ВИДЕО од вчерашната поплава во Скопје

Силно невреме проследено со поројни дождови, грмежи и ветер вчера го погоди Скопје.

На Фејсбук стрната „Ѕид на сообраќајниот срам“ беше објавено видео од  Пинтија, каде се гледа реки вода по улиците, при што возењето на автомобилите е отежнато.

Видеото погледнете го ТУКА

Наскоро нема возење низ Рекорд

Повеќегодишната идеја за затворање на улицата Димитрије Чуповски кај Рекорд за сообраќај е на прагот на реализација. Ова го потврди градоначалникот на Скопје, Петре Шилегов преку пост објавен на својата Фејсбук страна.

Според планот, улицата пред Рекорд ќе биде поплочена, а истата ќе може да ја користат само возилата на јавниот превоз т.е. автобусите на ЈСП. Истовремено планирано е и проширување на паркот Жена борец во насока кон зградата на Парламентот.

“Она што сега го работиме е догодина целосно да се затвори Мал ринг за возила и да стане пешачка зона, како што е секаде во светот. Тој дел ќе добие комплетно нов изглед, со уреден плочник и тротоари, а паркот ’Жена борец‘ ќе се прошири кон Собранието. Размислуваме единствено на тој простор да се движат автобусите од јавниот превоз. Паралелно ќе се работи на проширување на улицата Даме Груев во булевар” стои во Фејсбук статусот.

Токму улицата Даме Груев (улицата кај Беко, позади Парламентот) ќе биде алтернативната сообраќајница низ која ќе се движат возилата. Планирано е оваа улица да се прошири и да се направи со четири ленти, а за таа цел ќе биде срушена зградата на поранешен Макотекст како и околните паркинзи.

Граѓаните се со поделени мислења околу оваа одлука. Додека едни ја поздравуваат, други сметаат дека единствено решение за сообраќајниот хаос во центарот на градот е проширување на улицата Даме Груев, со истовремена изградба на подземна сообраќајница од кај Палома Бјанка до Парламентот на Република Македонија.

Сопственикот на ресторанот имал дозвола да кастрење на дрвата во Капиштец, но...

Казна од 2.000 евра доби сопственикот на ресторан на улица „Народен Фронт“ во Скопје кој за време на викендот ги исече сите гранки на шест здрави дрвја.

Ресторанот добил дозвола од Градот Скопје за поткастрување на гранките, но по извршениот увид на инспекторите е утврдено оштетување.

„Градот Скопје издава решенија или за сечење или за кастрење на дрвјата. Во конкретниот случај од нас беше побарано кастрење, односно кроење на крошните што е нормалн активност во одржувањето на дрвјата. За жал, при самиот процес не е постапено согласно одобрението коишто го има издадено Град Скопје и веднаш во неделата, дента кога се сечеа дрвјата, инспекторатот излезе на терен, но за жал за неколку дрвја беше премногу доцна да се стопира сечата и беше изречена казна која беше и платена во нашиот град, што порано и не било пракса. Ние не можеме да спречиме злоупотреби, но секогаш кога ќе има злоупотреба на одобренијата кои ги издава градот, ќе бидат санкционирани“, рече градоначалникот Петре Шилегов на прес-конференција.

Тој појасни дека овие дрвја се во приватна парцела и Градот не може да наложи уредување на дворот, но можат да го казнат сопственикот, а за јавниот простор, најави дека ќе се потрудат да го зголемат зеленилото.

Скопје го затвара центарот за автомобили: Пешачка зона од...

Низ центарот на Скопје од наредната година нема да се движат автомобили. Градоначалникот Петре Шилегов вели дека во моментов работат на проектот потегот од крстосницата кај Собранието до трговскиот центар „Палома бјанка“ да стане пешачка зона.

„Она што сега го работиме е догодина целосно да се затвори Мал ринг за возила и да стане пешачка зона, како што е секаде во светот. Тој дел ќе добие комплетно нов изглед, со уреден плочник и тротоари, а паркот ’Жена борец‘ ќе се прошири кон Собранието. Размислуваме единствено на тој простор да се движат автобусите од јавниот превоз. Паралелно ќе се работи на проширување на улицата Даме Груев во булевар. Проблемот со зградата на поранешен ’Макотекс‘ која се наоѓа на самата улица го решаваме. Градот ќе ја откупи зградата и ќе ја урне. Во тој дел ќе има простор и за парк кој ќе биде замена на паркот спроти Стара железничка станица, кој беше уништен заради изградба на зграда од проектот ’Скопје 2014‘“, вели Шилегов.

Есенва Град Скопје ќе почне со уредување на влезот кон Плоштадот Македонија кај триумфалната порта.

„Ќе влеземе во уредување на помали места за да го подигнеме квалитетот на јавниот простор. Влезот кон Плоштад сега е една асфалтна површина што на ништо не личи. До крајот на октомври ќе имаме нов изглед на овој простор кој ќе вклучува и зеленило“, вели Шилегов.

Град Скопје летово работи на реконструкција на десетина улици низ градот. За првпат, како што вели Шилегов, се работи навечер и градежните работи се изведуваат во рекорди рокови, што не било пракса во минатото. За ноќното работење на улиците не се наплаќа повеќе, туку во договорот со изведувачите е предвидено тие да работат 16 часа во текот на денот.

„Она што Градот го направи пред почетокот на оваа градежна сезона, кога ги спроведувавме постапките за јавни набавки, беше условување на изведувачите кои ќе ја добијат работат да се придружуваат на терминот за изведба и градежните работи да се одвиваат најмалку 16 часа. Тоа за прв пат е видливо во нашиот град. Со еден поинаков начин на менаџирање на буџетските средства ги решаваме проблемите на граѓаните. Често зборувам дека не знам што се работело изминатите 30 години, еве сега го повторувам тоа. Градот е финансиски стабилен, немаме нови кредитни задолжувања, а сепак успеваме да реализираме подобрување на инфраструктура. Ако се одвојат 15-20 отсто од буџетот, што е околу 10 милиони евра, се завршуваат голем број инфраструктурни проекти. Тогаш стварно се прашувам на што се трошеле парите порано?“, вели Шилегов.

Популарно