Ивана Наскова на македонската јавност досега и беше позната како радио и ТВ водителка, стендап забавувач и писателка, а отсега и по новиот проект. Овој пат заедно со „Кеш фолкерката“ како ко-водителка, Ивана и Адријана “без влакна на јазикот“ „Искрено“ ги анализираат машко-женските односи во своите женски дијалог муабети, разменувајќи туѓи, а Бога ми и лични искуства на оваа тема.

За љубов, секс, размена на нежности, емоции, страсти и флуиди, за јајцеклетки и сперматозоиди, за непристојни предлози и пристојни понуди…  И за уште илјадници нешта и ситуации кои ги оптоваруваат или воодушевуваат мажите и жените, момите и ергените, мажените и женетите… сите!

Арно ама, колку и да сакале, колку и да се труделе да бидат и забавни и информативни и едукативни, секогаш има некој на кој „не му фаќаш око“, па те третира како нему лично „да си му брцнал“ во истото тоа око, иако ниту ти го познаваш, ниту тој те знае.

Едноставно такво ни е поднебјето, па со туѓото мислење може дури и да се согласуваш, ама па затоа ти пречи туѓиот изглед!  А такви секогаш има, само што овој пат тој не е ТОЈ, туку е ТАА! Или ТИЕ.. Жени… На кои не и им се допаднало како изгледа една од водителките на новиот поткаст, поточно Ивана Наскова, па на социјалната мрежа  Х (бивш Твитер), „сочно“  ја извреѓаа… дека била дебела!?

Така што Ивана Наскова во новиот поткаст ги третираше машко – женските односи, а доби само грст женски навреди… „Искрено“ кажано или „пет пари не вреди“, ама споделеното очигледно искрено ја повреди!

Па затоа водителката реши „хејтер(к)ите“  за сметка на нејзиниот изглед и килажа, да ги направи „познати и славни“ со јавна бламажа. Патем, нивното кажано го дополни и со свое мислење, колку за… „утешение грешним“! Дали и таа како искусна женска „медиумска ѕверка“ им возврати во споделеното со иста мерка на „раздрдорените господа и дами“ – проценете сами?!

Шокантно откритие внатре во планетата Уран.

Научниците открија дека сината планета во Сончевиот систем е многу погасовита од тоа што досега се верувало.

Додека претходните истражувања укажувале на состав првенствено од хелиум и водород со примеси на метан, неодамнешното истражување покажало дека Уран содржи значајна количина на метан во единствен облик.

Според научниците со Израелскиот институт за технологија и калифорнискиот Универзитет Санта Круз, метанот во Уран не е во својот вообичаена гасна состојба, туку е замрзнат и е сконцентриран во јадрото на планетата. Спротивно од претходните претпоставки дека Уран бил составен исклучиво од мраз, приближно 10 проценти од неговиот состав содржи метан.

Истражувањето, кое допрва треба да биде подложено на научни рецензии, ја доведува во прашање класификацијата на Уран „леден џин“ и сугерира дека изобилството од метан би можело да игра клучна улога во формирањето на таа планета. И покрај неговото значење, многу работи на Уран остануваат мистерија поради неговата оддалеченост од Земјата, која варира меѓу 3,2 до 4,64 милијарди километри, со оглед на движењето на планетите во Сончевиот систем.

Со оглед на тоа дека „Voyager 2“ го посетил дури во 1980-та, научниците претходно верувале дека Уран е целосно замрзнат. За да добијат подлабок увид, научниците сега развиле бројни модели од внатрешноста на Уран, откривајќи тие со поголемо ниво на метан, хелиум и водород поточно претставуваат масата и радиусот на планетата.

Во иднина планираат да разоткријат зошто Уран го задржува ледениот состав и покрај значајните резерви на гас. Тие откритија не само што ќе го подобрат нашето разбирање за Уран, туку исто така нудат и увид во соседните џинови како Нептун.

Бил Гејтс, основачот на „Мајкрософт“, неодамна изрази загриженост дека вештачката интелигенција може да ja преземе неговата работа и покрај тоа што е еден од нејзините најголеми поборници.

Во една епизода од неговиот поткаст Unconfuse Me with Bill Gates тој разговараше со извршниот директор на OpenAI, Сем Алтман, каде што ги сподели своите ставови за брзината на напредокот на технологиите за вештачка интелигенција за кои вели дека го изненадиле со нивната ефикасност.

За време на разговорот тие допреа до теми, како што се GPT-5, суперинтелигенција и видеоспособности, кои доаѓаат на ChatGPT.

Гејтс призна дека е скептичен кон вештачката интелигенција и дека не очекува чет-ботови, како ChatGPT, да бидат толку способни да извршуваат сложени задачи.

Еден од најважните моменти на поткастот беше кога Гејтс го изрази својот страв дека вештачката интелигенција може да ги замени луѓето на многу работни места.