ВИДЕО: Најтажната песна во СФРЈ - Тито ја забранил зашто луѓе се убивале на неа!

Кога во 1950 година дознал дека боледува од туберколоза, Драгиша Недовиќ, ја напишал „Плуча су ми болна“. Песната ја следи доста чудна и интересна, но и бизарна приказна.

Според многумина, оваа е најтажната песна било кога снимена на овие простори, а своевремено лично Јосип Броз Тито ја забрани да се изведува и пушта, бидејќи многу луѓе кои болуваа од туберколоза извршија самоубиство откако ја чуле истата.

Животната приказна на Драгиша Недовиќ е навистина неверојатна – роден во 1916 година, веќе на 20 години ја има напишано и ден денес култната U lijepom starom gradu Višegradu. Кобната 1941 година, со останатите жители на Крагуевац е изведен на стрелање, но во последен момент, како веќе познат текстописец, го тргаат на страна и го депортираат во Германија, каде поминува четири години во логоро во Дормаген.

После завршувањето на Втората светска војна, Недовиќ се враќа во Крагуевац, а на почетокот од 1950-те дознава дека страда од туберколоза. Тогаш ја пишува песната Pluća su mi bolna, истурајќи ги своите емоции од сознанието за тешката болест во нејзините стихови.

Pluća su mi bolna, zdravlja više nemam

Jer su sasvim blizu, moji zadnji dani

Živeću još danas, a možda i sutra

A onda zauvek, zbogom moj živote

Nije meni žao, bednoga života

Jer ja sreće nikad, osetio nisam

Samo bol i patnja, gorke suze lio

U životu svome, srećan nisam bio.

Песната прв пат ја сними Заим Имамовиќ, а се зборува дека толку сугестивно делувала на луѓето, особено на оние болни од туберколоза, што многумина, под нејзино влијание, посегнале по сопствениот живот. Поради тоа, Централниот комитет на КПЈ, по инструкции на Тито, одлучува оваа песна да е забрани. Забранета била во наредните десетина години, кога на една прослава ја нарачала да се пее лично Јованка Броз и тогаш за сопругата од Тито ја отпеа легендата Нада Мамула.

Иако се излекува од туберколозата, Недовиќ во 1959 година го снајде нова мака кога почнаа неговите срцеви проблеми. Почина од инфаркт во 1966 година. Денес ретко кој се сеќава на него, иако зад себе остави големо музичко наследство од дури 800 песни, меѓу кои и познатите “Tekla rijeka Lepenica”, “Na Moravi vodenica stara”, “Jutros mi je ruža procvetala”, “Smederevo, grade od starina”.

(Видео) Тамара Грујеска заврши на 12-тото место на детската евровизија

Македонската претставничка на детската евровизија, Тамара Грујеска, во Ница, Франција, се пласира на 12-тото место.

Франција втортпат по ред победи на музичкото натпреварување, овој пат со Зое Клозир и песната Coeur („Срце“).

Шпанија заврши на второто место, а Ерменија на третото.

(Видео) Последната песна на „Битлси“ излегува во ноември

Цели 53 години по расформирањето, славниот британски бенд „Битлси“ се враќа во ноември со песна снимена со помош на вештачка интелигенција, која го извлече вокалот на Џон Ленон од стара снимка и на тој начин практично повторно ја обедини легендарната четворка.

Употребата на вештачка интелигенција овозможи миксирање песна преземена од демо-снимка на Џон Ленон. Во оригиналното демо беа додадени снимките на електрична и акустична гитара од Џорџ Харисон од 1995 година, пред неговата смрт во 2001 година. Песната беше завршена минатата година во студио во Лос Анџелес со мешање на тапаните на Ринго Стар, пијаното и басот на Пол Макартни.

Двајцата преживеани членови на бендот, Пол Макартни и Ринго Стар, во четвртокот најавија дека новата нумера Now and Then („Сега и тогаш“) ќе биде објавена на 2 ноември.

Песната е создадена врз основа на демо-снимка што Ленон ја направил во својот стан во Њујорк. Четиринаесет години по убиството на Ленон (1980), неговата сопруга Јоко Оно им подари на другите членови на бендот снимка на вокал и пијано.

Подоцна тие ја обработија, но никогаш не можеа да ја објават бидејќи досегашната технологија не дозволуваше гласот на Џон Ленон да се истакне со задоволителен квалитет. Ова сега е возможно, а беше поттикнато од документарната серија Get Back во режија на Питер Џексон (2021).

Режисерот на трилогијата „Господарот на прстените“ користел нова технологија за да го извлече гласот на Ленон од аудиолентата и да го одвои од пијаното.

Прогласени најдобрите албуми во историјата на жанрот

Оваа година се навршуваат 50 години од создавањето на хип-хопот, а популарниот музички портал Consequence of Sound по овој повод ги објави 50-те најдобри хип-хоп албуми на сите времиња.

На врвот на листата се најде современиот класик To Pimp a Butterfly на Кендрик Ламар.

„Кендрик Ламар брзо се етаблира како еден од најважните гласови на својата генерација, со неговиот трет студиски албум To Pimp a Butterfly на кој се наоѓа црнечка протестна песна која ги дефинира последниве години – тоа е песната Alright,“ наведено е во објаснувањето за изборот.

„Излегувајќи непосредно пред почетокот на хаотичната кандидатура на Трамп, има моќ да донесе пофалби за доброто што се случува во животoт на црнците, како и незадоволство од системите кои секојдневно ги изневеруваат. Среде демонстрациите кои бараа одговори за Сандра Бланд, Филандо Кастил и разни други полициски убиства, Аllright беше спасот што нè однесе низ тешките времиња – но тоа не ја дискредитира силата на остатокот од албумот,“ го објаснуваат изборот и додаваат: „Секоја генерација има право на свој најголем хип-хоп албум, а овој е наш“.

На второ место се најде легендарниот албум The Miseducation of Lauryn Hill на пејачката Лорин Хил, а потоа следува It Takes a Nation of Millions to Hold Us Back на пионерите на овој жанр, бендот „Паблик енеми“.

Во првите 10 се Supa Dupa Fly на раперката Миси Елиот, класикот Enter the Wu-Tang (36 Chambers) на бендот „Ву-танг клан“, Stankonia на бендот „Ауткест“, Reasonable Doubt на раперот Џеј Зи, The Low End Theory од A Tribe на бендот „Трајб колд квест“, „2001“ на Др. Дреј и My Beautiful Dark Twisted Fantasy на Канје Вест

Популарно