Зошто ве болат брадавиците?

Болните брадавици можат да бидат индикатори на повеќе состојби, а најчестите се:

Редовен менструален циклус

Поголем дел од жените чувствуваат промени во градите и брадавиците во одреден период од месечниот циклус. Всушност, еден од најчестите симптоми на кои девојките и жените се жалаат е болката која се јавува при допир, како и зголемувањето на градите и претераната чувствителност. Всушност токму тоа е причината за болките.

Ако ова е причината за вашата болка, почекајте неколку дена и симптомите ќе исчезнат. Во овој период можете да ја намалите количината сол која ја внесувате, така што вашето тело нема да ја задржува водата.

Бременост и доење

Болката за време на бременоста е нешто кое најверојатно ќе го искусите, но ако доите, тогаш бидете сигурни дека истата нема да изостане. Барем во почетокот на доењето. Болката за време на бременоста е предизвикана од подивените хормони, а онаа на брадавиците е нивен придружен ефект. Но, ако веќе сте родиле и доите, постојат неколку работи кои можете да ги направите за да ја ублажите болката: на пример, охрабрете го вашето бебе да ја отвори ширум устата додека цица и откако тоа ќе го направи отстранете ја брадавицата така што нежно ќе му ја повлечете брадата надолу за да престане со вшмукувањето.

Носите погрешна големина на градникот

Кога носите градник кој е преголем или премал, (а тоа го прават 80% од жените), може да се случи брадавиците да ги чувствуваат последиците. Со преголемиот градник ризикувате тој да се „врти“ околу вашите гради и постојано да ги дразни брадавиците, а пак премалиот може да го „истисне“ животот од градите и тоа да предизвика болка.

Надминете го срамот (за оние кои се срамежливи) и појдете во некоја од продавниците за долна облека. Замолете една од девојките кои работат таму да погледнат дали сте ја одбрале вистинската големина на градникот. Избегнете ја болката по секоја цена!

Вежбате без соодветен спортски градник

Ако секојдневно вежбате фитнес, практикувате некоја друга физичка активност или можеби џогирате, мора да носите соодветен спортски градник. Преголемиот градник може да ви ги иритира брдавиците, а премалиот да ги престегне, па вие повторно да се соочите со непријатната болка. За среќа, се произведуваат различни видови спортски градници, за различни видови спорт.

Пред да купите таков градник, внимателно прочитајте ја етикетата или едноставно прашајте за видот на градникот кој сакате да биде ваш.

Сте имале повреда

Секој удар во пределот на градниот кош може да предизвика повреда на градите односно на брадавиците. Најчест таков пример се сообраќајните незгоди и тоа кога повредите се случуваат поради сигурносниот појас. Затоа е многу важно појасот да ви биде правилно поставен а тоа е точно помеѓу градите.

Повредите и болките предизвикани од појасот ќе исчезнат заедно со излекувањето на повредата.

Сува кожа

Оваа појава е изразена за време на зимските месеци, кога поминувате голем дел од денот во затворен простор. Грејните тела ја вшмукуваат влажноста од воздухот, а кожата, вклучително и брадавиците ви се сушат и пукаат. Најдобар начин да се избегне оваа појава е да ставете навлажнувачки крем или млеко на кожата, особено после туширањето. Исто така пијте многу вода за да бидете хидрирани и однатре.

Маститис

Ако брадавиците ви се воспалени или инфицирани, можно е да имате маститис. Притоа можете да забележите и други симптоми како што се: црвенило околу брадавиците, можно истекување на некаква течност од нив и болка на допир. Ако ова се појави, тогаш мора да посетите лекар. Понекогаш маститисот може да се повлече сам од себе, но може да бара терапија со антибиотик, кој нормално, ќе ви го препише лекарот.

Рак на градите

Една од најсериозните причини за болки во брадавиците е ракот на дојката. Ако не сте сигурни за причината на болката која ја имате во тој предел, ако истата не се повлекла после бременоста и доењето, тогаш е најдобро да одите на лекарски преглед. На тој начин, ако е нешто сериозно, како ракот на пример, имате поголеми шанси истиот да биде излечен навремено и успешно.

(ВИДЕО) Совети од славната инструкторка: Баталете теретана – ви требаат само овие 5 вежби

Кога станува збор за вежбањето и одржувањето на физичката и телесна форма и кондиција, многумина имаат сериозна инертност кон одењето во теретана, без да знаат дека вежбањето и добриот физички изглед не се нужно поврзани само и исклучиво со теретаната.

Не ви требаат ниту справи, ниту тегови, бидејќи вашето тело е најдобрата и најважна опрема за вежбање која ја имате, тврди во таа насока личната фитнес инструкторка Челси ДиЛеј, во колумна која на интернет ја сподели и славната Оливија Палермо.

ЗАГРЕВАЊЕ: СКОКАЊЕ СО ЈАЖЕ

Стара и добро позната вежба, одлична и доста ефикасна. „Скокањето со јаже е добар начин да ја забрзате работата на срцето на почетокот од вежбањето, но и одлична вежба за работа на координација и сила. Започнете со двочекор, а потоа префрлете се на скокање со споени нозе“, советува Челси, додавајќи дека, ако немате јаже, само скокајте симулирајќи како да го имате при рака.

OP_5Moves-PlyoLunge from Jillian Magenheim on Vimeo.

ИСЧЕКОР

„Најдобра вежба за одлично дефиниран, стегнат и секси задник. Започнете со клекнување потпирајќи се само на тежината на вашето тело, префрлајте ја тежината на петите и туркајте ги колковите зад себе. Ако сакате да работите на сила, клекнувањата претворете ги во клекнувања со скок. Отскокнете во воздух, па доскокнете со свиени колена. И така повторувајте ја вежбата“, истакнува Челси.

ИСЧЕКОР НАЗАД

Уште една вежба за глутеусот. Исчекорот наназад е одлична вежба за нозе со која се усовршува рамнотежата.

„Фокусирајте се на тоа коленото пред вас да биде свиено директно над глуждот, исчекорете наназад со спротивната нога, внимавајќи колковите да ви останат рамни. Спуштете се, а потоа подигнете се со помош на глутеусот кој е во повисока положба“, објаснува фитнес инструкторката.

Исто така, ако сакате да ја засилите вежбата, исчекорот наназад претворете го во исчекор со скок.

„ПЛАНК“ И СКЛЕКОВИ

„Започнете во стоечка положба, а потоа спуштете се и заземете положба за планк со рацете под рамената. Ако сакате подинамична и потешка вежба, во поза за планк со рацете допрете спротивните рамена. Кога ќе го совладате тоа, во вежбата додадете ги и склековите како комбинација“, советува Челси.

НОЖНА ЕКСТЕНЗИЈА СО ЕДНА НОГА/ПОТИСОК

За изведување на ножната екстензија со една нога легнете во положба на мост, со петите во близина на глутеусот и испружете ја едната нога под агол од 45 степени. Подигнатата нога лесно свијте ја и спуштете ја под петата, додека не го допре подот, па повторно подигнете ја ногата под агол од 45 степени.

OP_5Moves-Bridges from Jillian Magenheim on Vimeo.

Спротивната нога, исто така, треба цело време да биде активна. За потисокот, исто така, легнате на подот во положба на мост и лесно подигнете ја свиената нога. Спуштете ги колковите, а потоа потпрете се на спуштената нога со цел да се кренете нагоре, стегајќи го глутеусот додека вашите колкови се враќаат во почетната положба“, опишува ДиЛеј.

СТОМАЧНИ

Легнете на грб со кренати нозе свиени во колената. Горниот дел од телото кревајте го кон колената.

OP_5Moves-ExtensionCrunch from Jillian Magenheim on Vimeo.

Секоја од овие вежби практикувајте ја по една минута, во четири или пет серии кои ќе ги направите во 30-тина или нешто помалку минути.

Живеел 100 години бидејќи го пиел овој напиток

Овој напиток е моќен чистач на црниот дроб, а чистиот црн дроб е клуч за добро здравје.

Дали дома правите сирење, кефир или јогурт и ја фрлате течноста која останува посел едењето? Немојте тоа да го правите, бидејќи сурутката е древен лек.

Таа е моќен чистач на црниот дроб. Ако боледувате од било каква болест на овој орган, редовно пијте сурутка.

Може да ви помогне при:

-Хроничен умор и стрес

- Дебелеење и прејадување

- Висок крвен притисок

- Пад на имунитетот

- Желудечни тегоби

- Болести на црниот дроб

- кандида

- чистење на организмот од токсини

Мозокот се подмладува, црниот дроб закрепнува: Еве што се случува со вашите органи во текот на слабеењето

Веќе знаете дека симнувањето на килограмите во секој случај е добро за вас, но знаете ли колку точно? Од паметење до дишење, слабеењето има позитивни ефекти на целото тело, односно на големиот број органи.

Белите дробови

Губењето на 5-10% од телесната тежина го намалува губењето на воздухот и ја подобрува функцијата на белите дробови. Тоа може доста да го промени вашиот живот. Можеби ви звучи смешно да се качите по скали без губење на воздух, но навистина го менува животот, вели нутриционистката Керолин Палистер за Мирор.

Црниот дроб

Губењето на килограмите помага во спречувањето на собирањето на маснотии околу црниот дроб. Ако не се лечи, масниот црн дроб може да предизвика рак и негово откажување, објаснува Ванеса Хебдиќ од Центарот за болести на црниот дроб. Со слабеење во голем број случаи штетата може да се поправи, а црниот дроб да се врати во нормала.

Грб

Прекумерната тежина предизвикува болки во грбот, но слабеењето и движењето може тоа да го спречи, а исто така да го забрза закрепнувањето. Со слабеењето се губат килограми кои ги оптеретуваат мускулите и грбот, вели физијатарот Тим Алардајс.

Црева

Дебелеењето го зголемува ризикот од рак на цревата, така што, оддржувајќи ја здрава тежината, се заштитувате од тешко заболување. Исхраната од многу овошје, зеленчук и житарици исто така го намалува ризикот

Мозок

Не само што оддржувањето на здравата тежина му помага на вашиот мозок добро да функционира во постара доба, туку може и да го подобри. Паметењето и менталниот процес генерално стануваат подобори откако го загубите вишокот на килограми.

Гради

Ако сте дебели, губењето на 5% од телесната тежина или повеќе, го намалува ризикот од рак на дојката за 25-40%, тврди Мишел Харвије, стратег за превенции од тој тип на рак.

Колена

Ако индексот на телесната маса ви е од 30 или повеќе, поголеми се шансите да развиете остеоартритис на колената. Но, секој половина киограм кој ќе го загубите може да го намали ризикот за четирипати, објаснува реуматологот Филип Конаен. И најмалото губење на тежината може да значи разлика во болката на зглобовите.

Стапала

Вишокот килограми влијае и на начинот на кој одите. Стапалата ви се пошироко поставени, а прстите споени. Тоа придонесува стапалата да се нестабилни, а тоа носи проблеми како што се болки во стапалата, колената, колковите и долниот дел на грбот. Слабеењето може да ја подобри состојбата за 12 недели, вели Френ Кембел.

Срце

Губењето на 5-10% од телесната тежина е поврзано со намалување на величината на срцето, како и со густината на артериите, што се добри бести за превенција од срцев удар, покажа истражувањето на лекарите од Вашингтон.

Популарно