(ВИДЕО) Милиони верници газат едни преку други за да го бакнат Црниот Исус

Повеќе од 1.200 луѓе во Манила се здобиле со повреди или им е пружена помош поради висок притисок и вртоглавица.

Милиони босоноги верници учествувале во најголемата верска прослава на Филипините, каде мнозинството се католици, за да ѝ оддадат почит на прастарата статуа од Исус Христос, за која веруваат дека е чудесна.

Илјадници полицајци и војници ја обезбедуваат свеченоста со статуата од Црниот Назареќанец во центарот на Манила, при која верниците минуваат повеќе од 6 километри.

Во 2016. година свеченоста траела 20 часа, но организаторите се надеваат дека оваа година ќе биде пократка. Поради загриженоста дека исламските бунтовници би можеле да ја нападнат прославата, властите ги смириле верниците велејќи дека безбедносните сили ги преземале сите чекори за да спречат можни инциденти. Се верува дека древната статуа од Исус во Манила од Мексико ја довеле шпански мисионери во 1606. година.

Бродот на кој се наоѓала статуата го зафатил пожар, но статуата малку изгорела и го добила името Црниот Назареќанец.

ХАГ пресуди: Ратко Младиќ нема да излезе од затвор!

Судот одлучил дека Ратко Младиќ не е виновен за геноцид во шест општини во источна Босна, кој не бил утврден по првата точка. Но, виновен е за геноцидот во Сребреница и за ред други злосторства: прогонство како злосторство против човештвото, истребување како злосторство против човештвото, убиство, убиство како кршење на законите и обичаите при војување, принудна депортација, нехумани дела при принудно преместување, тероризирање, противправни напади на цивили и земање на заложници. 

Претседателот на расправното собрание на судењето на Младиќ, Алфонс Орие, во еден момент при читањето на образложението наредил поранешниот командант на Војската на РС да се отстрани од судницата бидејќи ја попречувал постапката.

Расправното собрание потврдило дека во јули 1995-тата година, бил извршен геноцид во Сребреница, но не и во шест други општини во источна Босна, како што се тврдело во обвинението.

Судот на изрекувањето на пресудата на Младиќ заклучил дека во општините Гочи, Кључ, Котор Варош, Приједор, Сански Мост и Власеница се случиле злосторства над не-српското население, но дека нивната намера не била истребување на народот. Утврдиле и дека во БиХ имало вооружен судир и дека злосторствата извршени во таа држава имале обележја на составни, масовни и раширени дела.

Обвинителството барало доживотен затвор

На пресудата за Младиќ се чекало повеќе од две децении, откако бил обвинет за воени злосторства извршени во време кога ја вршел должноста командант на Војската на Република Српска. Младиќ во Хаг бил обвинет за геноцид, злосторства против човештвото и кршење на законите или обичаите за војување во Босна и Херцеговина од мај 1992-та година до пред крајот на 1995-тата година. 

Во завршното обраќање обвинителството за Младиќ барало доживотна казна затвор, додека одбраната предложила да се ослободи од сите обвиненија.

Не ви треба меѓународна: Македонските возачки дозволи признати во Германија?

Во иднина македонските возачки ќе бидат признаени од страна на германските власти, пишува порталот www.mk-in.de.На тој начин сите македонски граѓани кои патуваат или се на привремен престој во Германија нема да имаат непријатности и казни. Истовремено многумина што имаат работна дозвола нема да мора повторно да полагаат за да можат да управуваат возилот во Германија.

Во редакцијата на www.mk-in.de штотуку неофицијално од сигурни извори во германскиот Бундестаг пристигна веста дека законот за реципрочно признавање на македонските возачки во Германија е донесен и изгласан. Се чека уште македонската страна да го донесе закoнот за признавање на германските возачки дозволи во Македонија и веднаш да стапат двата на сила. Се надеваме дека тоа ќе биде до крајот на месецов, пишува порталот.

(ВИДЕО) Си-Ен-Ен објави снимка од продажба на луѓе во Либија

Си-Ен-Ен објави шокантно видео снимено на непозната локација во Либија на која што се гледа продажба на двајца мажи.

На видеото може да се слушне аукцијата на која што се нуди цена за купување на робовите, а постигнатата цена е 1.200 либиски динари, што е околу 800 долари.

Едниот од продадените мажи е од Нигерија, а бил понуден во групата „големи и силни момци за работа на фарма“, како што го опишува аукционерот.

По објавувањето на видеото, новинари на Си-Ен-Ен отпатувале за Либија за да се уверат во нејзината веродостојност и како што наведуваат новинарите сведочеле на бројни аукции.

По аукцијата екипата на телевизијата се сретнала со двајцата мажи кои што биле продадени, но биле исплашени и не можеле да зборуваат.

Според Си-Ен-Ен секоја година десетици илјади луѓе стигнуваат до либиската граница обидувајќи се да добијат подобра шанса во Европа.

Многу од нив продале се што имале за финансиски да го обезбедат патот преку Либија. Меѓутоа се помалку бродови тргнуваат накај европа, оставајќи ги очајните луѓе во рацете на криумчарите со што тие стануваат робови.

Видеото на Си-Ен-Ен е предадено на либиските власти кои ветиле дека ќе спроведат истрага.

Популарно