Кремаста чорба од сирење…
СОСТОЈКИ:
2 праза
1 чешне лук
масло
800 мл супа од зеленчук
150 гр козјо сирење
100 мл павлака за готвење
сол, бибер
2 лажици сок од лимон
2 парчиња бел леб
НАЧИН НА ПОДГОТОВКА:
Празот и лукот ситно исечкајте ги. Во лонец загрејте масло и на него издинстајте ги празот и лукот. Налијте со супа од зеленчук и оставете да се вари.
Иситнете го сирењето и со павлаката додајте го во чорбата. Мешајте на слаб оган додека сирењето не се растопи. Чорбата испасирајте ја со миксер, додајте сол и сок од лимон.
Лебот исечкајте го на коцки и пропржете на масло.
Извор: Готви.мк