Македонската поп пејачка Викторија Лоба може со право да каже дека ова е нејзина година. На приватен план ја зацврсти љубовта со својот сакан, со кого сега и живее заедно во исти дом, па наскоро се очекува пејачката таа љубов и да ја „бетонира“! Со брак!
Музичката кариера и оди во нагорна линија, а новата песна и видеото за неа насловена „Дојди“ е еден од поголемите годинешни домашни хитови. Па Лоба со неа преку медиумите и социјалните мрежи дојде поблиску до своите фанови, а бројот на настапи или таканаречени „тезги“ и како на нив публиката ја прифаќа е доказ повеќе за потврда на тезата.
На сето тоа кога ќе се придида интересот на спонзорите, особено на еден од најпознатите домашни брендови на долна облека, пижами и ноќници… чие заштитно лице е од неодамна, Викторија има причина да биде повеќе од задоволна. Особено на крајот на овој септември кога се појави рекламниот клип во Лоба ја презентира новата колекција есен / зима 2017-18!
„Сензуално, удобно, заводливо и возбудливо“… Како што вели и дел од самиот рекламен слоган на колекцијата. Токму така изгледа Лоба и на фотосесијата и во рекламниот видеоклип (во продукција на „Јуник магазин“, со фотографии на единствените Ани – Дими, стајлинг на Милена Танаскоска, шминка – ВД мејкап и фризура на Соушл хеар салон).
А кога Лоба ќе се раскомоти да позира онака, разголена, привлечна, пожелна, насмеана и среќна, промоцијата на колекцијата е повеќе од ефектна. Па Лоба со спонзорот, или тие со неа се решија да тргнат во поход на Србија! Го гледаш видеото и веднаш знаеш дека е Викторија… Само Лоба ли е, Сикрет ли е…? Време е и Србите и останатите во регионот да слушнат и да дознаатза неа ! За почеток како топ модел, а потоа и какo поп ѕвезда… зошто да не? Викторија Лоба… Секогаш повеќе!
