ВИДЕО: Заев ги „испочитува“ македонските новинари среде Брисел

Лидерот на СДСМ, Зоран Заев им даде вистинско „почитување“ на македонските новинари кои известуваат како дописници за медиумите во земјава. Лидерот на СДСМ не најде време да му даде изјава на ниту еден од нив по средбата со еврокомесарот Штефан Филе. Дописникот на МИА, во својот извештај напиша дека Заев и Шеќеринска одбиле да дадат изјава за државната информативна агенција, а до изјава не стигнал ниту дописникот на МРТВ.

zaev-brisel1

Наместо тоа, Заев од Скопје си понел своја партиска екипа, која го снимала, а потоа видеото го објавија на YouTube. На новинарите им било кажано дека можеби ќе им ја испратат изјавата откако самите ќе ја снимат.

Ваквото однесување на Заев ги става под знак прашашалник заложбите на опозицијата за почитување на новинарите. Токму лидерот на СДСМ заедно со Шеќеринска беше еден од најзагрижените за т.н. исфрлање на новинарите од собраниската галерија на 24 декември пред минатата година. Во СДСМ беа подготвени и да ја стават во залог македонската интеграција доколку во Извештајот за 24 декември не се вметне оваа точка.

Денешното однесување на Заев и Шеќеринска е голема навреда за македонските новинари чија задача беше да ги пренесат информациите по средбата со Филе, се коментира во новинарските кругови.

Дали Заев ги избегна новинарите за да не мора да одговара на нивните прашања и да може преку патискиот снимател да ја испрати изјавата која денеска треба да ја емитуваат македонските телевизии останува непознато.

Доколку е така, ова нема да му биде прв пат на Заев да бега од новинарски прашања. Во неколку наврати лидерот на СДСМ држеше т.н. „тематска прес конференција“ по која на новинарите не им беа дозволени прашања.

Д-Р Митов: „Нашите генерации им го згорчија зборот држава на младите“

Животни приоритети и принципи е темата во новото издание на „Нешто конкретно“. Нашите гости зборуваат за тоа како ненормалното стана нормално и како кршењето на правилата стана правило.

 Проф. Д-Р Аце Миленковски, Д-Р Александар Митов, Дина Јашари и Сања Ристиќ на едно место и со многу слични но и различни приоритети. На почетокот на емисијата зборувајќи за почитта, како ја стекнал, каде, со кого и кон кого, ректорот на Универзитетот Скопје, Аце Миленковски ги испочитува гостите и водителката Снеже Велков со подароци кој им ги подели во студиото. За него најголем приоритет во животот е верата. „Се родивме овде во Македонија нашата вера ја определија бабите, дедовците, нашите родители и таа е преубава вера на која што ние и припаѓаме овдека во оваа држава, без верба во Бога ништо не правиме” рече тој и ја издвои пораката на Трамп дека никој не смее да се смета како најважен и најголем освен Бог.

Сања Ристиќ најголем приоритет си е самата себе, како мајка на две деца таа смета дека децата можат да бидат среќни и здрави и здраво да се развиваат само ако имаат среќна и здрава мајка. Таа истакна дека тој приоритет не значи оти треба да се грижи за својот физички изглед односно да си посетува масажи и фризери, туку работа на сама себе да живее во мир и спокој на душата, бидејќи само така може да делува и да биде добра мајка, добра партнерка и добра во кариерата.

 Д-Р Митов зборуваше за тоа како на младите во Македонија зборот држава им е згорчен. „Ние нашите генерации им го згорчивме зборот држава на младите, ги потсеќа на корупција, криминал и разно разни глупости и кога ќе им се каже зборот држава ги потсеќа на лошо“. Негов најголем приоритет во животот е секако семејството, но меѓу другите приоритети ја издвои својата градина каде вели дека собира енергија за сите останати обврски во текот на денот, единствено му е жал што нема повеќе време да им посвети на пријателите.

Дина Јашари се пожали од условите во државните факултети, студентските домови и потсети на тоа дека за разлика од нас во Љубљана постои бесплатно студирање и условите не се споредуваат. Но и покрај се оваа млада пејачка стои на тоа дека не сака да се отсели од Македонија за евентуална подобра иднина како што тоа го прават нејзините врсници. Разликата во возраста на нашите гости фантастично ги прикажа приоритетите на секоја една генерација кои секако со годините се менуваат.

Гледајте ја емисијата на нашиот канал на YouTube, а новата веќе следната недела од 17.00 часот на Телма.

НЕ ЗАПИРА ХУМАНИТАРНАТА ПОМОШ ЗА ЛЕОНИД - DNK ја лицитира Златната бубамара, сумата достигна 150 илјади евра

Владимир Блажев од ДНК преку фејсбук информира дека утре во 22 часот завршува лицитацијата на нивната награда Златна бубамара, за хуманитарната помош за лекување на Леонид Индов, чија сума досега достигнала 150.000 илјади евра. 

Еден од лицитаторите исплатил 90 илјади евра.

„Другари ЛЕО видно расположен ви испраќа голем поздрав од Виена и ви се заблагодарува на сите вам за безрезервната поддршка која му ја давате изминатиов период, а посебно последнава недела.Да ве потсетам дека лицитацијата на Златната бубамара завршува утре во 22ч, а највисоката понуда до сега изнесува 150.000 денари. Начинот на лицитирањето ви е веќе познат. Ја пишувате сумата во коментар на мојот инстаграм (djshortypofficia) пост или на DNK фан страната на ФБ“, пишува Владимир Блажев.

Популарно