Од 2012 година живеам во Драмен бидејќи добив постојана работа како медицинска сестра. Од животот овде сум презадоволна, изјавил аза српски Телеграф Србинката која работи како медицинска сестра во Норвешка...
Бранка Мириќ која по занимање е медицинска сестра во 2010 година се преселила во Норвешка и моментално работи во една здравствена установа во одделот за здравствена нега. Таа воедно станала и инструктор за курсеви преку кои треба да се процени состојбата на пациентите, а од неодамна е предложена и за претставник на клиниката.
Според нејзините зборови, голема е разликата помеѓу медицинските сестри во Србија и оние во Норвешка бидејќи оваа професија во странство е ценета и од нив се очекува да дадат придонес во лекувањето на пациентот, при тоа да предложат постапки на лечење, рехабилитација и да го следат дејството на терапија.
-За час добив лиценца за медицинска сестра бидејќи имам високо образование и специјализација. Норвешкиот јазик го научив во Белград а работата ја добив преку едно биро за вработување. Првичниот договор ми беше на две години. Работев во три различни институции, вели Бранка при тоа додавајќи дека од 2012 година живее во Драмен бидејќи добила постојана работа како медицинска сестра.
Таа е презадоволна од фактот дека за две години успеала да купи стан и автомобил, при тоа да си дозволи сите потребни работи за лежерно секојдневие од една плата. Бранка го посетува Белград неколку пати годишно, а и вели дека може да си дозволи и други патувања.
-Мислам дека ова е доволна причина да ја напуштите Србија, бидејќи медицинските сестри во мојата родна земја не можат да преживеат. А ниту пак ќе имаат пари да ги школуваат своите деца, додала таа.
Како што вели, никогаш не помислила дека ќе дојде тој момент кога ќе мора да ја напушти својата родна земја.
