Граѓаните со порака до Заев: Доста ти бевме заложници, избори да има на 24-ти април

Македонија

на 1.2016

Изборите да се одржат на 24-ти април, без одложување и државата да биде ослободена од кризата која ја наметна СДСМ, бараат граѓаните.

Граѓаните не го кријат својот револт од однесувањето на опозицискиот лидер. Тие јавно му порачуваат дека нема да дозволат да бидат негови заложници и дека сакаат државата да оди напред, а не да живее во криза и конфликтност која ја креира СДСМ на чело со лидерот Заев.

Тие велат дека Заев не може да бега од избори и дека ако изборите не се одржат на 24-ти април, треба се она што беше договорено во Пржино да престане да важи. Преку социјалните мрежи, граѓаните велат дека ако Заев не сака избори, треба да бидат повлечени и техничките министри предложени од него, затоа што тој и онака не го почитува договорот од Пржино.

Граѓаните му порачуваат на Заев дека без избори не може да дојде на власт и дека тие нема да му дозволат да биде заобиколена нивната волја. Оценуваат дека политичарот е исплашен, но остро му порачуваат дека немаат никаква доверба во него.

На корисниците на социјалните мрежи им е преку глава од ваквото однесување на опозицискиот лидер. Го нарекуваат предавник и кукавица, а според нив СДСМ е издајничка партија.

Граѓаните знаат зошто треба да се одржат изборите на 24-ти април и велат дека ако тоа не се случи, следните парламентарни избори во земјава треба да бидат редовни, а не предвремени. Бараат Спасовски и Ременски да бидат повлечени затоа што на тоа место се поставени само поради договорот во Пржино. Поддржувачи на СДСМ, пак, бараат партијата да го смени својот лидер.

„Избори мора да има. Сакаме мир и стабилност. Доста губевме време“, му порачуваат граѓаните на Заев.

Силјановска Давкова победи во 60 општини, Пендаровски во 3, Османи во 15, Таравари и Димитриевски во по една

Македонија

пред еден час

Гордана Силјановска Давкова, претседателската кандидатка на ВМРО-ДПМНЕ, на вчерашниот прв круг избори за шеф на државата, победи во 60 општини во земјава, кандидатот на СДСМ Стево Пендаовски освои најмногу гласови три, Бујар Османи од ДУИ во 15, а Арбен Таравари од Вреди и Максим Димитриевски од ЗНАМ во по една општина.

Гордана Силјановска Давковска победи во: Аеродром (51,48 %), Берово (54,92 %), Битола (48,44%), Богданци (49,59 %), Босилево (57,61 %), Брвеница (33,54 %), Бутел (43,91%), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77%), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %),

Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %).

Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %)

Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %).

Времето денес со повремени врнежи од дожд

Македонија

пред 2 часа

Времето денеска ќе биде променливо облачно со повремени врнежи од дожд, а на планините со повремен снег.

Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.

Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.

Од петок следува период на претежно стабилно и потопло време со пораст на температурите на воздухот.