Урко е новиот претседател на кик боксинг федерацијата

На вонредната седница на Кик Боксинг федерација на Македонија за нов претседател беше избран Дејан Митровски – Урко. За него гласаа сите членовите на вчерашното собрание.

urko-so-reprezentcaijata

Воедно, на собранието беше избран и нов Извршен одбор и нов Надзорен одбор на КБФМ.

По завршувањето на собранието, се одржа седница на новиот Извршен одбор на Кик боксинг федерацијата на Македонија и на истата седница за нов Генерален секретар на федерацијата е избран, Драган Атанасовски.

Новоизбраните челници на КБФМ, дуото Митровски и Атанасовски се активни членови пред, за време на формирањето и по формирањето на КБФМ, најпрво како натпреварувачи, а потоа како тренери на спортски клубови и репрезентација.

По именувањето, претседателот им се заблагодари на членовите на собранието за укажаната доверба.

– Го сакам кик боксот, ќе работам чесно и достојно во согласност со Статутот на КБФМ за доброто на кик боксот и за негово издигнување на уште повисоко ниво. Веќе работиме на подобрување на меѓу клупските и меѓу тренерските односи, за сите заедно да дадеме свој придонес кон зајакнување на колективот помеѓу клубовите во федерацијата, кој ќе вроди со продуцирање на поквалитетни натпреварувачи и постигнување на уште поголеми резултати како на домашни така и на меѓународни првенства, изјави Митровски.

Јавно им се обраќам на сите кик бокс клубови, тренери, натпреварувачи и спортски работници дека вратите на Кик бокс федерацијата се отворени за сите оние кои вистински сакаат да бидат дел од неа. Во следниов период акцентот ќе го поставиме на вториот дел од Европското сениорско WAKO првенство кое ќе се одржи во Лутраки, Грција; со што ќе го завршиме овогодинешниот натпреварувачки календар. По завршувањето на натпреварувачката сезона за 2016 година ќе направиме анализа на досегашните збиднувања и резултати со која ќе ги отстраниме досегашните негативности и ќе вметнеме новини со цел подобрување на целокупната состојба, додаде новиот претседател на Кик Боксинг федерацијата на Македонија.

(ВИДЕО) УЕФА ги премина сите граници: Романтичниот бакнеж на Меси казнет со 60 илјади евра

Европската фудбалска федерација (УЕФА) го казни Олимпијакос со 60.000 евра.

Причината за ова е еден од навивачите на тимот на Пиреа кој го прегрна и го бакнa Меси во близина на корнер знаменцето.

Во финишот друг фан на Олимпијакос му се доближи на Меси и сакаше да направи селфи со него, а сметка за тоа УЕФА му ја достави на грчкиот клуб.

Казната за „црвено-белите“ е и за недозволени скандирања и користење ласери.

Олимпијакос и Барселона играа на 31 октомври во Атина, мечот заврши 0:0.

(ФОТО ГАЛЕРИЈА) НЕУСПЕШЕН ШАРМЕР: Фудбалската ѕвезда избркана отакако праќал непримерни пораки на атрактивна сопруга на соиграч

Ако помине, помине, но не помина. Колумбискиот репрезентативец праќаше непристојни пораки на сопругата на соиграчот, овој веднаш го пријави, а челниците на клубот порачаа: Е, сега пакувај ги куферите!

Тео Гутиерез сигурно заминува од колумбискиот тим Атлетико Жуниор.

Тоа само по себе можеби и не е вест, ако се знае дека трансферите во модерниот фудбал се секојдневна работа.

Оние кои малку подобро следат фудбал знаат кој е Теофило Гутиерез, но човекот не заминува од Атлетико затоа што не давал доволно голови, туку затоа што пробувал да постигнува голови надвор од теренот и тоа на гостински терен, кај сопругата на соиграч.

-Погледни што ми прати твојот соиграл, кажала Гладис Ортега, атрактивната сопруга на Парагваецот Роберто Овелар, кој со Гутиерез игра во ист клуб.

Пораките биле се само пристојни не, пренесуваат колумбиските медиуми, а Овелар во истиот момент отишол во клубот и се им раскажал не челниците, кои го повикале Тео на разговор.

На разговорот било одлучено, во следниот трансфер период, Тео да ги пакува куфери и среќата да си ја побара на друго место.

Инаку, Теофило Гутиерез е голема ѕвезда на колумбискиот фудбал, тој на Светското првенство му го зема местото во првиот на Џексон Мартинез, кој тогаш беше во брилијантна форма и беше на мета на сите големи европски клубови.

(ВИДЕО) Мајсторија за која долго ќе се зборува: Ова е кандидат за гол на сезоната!

Веќе се навикнавме наградата за најубав гол на сезоната да оди во рацете на најголемото и најпознато фудбалско име, но не мора баш секогаш да биде така.

Кандидатура за овогодинешната награда истакна Даниел Дубидад, фудбалер на Алверчурч, клуб кој настапува во осмата фудбалска лига.

Нема потреба од зборови, само погледнете го голот!

Популарно