Скопјанец го тепал двегодишниот син до онесвестување, а потоа ја претепал мајката

Татко си го тепал двегодишниот син до онесвестување по што ги заклучил другите деца во соба, а ја претепал и сопругата кога сакала да им помогне. Детето е задржано во болница на лекување, а татко му е приведен во полиција.

Нов случај на семејно насилство во Скопје открива полицијата во утринскиот билтен. Станува збор за 47-годишен Скопјанец Ф.С. против кој е поднесена кривична пријава од страна на Секторот за внатрешни работи Скопје до Основното јавно обвинителство во Скопје. Според полицијата, тој извршил две кривични дела – телесни повреди во вршење семејно насилство, казниво по член 130, став 2 од Кривичниот законик на Република Македонија.

Скопјанецот на 8 јули годинава во семејниот дом, во алкохолизирана состојба, физички ги нападнал својот двегодишен син и сопругата Ѓ.С. и им нанел телесни повреди. Додека сопругата била на работа, таткото физички го нападнал двегодишното дете по што тоа се онесвестило.

Како што информира полицијата, околу 18.30 часот мајката дошла од работа и ги затекла своите четири малолетни деца заклучени во соба. Во моментот кога нејзиниот најстар син (9 години) ја отворил вратата, скопјанецот физички ја нападнал сопругата. Таа успеала да избега во собата кај децата, кои кажале дека татко им ги тепал сите, а најмногу најмалиот брат.

Набргу мајката со такси-возило го однела двегодишниот син во Ургентниот центар при комплексот клиники „Мајка Тереза“, каде што му биле констатирани телесни повреди и бил задржан на лекување.

Во разговор со полициските службеници Ѓ.С. изјавила дека ова не е прв случај на семејно насилство од страна на Ф.С.. Тој и порано ги малтретирал. Со помош на Центарот за социјални работи на град Скопје другите три деца биле згрижени во шелтер-центар.

На 9 јули во 1.05 часот пријавениот Ф.С. бил приведен  и задржан во полициска станица.

Скопјанка минала низ пекол!

Маж влегол во домот на скопјанка и се обидел да ја cилyBa, но за среќа не успеал.

Рано утинава во 01 часот и 25 минути во СВР Скопје, 41-годишна жена од Скопје пријавила дека околу 00.50 часот, додека спиела во домот на улица„Киро Фетак“ во Скопје, непознато лице се обидело да изврши обљуба, но не успеало.

Се преземаат мерки за расчистување на настанот.

ВИДЕО: Инцидент во Струмица откако било побарано да се измери јачината на звукот од џамијата!

Синоќа во 20:23 часот, СВР Струмица заедно со инспекторатот за животна средина имаа заедничко дејствување во турското маало во Струмица откако претходно до Општина Струмица од стотици граѓани била покренета петиција против гласното пеење на оџата од џамијата. Заедничкото дејствување било со цел да се измери јачината на звукот, но околу 300 верници од исламската вероисповед излегоа на улицата кога полицијата пристигнала во турското мааало, мислејќи дека тие ќе го забранат пеењето на оџата.

Од СВР Струмица изјавија дека дејстувањето било најдобронамерно со цел да се измери јачината која синоќа покажала дека е поголема од дозволената. Како што велат очевидци дошло до инцидент бидејќи дел од насобраните верници извикувале дека ќе ја запалат црквата „Св.15 Тивериополски Свештеномаченици“.

Православното население кое живее во истото маало велат дека тие немаат никаков проблем против џамијата како објект, ниту пак против луѓето од исламската вероисповед, но треба да се внимава на пресилната бучавост од звучниците на џамијата.

Од СВР Струмица велат дека ќе биде побарана средба со верските заедници и проблемот во најбрзо време да биде решен на мирен начин без никакви дополнителни инциденти. Во продолжение погледнете го видеото:

Го фатиле на дело

Момче од Арачиново падна во рацете на македонската полиција откако го фатија со мигранти.

Во 08.05 часот на местото викано „Костурник“, атар на селото Речица, кумановско, полициски службеници го привеле 21-годишниот И.А. од Арачиново.

При контрола на патничко моторно возило „рено еспејс“ со струмички регистарски ознаки, кое го управувал И.А., полициски службеници пронашле 15 лица мигранти од Бангладеш.

Возачот и мигрантите биле приведени во полициска станица за понатамошна постапка.

Популарно