Во автобус само со електронска картичка

Автобусите на ЈСП и на приватните превозници од следната недела стартуваат со електронската наплата .

Пет гратис возења, ќе му следуваат на секој кој ќе ја набави новата електронска картичка во првиот месец. Цената ќе изнесува 150 денари а ќе може да се купи во самото возило. Секој патник во јавниот градски превоз ќе биде должен да поседува ваква карта, персонализирана или неперсонализирана.

Неперсонализираните картички се наменети за оние кои поретко го користат јавниот градски превоз. На нив, нема да има фотографија и ќе може да ја користат повеќе лица. Првичната цена на истата ќе биде 150 денари, а за оние кои ќе ја купат во првиот месец, ќе добијат и пет гратис возења. Гратис возењата ќе важат во месец јануари. Покрај во возилата, картичките ќе може да се купат и во сите 26 билетарници на ЈСП, во инфо-центрите, како и во продавниците кои имаат склучено договор со ЈСП.

Што се однесува до цената, таа ќе биде непроменета, односно возењето ќе чини 35 денари. „Кредитот“ на картичките ќе може да се надополнува со најмалку 100 денари. Ќе постои и опција за плаќање со помош на мобилен телефон, но истото ќе чини 40 денари.

За официјалниот старт на новиот начин на наплата граѓаните дополнително ќе бидат информирани преку плакати во возилата.

Лаборант во ИЈЗ меѓу новозаразените со морбили

Лаборант во Институтот за јавно здравје е меѓу тројцата новозаразени со морбили. Станува збор за 44-годишна жена од Сопиште која  била вакцинирана против мали сипаници, но најверојатно само со една доза од вакцината. Се заразила на работа, додека вршела лабораториски испитувања.

Со трите нови случаи, бројката на заразени со морбили се искачи на 17. Само еден е од Прилеп, но и тој најверојатно се заразил во Скопје, каде периодот бил на привремена работа. Во една од приватните болници морбили биле дијагностицирани и кај 15-месечно бебе од Косово, за кое нема податок дали било вакцинирано. Во Косово бројката заразени рапидно расте. Досега се регистрирани над 140 пацинети, а едно од заболените деца почина.

Сомнежите на македонските здравствени институции е дека токму Косово е извор на заразата и во Македонија. Но, се уште се чекаат лабораториските анализи во странски референтни лаборатории. Пациентите од Гази Баба, каде во моментот е прогласена епидемија на морбили пред да се заразат биле во контакт со гости од Косово. Иако епидемијата во моментот е ограничена, постои голем ризик да се прошири и во други подрачја, со оглед на нискиот опфат на имунизација со МРП.

Епидемија на морбили беше прогласена пред околу еден месец. Оттогаш до денска вакцинирани се 8.095 лице со МРП вакцинарта. Од вкупниот број вакцинираните 42 % се на територијата на Скопје.

ВИДЕО: Зошто воздухот во Карпош е толку (многу) загаден?

Македонија, посебно поголемоте градови во државава се на врвот во Европа по неквалитетен воздух.

Загадувањето на воздухот стана евергрин-тема во земјава. Станавме први во Европа по неквалитетен воздух, а освен незначителни мерки што ги презема власта во зимските периоди, ништо поголемо не се прави. Екипата на „ФоТон“ на мкд.мк го сними прилогот „Зима, лето, пролет, есен: загадувањето си тера, во Карпош е најстрашно“, во кој во нешто повеќе до пет минути се дијагностицираат важни проблеми што Карпош ја прават една од најзагадените општини во Скопје. 

Инцидент на “Рекорд” – МВР со детална информација за настанот

На 15.10.2017 година во 02.10 часот Г.П.(44) пријавила дека претходниот ден во 23.30 часот на ул.Димитрие Чуповски, поточно на автобуската постојка Рекорд, од страна на непознат сторител бил нарушен јавниот ред и мир со физички напад над незјиниот малолетен син.

Сторителот го удрил нејзиниот син со тупаница во пределот на лицето, од што се здобил со видливи повреди во вид на расекотина на горната усна и крварење од носот и устата. Потоа сторителот од џеб извадил мал нож на расклопување и продолжил вербално да му се заканува на оштетениот по што си заминал, но по кратко време дошол со уште неколку лица и продолжил вербално да го навредува. Се преземаат мерки за расчистување на случајот.

Популарно