(ВИДЕО) Калифорнија ја чека катастрофа на деценијата: Небеска река им се заканува да ги поплави!

Најголемата дожделива бура во последните десет години ќе се случи во текот на викендот во Калифорнија и со големи поплави кои таа американска сојузна држава ја погодуваат од почетокот на зимата би можела да претставува пресвртница после шест години рекордна суша.

Метеоролошките служби предупредија дека вистинска „атмосферска река“ ќе се урне врз нивната држава на американскиот запад. Се очекуваат 36 часа неприкинати дождови и снежни врнежи во „Голден Стејт“ каде небото во изминатите шест години било немилосрдно суво.

„Бура на деценијата? Да, се работи токму за тоа“, рекол Анди Морин, хидролог на Националната метеоролошка служба.

Жителите на Калифорнија кои веќе две години имаат рестрикција во потрошувачката на вода се подготвуваат сега за „потоп“ и соочување со високи водостои, клизишта, рушења на стебла и лавини.

Посебно се загрозени подрачјата кои ги зафатиле пожари во последните години, каде вегетацијата исчезнала па има гола земја. Локалните и сојузните власти мора да ги надгледуваат браните на неколку водени текови, поставуваат вреќи со песок за одбрана од поплави и ги евакуираат опасните зони.

Се очекува голем застој во сообраќајот и делумно затворање на автопатиштата.„Атмосферската река“ ќе го зафати и Орегон, северно од Калифорнија и делумно Невада.

Декември веќе бил изразито влажен, а водите во планините на северна Калифорнија, клучни за снабдевање со вода на целата држава, достигнале дури 30-годишен рекорд.

„Поплавите надминуваат историски просек, на пат сме на рекордна година ако дождот и снегот продолжат вака да паѓаат“, истакнува Даг Карлсон, портпарол на калифорниското одделение за водените извори.

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен.

Полицијата, исто така, соопшти дека некои од жртвите биле избодени, но не било употребено огнено оружје во нападот, пренесува CBN News Chicago.

Убиени се 15-годишно девојче, 63-годишна жена, 49-годишен маж и 22-годишен млад човек.

Шефот на полицијата во Рокфорд, Карла Ред, изјави дека загинале вкупно четири лица, додека еден од нив е тешко повреден. Четири лица се префрлени во болници, каде нивната состојба е стабилизирана.

Повиците до полицијата и итните служби дошле од повеќе страни додека нападот траел приближно 20 минути, а екипите набрзо биле на терен. Од полицијата истакнаа дека засега не е јасна причината за нападот.

Тинејџер во Германија ги заклал родителите и братот, од смрт ја поштедил сестра си

Деветнаесетгодишник со нож ги убил братот и родителите и тешко си ја повредил сестрата во Хохентенген на германско-швајцарската граница, соопшти државното правобранителство во сојузната покраина Баден-Виртемберг. 19-годишникот со нож ги убил родителите на возраст од 58 и 61 година, а потоа и 34-годишниот брат. Сестрата, чија возраст не е објавена, била повредена и со хеликоптер била пренесена во блиската болница. Таа наводно се здобила со сериозни убодни рани, но нејзиниот живот не е во опасност.

Инцидентот се случил вчера вечерта, соопштија од полицијата и од државното правобранителство. Осомничениот е уапсен. Според полициското соопштение, целото семејство живеело во куќата во која се случил масакрот. Убиецот има германско и италијанско државјанство. Мотивот за нападот се уште е нејасен.

Според информациите од државното правобранителство, 19-годишникот се товари за тројно убиство без умисла и обид за убиство, а во текот на денот треба да биде изведен пред судија кој треба да одреди мерка притвор.

Во истата област, пред два месеци, 32-годишен син ги убил своите родители, а на крајот и себеси

Ни трага, ни глас од 100 лица по масакрот од Москва

Деведесет и пет лица се уште се водат како исчезнати по минатонеделниот терористички напад во Москва, јавија денеска руските медиуми.

Официјалниот биланс на загинати во нападот во Crocus City Hall сега е 140 мртви и 182 ранети.

Порталот База, кој има добри врски со руските безбедносни служби, објави дека на списокот се појавиле уште 95 лица кои нивните семејства ги пријавиле за исчезнати.

Руските истражители велат дека акцијата ја извршиле четворица напаѓачи со калашникови. Пукањето започна непосредно пред рок групата „Пикник“ да настапи пред 6.200 гледачи.

Оттогаш руските социјални мрежи се преплавени со повици за помош во пронаоѓањето на исчезнатите.

Собрани во чат на Телеграм, пријателите и семејствата ги споделуваат имињата на луѓето кои сè уште се бараат и нудат поддршка еден на друг.

Популарно