(ВИДЕО) Мина ја воодушеви публиката со песна од Каролина

13-годишната Мина Блажев од Скопје, со освоени пет гласа од стручното жири се пласираше директно во четвртиот круг на музичката емисија „Ѕвездичките на Пинк“. После двете странски песни кои ги испеа во првите два круга, младата пејачка овој пат се одлучи за македонска песна од една од нашите најпопуларни пејачки. Таа ја отпеа емотивната „Бегај, бегај“ од Каролина Гочева, а нејзината изведба ја воодушеви и публиката и жирито.

„Како што почнавме, така и завршивме. Ова беше толку свечено и величенствено. Многу си музикална, емотивна, сè ми се допадна“, искоментира Јелена Томашевиќ, на што се надоврза времениот член во жирито, Милан Станковиќ, велејќи: „Вие од Македонија сте опасни пејачи. Секоја сезона некој растура во ѕвездичкиве. Прво беше Трајче, потоа Мартија, сега ти. Се препуштив на милите звуци и уживав во изведбата.“

За Гоца непотребно беше да се коментира такво беспрекорно пеење кое звучи совршено. Таа не можеше да ја скрие радоста од интерпретацијата на Македонката која пееше на македонски, па затоа гордо ѝ се заблагодари што им го пружи тоа уживање, а како изгледаше и звучеше сето тоа можете да погледнете горе. Уживајте!


Mina Blažev - Begaj Begaj by PinkoveZvezde

(ВИДЕО) Лидија Бачиќ го спреми новиот спот: Погодете што снимаше камерата!

Лидија Бачиќ – Лиле ја најави премиерата а спотот, а се смета дека на снимањето освен таа, добро се забавуваше и техничката екипа. Лиле Фатале на Инстаграм објбави дека нејзиниот спот „3 минути“ ќе ја доживее премиерата на 28 мај во 12 часот, а спотот го најави со прилог од снимањето.

На фотографијата на која позира потпрена на дрво, додека камерманите го зумираат нејзиното деколте, напиша: „Добра камера и добра пејачка се предуслов за добар спот“.

На другата фотографија напиша: „Природа во природа“, а со тоа се согласија и нејзините фанови. Некои ја нарекоа принцеза, а прилогот од снимањето на спотот може да го погледнете во продолжение.

 

Priroda u prirodi #planetlille #nevereverphotoshop #istasiglas

A post shared by LIDIJA BAČIĆ LILLE🇭🇷Singer🎤 (@lidijabacic_lile) on

(ВИДЕО) Овации за Брена на концертот на Марија Шерифовиќ

Српската пејачка Марија Шерифовиќ вчера одржа голем концерт во белградската Штарк арена. Во публиката имаше голем број колеги и пријатели од јавниот живот, меѓу кои Јелена Карлеуша, Јелена Томашевиќ, Ана Бекута, Иван Босиљчиќ, Адил и многу други.

Но, на сцената освен Марија, најголеми овации предизвика заедничкиот настап на Шерифовиќ и на Лепа Брена. За да ја претстави пред публиката, Марија го испеа нејзиниот голем хит „Evo, zima će“, а потоа со Брена заедно ја испеа „Imam pesmu da vam pevam“.

Марија на концертот рече дека таа е најсреќното дете на цел свет, оти секој човек има седум минути среќа, а таа своите 7 минути ги искористила додека пеела заедно со Брена. Таа пред преполната Арена ја испеа и песната „Молитва“, прв пат по 11 години заедно со девојките од „Бјути квинс“ кои пееја со неа кога победи на Евровизија во Хелсинки во 2007 година.

(ВИДЕО) Овации ја тресеа оперската сала на првото појавување на Дурловски после режимскиот прогон

Знаете ли како една власт најбргу станува режим? Кога ќе почне да се пресметува со уметниците. За жал/среќа „насадениве“ шарени и колаборационисти ја направија оваа грешка на ангро. Резултат на тоа – МОБ ечеше синоќа од скандирања, откако по брилијантаната изведба на Тимур во операта Турандот,  Игор Дурловски излезе да и се поклони на публиката. Овации и скандирања на неговото име ја тресеа оперската сала, додека нашиот оперски пеач и отпоздравуваше на публиката и им се заблагодаруваше на присутните кои дојдоа да го проследат неговото враќање на сцената. Ова е целосен триумф на Дурловски во првиот негов настап по притворот кој му беше одреден за настаните на 27 април минатата година и измисленото обвинение за наводен тероризам чија смисла лесно се доловува деновиве по сите понижувања што ги доживеавме како резултат на преговорите меѓу Заев и Ципрас. Дурловски беше еден до лидерите на За заедничка Македонија. Од крајот на ноември минатата година до крајот на јануари беше во притвор во истражниот затвор во Шутка, а потоа уште два месеци му беше одредуван домашен притвор. На својот ФБ профил Дурловски објави: Вчера беше можеби најважниот ден од мојата пејачка кариера. Трема, емоции, љубов… Дадов се што чував во себе а добив исто така се!

Благодарам на колегите за соработката и искрените гушки и бакнежи, благодарам на директорката Чадловска за можноста да се вратам на сцена во специфичен период од мојот живот, а најмногу благодарам на публиката која што со искреност го пречека моето враќање на сцената на МОЈАТА МОБ.

Популарно