Жена се задуши во пожар во стан во Скопје

Осумдесет и двегодишна жена синоќа се задуши во пожар во својот стан на улицата „Н. Тримпаре“ во Скопје.

Бригадата за противпожарна заштита синоќа интервенирала во 01:20 часот. Лекар од Итната медицинска помош констатирал смрт од задушување од чад, а пожарот бил предизвикан најверојатно од електрична греалка.

Со согласност на Јавен обвинител, телото на починатата е предадено на семејството за погреб.

ФОТО: Дрво смачка автомобил во Карпош 3

Меѓу фотографиите од невремето кои се појавија на социјалните мрежи имаше и фотографија на која се гледа како дрво паднало врз автомобил во скопската населба Карпош 3. 

Неколку дена по ред Скопје е зафатено од невреме, особено во поладневните часови кога невремето е проследено со дожд и грмежи, а на некој места имаше и појава на град. 

Во петок промена на возниот ред на автобусите на ЈСП

Поради државниот празник Рамазан Бајрам, во петок на 15 јуни, автобусите на ЈСП Скопје ќе сообраќаат по неделен летен возен ред, соопштуваат отттаму.

Корисниците на ЈСП Скопје возниот ред можат да го видат на веб страната на претпријатието jsp.com.mk.

Популарно