ВИДЕО: Дачиќ удри по Македонците – бевме будали што ја признавме Македонија под уставното име

Српскиот министер за надворешни работи Ивица Дачиќ во интервју за агенцијата Бета, покажа дека Србија од сега ќе зазема антисоседски став.

Имено тој најави дека Србија ќе игра конструктивна улога во решавање на проблемите во регионот, но дека би можела да гласа против интересите на соседните земји кои не ја поддржале Србија во најважните прашања, како што се признавањето на Косово или неговото членство во УНЕСКО.

Тој вели дека не станува збор за освета туку за реципроцитет, бидејќи тој како министер за надворешни работи нема да дозволи никој да ја понижува неговата земја.

Во интервјуто тој се осврнува и на признавањето на Македонија под уставното име, односно смета дека Србија згрешила што ја признала Македонија под уставно име, затоа што оваа земја го признала Косово.

„Србија направи голема грешка. Цела Европа и светот го користат називот Поранешна Југословенска Република Македонија, а ние на нашите браќа Грци им удривме шлаканица и сега очекуваме од Грците да не го признаат Косово, а Македонија ја признавме навредувајќи ги Грците, а тие (Македонците) секогаш гласаат за Косово. Морам да кажам дека сме будали. Ете, ќе употребам недипломатски израз“ - вели Дачиќ.

Исто така изјави дека од сега Белград во билатералните односи со Скопје ќе го употебува уставното име на земјата, но дека мултилатерално ќе го користи името кое се употребува во Европска унија и во Обединетите нации – БЈРМ.

Целосното интервју можете да го погледнете тука.

ОВА СЕЕ СТРАВ: Зошто Република Српска се вооружува?

Полицијата на Република Српска ќе набави 2.500 автоматски пушки од Србија. 

Тие наводно ќе се користат за антитерористички операции, а пратката треба да биде испорачана во март.

Оружјето на ентитетот на босанските Срби, чиј претседател Милорад Додик одамна се заканува со отцепување од Босна и Херцеговина, ќе пристигне неколку дена пред отворањето на контроверзниот антитерористички центар во кој обуката ќе ја водат руски советници, пишува британски Гардијан.

Властите на Република Српска наведуваат дека нивната полиција тренира со американски, а не со руски сили. Но,во соопштението од Бања Лука не се наведува дали во иднина безбедносните сили ќе соработуваат со Русите во обуката.

Како што пишува британскиот весник, Дејтонскиот договор ја заврши војната, но во исто време создаде систем на власт кој ја наградува националистичката политика. За очајната состојба во БиХ најдобро сведочи фактот што таа ја има официјално највисоката стапка на невработеност на младите во светот.

Албански професор историчар: Скендербег е Словен и се борел за одбрана на христијанството

Познатиот албански професор, историчар и поранешен шеф на албанската дипломатија,Паскал Миљо тврди дека Скедербег бил Славјанин(Словен) и оти семејството било српско.

Гостувајќи во телевизиска емисија посветена на 550-годишнината од смртта на Скендербег, Миљо додаде дека мајката на Скендербег е Славјанка и оти тој се родил како православен.

– Мајката на Скендербег била Славјанка.Зошто тоа треба да не иритира? Вистина е дека тој се родил како православен. Нашите поранешни претци, Скендербег, Арбр, немале исторски расправии,како што имало во подоцнежните векови,ги женеле своите деца едни со други, изјави Миљо.

Посочи дека имињата на децата на Ѓон Кастриот биле словенски.

– Сакале или не треба да прифатиме дека не е случајно имињата да се словенски. Нашата јавност треба да знае дека Скендербег самиот рекол дека е воин за заштита на христијанството.Ова не го велиме ние туку тоа го кажале исторчари пред многу векови, додава Миљо.

Професор доктор Миљо порачува до „Католиците и неуките националисти" дека не треба да се мачат од овие факти.

– Нивниот херој многу повеќе и припаѓа на другите, зашто не војувал за Албанија и за Косово,туку за крстот и словенските провинции, констатира тој.

Еве ја и лозата на Кастриоти

Грчките спасувачи не ја потврдуваат трагедијата на Кајмакчалан - ВИДЕО од грчките медиуми

Две лица кои се изгубиле вчера попладне на падините на планината Кајмакчалан од грчка страна според извештаите на повеќето грчки медиуми, утрово се пронајдени мртви. Сепак, од грчката против пожарна бригада потврда за трагедијата нема. 

Грчката телевизија „Алфа" објави дека двајца планинари биле пронајдени мртви, информација која беше објавена и на други локални медиуми, но спасувачката служба се уште не ги потврдува трагичните вести.

-Двајцата планинари од Скопје, еден маж и една жена на возраст од околу 30 години, отишле на Кајмакчалан со пријателите. Властите биле алармирани вчера во 14:30 часот, кога започнала истрагата по исчезнатите планинари. Веднаш е даден сигнал на надлежните и специјално обучени спасувачи почнале да ја „чешлаат" областа за пронаоѓање на двете лица, објавија грчките медиуми.

Според Алфа, околу 20 часот синоќа, спасувачите успеале да разговараат со планинарите, но сепак не можеле да стигнат до критичната точка, бидејќи во тоа време преовладувале екстремни временски услови.

-Денеска рано наутро, двете лица се пронајдени починати паднати во клисура, објавија грчките медиуми. 

Противпожарната бригада не ја потврдува трагедијата. Трагичниот настан до сега не е потврден од страна на Противпожарната бригада. Според нивната Канцеларија, направени се процедури за да се пристапи и извлечат двајцата исчезнати, без притоа да се прецизира дали тие се починати.

Популарно