Зошто го губиме интересот кога другата личност е заинтересирана за нас?

Во природа ни е на нас луѓето да тежнееме кон и посакуваме нешто што не можеме да го имаме. Кога сметаме дека некој е предобар за нас, нашето его нè тера да се обидеме да ја заведеме таа личност - да ја поседуваме.

Тоа е како предизвик за душата, чекор кој сакаме да го надминеме и постигнеме. Како во филмовите кога еден лик се вљубува во личност која не може да ја има.

Тогаш крајната цел не ни е да сакаме и да бидеме сакани, туку да ја натераме личноста да се заљуби во нас за да си докажеме дека сме одлични заведувачи и да си го потхраниме егото.

Токму ова однесување е причина зошто го губиме интересот во оние кои се премногу заинтересирани за нас. Научени сме и секогаш сме во потрага по возбуда. Уживаме во неа и сите дополнителни емоции кои има да ни ги понуди.

Моментот кога сметаме дека една личност вреди повеќе од друга, тогаш егото проработува и нè тера да се активираме. Не е тоа љубов, туку его. Се отвораме на една личност само да дојдеме до личноста на која гледаме како на награда, одговор на предизвикот.

Биологијата на привлечност е дека сакаме подобро потомство од нас. Па, која и да е личностa која ќе се покаже како здрава, силна, паметна и подобра од нас, на неа гледаме како на личност вредна да имаме деца со неа.

Сакаме гените на нашите деца да бидат супериорни.

Ова секако, се случува на потсвесно ниво, а понекогаш и на свесно.

Инаку, големи се шансите длабоко во себе да не се чувствуваме како доволно добри и да имаме ниска самодоверба, па кога некој ќе покаже интерес во нас, сметаме дека таа личност е помалку вредна.

Како на несвесно ниво да си го поставуваме прашањето: „Зошто ли си заинтересиран/а во мене? Што имам јас да ти понудам?“.

Ова е длабоко вкоренета перцепција која доаѓа од комплексот на инфериорност (убеденоста дека не сме доволно вредни). И заради тоа, веднаш штом другата личност покаже интерес во нас, ние го губиме интересот.

Сме го освоиле трофејот и сега сакаме поубав, подобар и поголем трофеј.

Сакаме партнер кој сметаме дека има поголема вредност од нас, кој е подобар од нас. А, токму оваа несигурност е причина што сме длабоко несреќни и неисполнети.

Изборот на крај е наш, ќе се држиме до она што ни го налага егото или ќе избегаме од магичниот круг?

Закрепнувањето по „скршено срце“ трае три месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.

Популарно