Како Саша и Дејан Матиќ го изгубиле видот?

Саша и неговиот брат Дејан Матиќ со години владеат со српската естрада и со своите моќни вокали и хитови имаат милионска публика.

Браќата близнаци Саша и Дејан Матиќ се родени на 26 април 1978 година во Дрвар како здрави, но прерано родени момчиња кои таткото Зоран и мајката Драгица морале да ги сместат во инкубатори во родилиштето во Загреб.

Од неутврдени причини, двете бебиња само неколку дена по раѓањето во болницата ослепеле, а тој недостаток судбината им го надомести со извонреден музички талент, благодарение на кој веќе неколку години се едни од најпопуларните пејачи во Србија и во регионот.

Познат водител еднаш го праша Саша дали е вистина дека поради Дејан не сака да ги оперира очите, иако знае дека после тоа би прогледал, зошто како што наведува, тоа кај него не е случај, на што добил одговор дека за тоа – не се зборува.

Очигледно водителот не бил доволно информиран за животната приказна на браќата Матиќ која е многу тажна.

Тие двајцата како недоносени близнаци биле во инкубатор и наводно поради невнимание на медицинската сестра останале слепи, иако како бебиња се родени со нормален вид.

Тамара се пофали дека ќе пее на Парадата на гордоста во Скопје

Тамара Тодевска ќе настапи на првата Парада на гордоста, која треба да се случи идниот викенд во Скопје.

Таа преку „Твитер“ соопшти дека е горда што ќе пее на 29 јуни.

Настанот ќе почне во „Жена бopeц”, а ќе заврши во школката кај Градскиот парк, каде што е предвидено да говори министерката за труд и социјална политика Мила Царовска и други говорници. За забавата покрај Тамара ќе настапат и други естрадни уметници и неколку диџеи.

ФОТО: Сашко Коцев во тон стилизирани со сопругата

Актерот Сашко Коцев и неговата сопруга, докторката Смиљана Бундевска сношти беа гости на забавата по повод 40. роденден на брендот „Пепси“.

Едноставна и шик, Смиљана избра зелен фустан со миди должина и балетанки. Облеката, таа ја надополни со ефектен накит и црвена плик чанта. Коцев облече зелено палто, во тон со својата сопруга.

Сашко ја побара Смиљана за жена на оригинален начин, на манифестацијата „Златна Бубамара на популарноста“ во Универзалната сала во февруари во 2012 година. Се венчаа истата година во септември. Во октомври во 2017 година, Смиљана и Сашко ја добија ќерката Јоана. Актерот тогаш славеше до рано наутро со своите пријатели во еден скопски ресторан.

Пред некое време на едно интересно интервју одговори и на прашањето што би бил ако не бил актер, и воедно раскажа што го поврзало со неговата сопруга.

– Ау, ова не сум го размислувал од петто одделение, кога и одлучив дека ќе бидам глумец. Ќе морам да се присетам. Мислам дека ќе бев лекар. Омилено нешто ми беше делот од биологија кој се вика анатомија. Да, дефинитовно лекар. Веројатно затоа се заљубив во докторка – низ смеа истакна Коцев во едно интервју.

Тамара, Калиопи и Елена Ристеска гласаа во „Ѕвездите на Гранд“

Вчера се одржа финалето на Ѕвездите на Гранд, а меѓу оние кои се бореа за победа беа и македонски претставници.

Од Македонија по евровизискиот начин на гласање, гласаа Елена Ристеска, Калиопи и Тамара.

Прва се вклучи Елена Ристеска која 8 поени му додели на Огнен Здравсковки, 10 за сега победничката Џејла Рамовиќ и највисоките 12 поени му ги додели на кумановецот Мартинијан Кириловски со што ги поддржа Македонците во Гранд.

Тамара Тодевска му даде 1 поен на скопјанецот Филип Пецовски, за Огнен додели 5, потоа 10 поени за Дарко Коцевски од Скопје и највисоките 12 поени на Тамара беа за Џејла.

Калиопи пак, 8 поени имаше за Огнен Здравсковки, Мартинијан од неа доби 5 поени, Дарко 3 и највисоките 12 поени од Калиопи отидоа за Џејла.

Популарно