постојат неколку причини за тоа и ужасни се!

Сигурно сите ве има чешано задникот досега, а не сте ја знаеле вистинската причина за тоа и постојано сте чепкале со раката таму назад, но чешањето сепак не престанувало.

Не зборуваме за она чешање од нехигиена, туку за чешање настанато од медицински причини, а тоа се следните.

Херпес

Ако местото на чешање е црвено, со мали плускавици најверојатно се работи за херпес.

Габична инфекција

Ако местото на чешање е црвено, со мали плускавици и се лушпи тогаш се работи за габична инфекција.

Фоликулитис

Ако местото на чешање е црвено, со потемна нијанса и испакнатини, тогаш најверојатно се работи за Фоликулитис кој настанува од наталожување на мртвите клетки на слузницата околу анусот.

Псоријаза

Ако местото на чешање е црвено, лушпесто и напукнува, тогаш се работи за псоријаза.

Егзема

Егземата ќе ја препознаете доколку местото на чешање е влажно, се разронува и има мали плускавици и испакнатици.

Хемороиди

Хемороидите настануваат од премногу седење и ќе ги препознаете по иритантно чешање околу анусот.

Без разлика која од овие причини ја препознавте кај себе, треба да имате во предвид дека истите не се сериозни, но сепак треба да посетите дерматолог и да ги третирате со специјални масти.

Доколку не забележувате ниту една од овие кај вас, а сепак ве чеша задникот постојано, тогаш обратете се кај вашиот сапун.

Популарно